Ask @Zajaabady:

كيف يتحول الشعور من شعور لآخر ؟ للتوضيح " كيف لشعور الضعف مثلًا أن يتحول لقسوة ، و الشوق لغضب ، و هكذا " !

فاطِمة .
احنـا خزائن من مشاعـر وصفات منعرفها ومرات نستغربها، وقت الضعف انحس بـ قوة وگدام مصيبـة چبيـرة، ونتفاجئ بـلا مبالاتـنـا من يروح من حاربـه الدنيا علموده، ويهزنـا فقدان اشخاص اعتقدنا وجودهم مو مهم بـ حياتنـا ،عادي نعصب ونحزن ونضوج وحتى نبچي بلا حتى اسباب جاهـزة
نفس متگول شهد الراوي"أننـا ولدنا بنصف حالـة ولا نعلم ان النصف الاخر ينتظر المواقف العظيمـة كي يمد راسـه فـ يصدم الجميـع"

View more

شكد تقدرون نسبة اهتمامكم بالقراءة؟ تفضلون تقرون الكتب الالكترونية لو الكتب العادية الورقية؟

Zaid
اتذكـر شعـور اول مـرة قريت كتاب ورقي بـ حياتي، قريتـه ع لايـت الفـون وبـ طريـق بغـداد ومن يومهـا صـرنا اني والكتـب "احبـاب" وتحديـداً الورقيـة لانُ ابداً مااحب الـ pdf احسها "خاليـة" من نكهـة الاستمتـاع بـ القراءة
من اسـچ مااقـرة بغرفتي اللي بيـها مكتبة ادري بنفسي اعـوف ملازمي واروح اقـرة اي كتـاب واندمـج ويـاه ساعـات بلا مااحـس بـ الوقـت فـ ابتعـد عنـها😔..

View more

هل ‏الكتابة مُرة؟ أم هي متنفس لاخراج مايجول داخلك؟.

عـبـيـر ⇗♕⇖
بوحـدة من لقـاءات محمد درويش سألـوه عن سبب تـركـة لهوية الرسـم توجهه للكتـابـة فـ گـال"الـرسم يحتـاج ورقـة وقلـم رصـاص وسبعـة ألـوان، امـا الكتـابـة فتحتـاج جـرحـاً وورقـة وقلـم رصـاص"
رغم احب اكتب واني بـكل حالاتي بس من اضـوج " الكتـابـة" تصير "حاجـة" لازم ما تتأجـل.. اشبـه بـ شرفـة او مخـرج تمنحني حرية التعبيـر التلقائي عن كـل مشاعـري..

View more

كلنا شايفين افلام ومسلسلات تتحدث عن السفر عبر الزمن ، وفيزيائيا يحدث هل موضوع بشروط حتى لو كانت مستحيله برأيكم راح يجي وكت تحدث هل ظاهره ع ارض الواقع ؟ واذا صارت بيا زمن عاجبكم ترجعون ؟

ᗰᑌᔕTᗩᖴᗩ
واقعيـاً لا،ممكـن يخترعـون فـد جهـاز يرجـع الشخص بخيـاله الحقبـة كان عايش بيـها او عنده اطـلاع عنهـا..
بـ النسبـة الي ماتستهوينـي هيـچ امـور احب اعيش "اللحظـة" حتى ذكـرياتي الحلـوة مااحب ارجعلهـا دامهـا مؤقتـة وحتى لو كـانت دائميـة تبقى مجـرد "ماضي"

View more

سؤال واتمنى تجاوبون بصراحه .. اذا شخص تدري بي يحبك وماعنده غيرك بس كذب عليك ابعض الامور مثل الدراسه والعمل .. ومن كشفته كلك خفيته لان جنت خايف تعوفني بسببهن .. ياترى صح انو نسامح وننطي فرصه لو لا ؟ اطربوني باجوبتكم

