“People look so different once you don’t care about them anymore. You begin to notice how ordinary they are, how it was your love that made them so special; that placed them on some sort of pedestal.”
بمناسبة ال valantine ..♥️ إحساس إن في حد ف حياتك بيشاركك كل اهتماماتك و بتشوفوا مستقبلكوا في عيون بعض حاجه حلوه وكبيره وبتفرق ف النفسيه والمود وبتخلي مناسبات زي النهارده يوم غير تقليدي .. *ده في حالة ان انتوا مختارين صح طبعا* .. كلامي اللي بكتبه ده للناس كُلها اللي عاشوا يوم غير تقليدي زي انهارده في يوم من الأيام و الظروف أو النصيب او اي عوامل تانيه تدخّلت والعلاقه دي مكملتش ومحالفهُمش التوفيق .. متزعلوش على الأوقات دي .. متندموش على لحظه حبيتوا فيها من قلبكوا .. خصوصاً لو عملتوا اللي عليكوا ..اتبسطوا ب كل وقت حلو عشتوه .. افتكروا الحلو دايما .. اللي كنت بتتمناه محصلش ؟ .. آه محصلش .. بس الأيام اللي عشتها دي من عُمرك! .. متخليش حد ياخد من عمرك لمُجرد ان هوا مبقاش معاك .. *أياً كان هوا عمل ايه بقا .. كان كويس معاك ومحصلش نصيب او حتى ظلمك * .. أوعى تمسح ذكرياتك دي عشان الدنيا ملهاش أمان والحياه ممكن تخذلك كتير ..والعُمر مُمكن يعدّي وتلاقي نفسك مش فاكر أيامك! زي انهارده : شُكرا ل قلبي اللي مكدبش مرّه شُكرا ل مشاعري الحقيقية شُكرا ل أحلامي السعيده التي لم تتحقق شُكرا ل الأيام اللي علمتني شُكرا ل كل وقت حلو حسيت فيه اني عايز اغيّر قعدتي عشان رساله حلوه جتلي شُكرا لكل وقت حلو بصيت فيه ف المرايا بعيون حد بحبّه. شكرا ليكي من كل قلبي ❤️ شكرا..