ENG.HUSSEIN-AlBADIRI
"اعوفـه بسببهـن" بـ النسبـة الي سبب مو مقنـع لانُ هو حـ يعرف اني مـا اهتـم لا للشهـادة ولا للوظيفـة بقدر مـا اهتـم للشخصية والافكـار
اليوم اختي أخذت رأيي بـ صـورة ممثـل كتلهـا هذا عـادي واصـلاً محلو وراويتهـا صورة ممثـل بنظري قمـة بـ الجمال وبنـظرها اقـل من العـادي..ادري انُ اني حبيـت دورة وافكـاره بـ المسلسل كلش اهواي لدرجـة اشوفـه بهـل الجمال رغـم شكله مقبـول وعادي..
ممكـن افكـاره تنقـذة وتخليني انطي فـرصـة اذا كـان "يستـاهل "وقبـل الفرصـة درس معـدل لانُ اقترف خطأ بـ طبـع اتخبـل منـه..

View more

كم مرة سمعت أنك "صديق عظيم" بينما أنت تعيش اغلب لحظاتك وحدك ...؟ 💙

‏‏ jgjɺȊ gɹ̣Ȋ↶ᔓᗩIᑎ ‏‏✨
اسمعها اهواي من صديقاتي المقربات
بـ اوقـات حُزنـي اني سعيـدة ظـاهرياً گـدام الكـل ومن ضمنهـم صـديقاتي صـح ملامحي ثرثـارة وممكـن يبين عليـه بس مااحچي شي ،كـافي للنـاس احزانـها ومشاكلهـا مو ضروري اچي افضض بـ سلبيـة ومأسـاة لا تقـدم ولا تأخـر او بـ الاحرى "الفضضة السلبيـة" عندي متطـلع خارج اطـار العائلـة..

View more

كلنا بفترة من فتراتنا تجينا حالة فقدان الشغف بالاشياء او بالشغل شلون تتعاملون وياه وشلون تتخلصون منه؟

ْعَہُسَہلہ ❥
دائمـاً يصير عنـدي شغف بـ شي و ورا فتـرة ينتهي مااخلي اي "تسـاؤلات" لؤيش انتهـى وانطي اكبـر من حجمـه لانُ مجرد تفكيـر حيتعب اكثـر من فقـدانـه اتـركه واستغـل حبي لـ اشيائي الثابتـة الاحبـها او يصيـر عندي شغف بـ اشيـاء ثانيـة هـاي في حالـة اذا شغـلات عـاديـة واخذت منهـا "فائـدة تُذكـر" حتى لو انتهت مـا بيـها اي ضـرر
واذا ضروريـة اعرف السلبيـات اللي تصيـر ورا ميـروح الشغف انطي لنفسي فتـرة بعيـداً عنهـا وارجـع ،كـل شخص يعـرف نفسـه زيـن ويعرف اذا راح شغفـه شنو سلبيـة وايجـابيـة الموضوع ..و"الايجـابية"كـافي ترجع شغفـه

View more

▪︎ مابين رأي الناس هو والماكو سوة ، وبين انك لازم تكون شخص محترم ومرتب بنظرهم .. شلون نفرق ⁉️

• • ᗰᗴᖇᑎᗩ | مـيَرنـــآ • •
من يكـون محتـرم ويعرف نفسـه انُ هو فعـلاً هيـج ومن داخلـه مقتنـع،رأي النـاس مـا راح يشكـل اهميـة او تغييـر بحيـاتـه لانُ هو اصـلاً عندة ثقـة وقنـاعة بـ نفسـه.. وطبعـاً مو اي نـاس اگو اشخاص الهم "خصوصيـة" رأيهـم مهـم وطبيعي الباقين هم يأخذون عنـه انطبـاع معيـن
بس اللي يدعي المثاليـة او صفـة ماموجودة بي اصـلاً لـ غرض ابهـار النـاس هنـا يحتـاج رأيهم وانبهارهـم حتى يسـد نقصـه..

View more

تگدر تثق بشخص ترك شخص ثاني علمودك بإسم الحب؟

fofa
قبل ماانطي ثقـة ماراح اتقبلـه من البدايـة لانُ لو كان ناضـج بما فيـه الكفـايـة عرف يختـار صح او ثبت ع "شخص واحـد"
واذا حجـتـه انُ خياره "خطأ" لازم قبـل ما يحب اوينعجب بـ شخص ثـاني هو تارك كل خيـاراتـه السيئـة،بس هو فكـرتـه "اوفـر البديـل" ومن احصـل الافضـل "اتـركة" فـ مـا يستـاهل حتى فـرصـة مو دور عشـرة وثقـة..

View more

اطوني اغنيه تحبوها والها قصه يمكم👀❤🙏🏻

lady.sofia♥️
هل الاغنيـة اهـداء واهواي احبهـا💜
شگـول عليـك
اگـول انسـاك..روحي ويـاك
شگـول عليـك
اظل زعـلان ..مـر فرگـاك
مثـل فزت طفـل روحي تفـز لو سمعت بطرواك
ومثـل وردة وشحيحـة مـاي مزنـة مطر تتنخـاك
واگـلك هـاگ شوف اجفـاك
شوف شسـوه بيـه جفـاك
https://youtu.be/CPSgBaMG29w

View more

تكدر تتحمل عيوب شخص تحبه.؟

Y.A.H.Y.A
قريت نص حلـو يگول"نحن الذيـن لا نطيـق سمـاع شكوى لدقيقتيـن نقضي سـاعات بـ التحايـل ع من نحب ..شبيـك،صايـر شي؟ واحچيلي اني اسمعـك..وتمضي حياتنـا بـ استثنائـات"
الاحبهـم اتحملهم الى ابعـد الحدود وكأنُ مـااشـوف عيـوب بالاصـل وانطيهـم مطلـق الحريـة بس هذا كـلة"بمـزاج معيـن" عندي قابليـة اتحمـل صديقتي ساعات تتفلسف بـ اشيـاء اعرفها وانطيها حريـة تكمـل كلامهـا وبنفس وقـت، مرات اذا حجـت كلمـة اهددها بـ البلـوك بيـن قوسيـن كلشي يعتمـد ع "التوقيـت المنـاسب"
بالاخيـر انيهم مو مـلاك وعنـدي عيـوب واعرف كلش زيـن منو يتحمـلها وتحت "يامـزاج وبيـا وقت"

View more

انتوا من النوع الي تتأقلمون بسرعة ويه الظروف ؟ لو لا ؟ اذا اي ، أنطوني سركم أختكم متبهذلة 😭

Zainab Fadhel
اواجـه صعـوبـة بـ البدايـة بس اتقبـل الوضـع بالاخيـر،ماكو شي يخلـو من الايجابيـات والسلبيـات خلي تركيـزج كلـه ع النـواحي الايجابيـة
كروبي مال السـادس چان اكثـر كروب ما منظـم بـ المجرة لا محاضـرات نفس الناس ولا جدول ومدارسنـا كلها مختلفـة حرفيـاً نشلع گلبي بي ودائمـاً اكـول شورطني ..من عفـت كل هل الافكـار والصعوبات وركزت ع الايجابيـات مثلا اساتذة يفهمـون،تعرفت ع نـاس جدد يخلقون جـو اضحك بي من گلبي بعيـداً عن الضغط والظـروف المريت بيهـا بـ السادس بالاخيـر حبيتـه وتقبلتـه وعندي ذكريـات حلوة متنسـى..

View more

زينب مساحة 💎🤍

خليل
خليـل🌾
نحن الكومبارس في مسرحية المنتصر والمهزوم،الشهـود الذين لا يسمع أحد شهادتهـم "البشر العاديون" الذين يتحركون في الأمكنـة غير المضاءة من مسرح الوجـود..لسنا فقراء مسحوقين لكي نكون مـادة جيدة في رواية البؤسـاء ولسنا أثريـاء وفاتحين ومبشريـن كي تخصص لنا صفحات طويلة في قصة الحضارة..
نعيش حياتنا على الهامش بكل " تلقائيتنا وعفويتنا" نحب ونكره ،نحزن، نبكي،ونفرح دون ضجيج يذكر ..
عندما يضاء المسرح من حولنا نهرب إلى الظل ..!
لا نحب الأضواء ونمشي دائماً إلى جانب جدار التاريخ.. لا نصنع الأحداث مهمتنا ان نجعلها جيدة ونبقيها متوازنة لذلك يسموننا (الطبقة الوسطى) ثم عندما يكتبون التاريخ والأدب يتجاهلوننا
يصادف أن تظهر لنا صورة هنا واُخرى هناك.. ثم نجد بعدها ألف سائل يسأل :وين شايفيهم..! وجههم كلش مالوف ..؟
نحن مألوفون لأننا نشبه هذه البلاد نشبه بغداد .. نشبه الصور القديمة بالأسود والأبيض ..نشبه مياه دجلة وغرائب الفرات تتغير الأحوال على شواطئنا ولكننا نجري ونجري بغير ندم إلا ان الندم يسكن من يجافينا..

View more

قديماً جانت عبارة "قل لي ماذا تقرأ اقل لك من انت" بهاي السنين تقريباً صارت "قل لي من تتابع اقل لك من انت" منو الاشخاص "المشاهير او المؤثرين " الي متابعيهم وهل يأثرون عليكم وعلى افكاركم؟ وشنو سبب متابعتكم الهم؟

ْعَہُسَہلہ ❥
متابعـة ع الاسـك تقريبـاً ١٥٠ ومنتبهة ع اسكـات اقل من عشريـن شخص وأحب اقـرة انسراتهـم دائمـاً،نفس الشي المشاهيـر متابعـة اهواي بس معنـدي اي اهتمـام بـ أخبـارهم وحياتهـم ومنتبهة فقـط ع شهد الراوي تعجبني كـ شخصيـة وأحب مقالاتـها،ادهم عـادل كتلـة من السـلام وشاعـري المفضـل،عـدنان ابراهيـم اطلـع ع افكـاره،د.يـوسف معالـج نفسي استفـاد من تحليلـة وبثـه،هشـام الذهبي ولؤي ساهـي وزينـب العقابي كلهـم طاقـة ايجابيـة وتنزرع ويـاهم البسمـة..متابعـة بيجـات حلـوة مستفادة من معلوماتهـا وافكـارها اكثـر من المشاهيـر..

View more

سولفولنا اخر حقيقة علمية او معلومة عرفتوها و أثارت أستغرابكم او عجبتكم؟

هديل
اگو فيروسات تسبب السرطـان اسمهـا "الفيروس الورمي" ،من الفيروس يسبب عدوى ينشر الحمض النووي مالتـه ويؤثر ع الخلايا السليمة بجسم المضيـف واحتمال يؤدي الى السرطان مثـلاً فيروس الورم الحليمي من يندمج الحمض النووي مالته وية الحمض النووي مال المضيف يعطل الوظيفـة الطبيعية للخلايـا رغم اگو اهواي اشخاص مصابيـن بهذا الفيروس بس ما بيهم سرطان عدا السلالات الفيروس القوية اللي تسبب سرطان عنـق الرحم وهذا ثاني اكثـر الانـواع شيـوعـاً عند النسـاء لازم الاشخاص العدهـم هذا نـوع من الفيـروسات يجرون مجمـوعة من الاختبـارات المناسبـة ومتابعـة بشكـل روتيني هذا االفيـروس ميربتط بس بسرطان عنق الرحـم انمـا يرتبط بسرطانـات ثانيـة مثل الرقبـة،العنـق،الشـرج
بعد اگو فيروسـات ثانيـة مرتبطـة بـ السرطـان..

View more

عبادي العماري يگول "شخص اللي مايحبه الگلب...مهما بذل ماينعز" تتفقون وياه؟ لو ممكن تميل عواطفكم لعطاء الماقبل وبذله للأمور اتجاهكم؟

علي الطاهر
مااتفق،لانُ اني من النوع اقدر المقابـل ع افعالـه وما انسـاها وبـ النسبـة لمشاعري في حال كانت افعالـه بس علمود "فرض حبه" حتبقى نفسهـا وممكن اضـوج ومااحب يسـوي اي شي واذا صـارت "مقدرة افعالهم"
امـا اذا كانت بس لمجرد حبهم بعيـداً عن مشاعري ممكن تتغيـر بالحالتين "مقدرتهم"

View more

قولي أحبك كي تزيد وسامتي فبغير حبك لا أكون جميلاً قولي أحبك كي تصير أصابعي ذهبا وتصبح جبهتي قنديلاً قولي أحبك كي تزيد وسامتي فبغير حبك لا أكون جميلاً قولي أحبك كي تصير أصابعي ذهبا وتصبح جبهتي قنديلاً (الآن قوليها (قوليه الآن قوليها ولا تترددي بعض الهوى لا يقبل التأجيلا

قولي لي كيف سأنقذ نفسي من اشواقي واحزاني..ماذا افعـل فيك انا في حالة ادمـان! قولي لي ما الحل فأشواقي وصلـت حد الهذيـان ..من اين أتيت وكيف أتيت وكيف عصفتي بوجداني..

View more

عيناك.. آخر مركبين يسافران فهل هنالك من مكان؟ إني تعبت من التسكع في محطات الجنون وما وصلت إلى مكان.. عيناك آخر فرصتين متاحتين لمن يفكر بالهروب.. وأنا.. أفكر بالهروب.. عيناك آخر ما تبقى من عصافير الجنوب عيناك آخر ما تبقى من حشيش البحر، آخر ما تبقى من حقول التبغ، آخر ما تبقى من دموع الأقحوان عيناك..

عينـاك امنيتي وحلـم طفولتـي وجمال وجهـك دجلتي وفـراتي ..كنـت اكفـر الهوى وعذابـه حتى رأيتـك والتقيـت بذاتي..ياسكرة الحـب التي ادمنهـا قـولي احبـك حتى تنتهي مأسـاتي..

View more

متى تكره أحدهم بشدة حتى لو كان بينكم حب؟!#

❤️ Dulaimi | #دليمــي ❤️
اكيد بدرت منهم تصرفـات ما اتحملهـا.. مااحبهـم،انزعـج منهم بعد مااطيـق اشوفهم ولا حتى اسمع بـ اسمائهم بس اكـرههم لاء الكـره معنـاها ما اتمنالهـم غير الشـر بحياتهم واني مو هيـچ اذا فـديوم سمعت بيهم متأذين اگـول خطيـة وممكـن اضوج عليـهم ،الحيـاة گصيـرة متستـاهل نملي قلوبنـا بـ الكـره اللي منضـر بي غيـر "نفسنـا"..

View more

اهتمام شخص بيك يعجبك أم يضايقك ؟ 🤎✨

Mustafa Mohammed
بالنسبـة الي مااشوفـة مزعج بس اذا چـان من الشخص الخطـأ.. امي من النـوع الكلش حريصـة وتخاف عليـه من الهـوا دائمـاً تكولي لا تفتحين الطبـاخ لا تدنين للكـهرباء...الخ كأنُ بعدني طفـلة صح مـرات اضوج اريد اعتمـد ع نفسي بلا ما احد يخـاف عليـه لهل درجة بس من تمـرضت امي وفقدت هل الاهتمـام اهواي افتقدتـه فـ بعد ميضوجنـي الاهتمـام حتى لو مبالـغ بي:)

View more

يا جماعة اريد طريقة مضمونة اقره بيها تراكمات فصل ثاني ونص فصل اول واكمل تقارير واخذ سعي عالي وانجح امتحانات فاينل دور اول 🙂🙂💔

Mustafa Mohammed
لا تقرة وحدك احاول تقرة ويـة شخص اهم شي يكون مايسخت وحريص انُ يكمل مادة بـ اليـوم تتفقـون تقرون بنفس الـوقت وتقسمـون المـادة وهاي طـريقة مضمونـة اذا اثنينكـم حابيـن تقرون
او اقـرة وحدك انطي لنفسك حافـز ولا تسخت وهلشي بيـدك..ركـز ع الكورس الثـاني من تخلص امتحانـاته احتـار بالاول.. وترا كلنـا راح ننجح دور اول:)

View more

Next