Ask @abdalraheembakro:

اختاروا بحياتكن الناس الحنونة .. هي الناس ما بتنساك و لا بتزعلك و لا بتتركك ومستحيل تبيعك ، الحناين بهالأيام نعمة والله .. 🖤! اي شي ع ذوقكن🖤🌻

وعندما تشتاق لأحدهم و بشدة..
يصبح العالم و كأنه خالي من البشر..

View more

هل ستكون الحياة بلا معنى لو استطعنا العيش للأبد؟

Sana Mshmshan
اكيد اذا ماكان في عند الانسان هدف يعيش كرمالو بهالحياة رح تكون حياتو بلا معنى
لانو منشوف بالدول الاسكندنافية كيف معدلات الانتحار عالية عند المواطنين اللادينيين بسبب انو المواطن هونيك جرب كلشي بالحياة ممكن يتجرب و بعدا بلش بمرحلة ملل من الحياة و يسال حالو ليش هو عايش حتى منون صارو يفكرو بالانتحار ليشوفو شو في بعد الموت
بينما الشخص المتدين اللي الهدف من حياتو ينجح بانو يفوز بالجنة بعد ما يموت وبآمن ممكن يعيش آلاف السنين وهو عم يشتغل لهاد الهدف
لهيك بيبقى هدف الانسان بالحياة هو المحرك لحتى يعيش لتاني يوم و يشتغل كرمالو يحقق هدفو
بس اكيد اذا عاش الواحد كتير رح يمل انا رفقاتي اذا شفتون فوق الساعة بمل منون 😂😂

View more

صباح الورد لكل مين ناطر حدا معين يصبح عليه وهو مو سائل .. صباح الرضى والأمل لكل مين كان يائس ليلة امبارح وصحي بأمل جديد .. ما رح قول بكرا أحلى ، بس هو فعلاً أحلى بس لأنّك موجود فيه ( وجودك هو إلي رح يصنع الفرق ويحلي الأيام ) . نهاركن مليان بالصدف الحلوة يا رب .💛🙏🏼

weam Alati
صباح و مسالخير والتفاؤل 🌸🌸

View more

كيف ممكن نتخلص من تعلقنا بحدا منحبو كتير بس هو ما عببادلنا هالشعور و لاعببادلنا هالإهتمام؟؟ شعور صعب كتتتير... ساعدونا 💔

إذا هالحدا ما عببادلنا نفس الشعور و الاهتمام فمنبعد عنو و منتركو من دون اي تأسف او ندم
لانك بتستحق حدا يبادلك نفس اهتمامك و شعورك و طيبتك الو
ولازم ننتبه انو مو كل شخص حبيناه رح يحبنا بالآخر القلب و ما يهوا
فشو نفع االحب اذا ما كان طالع من قلب المحبوب لانو شقد ما حاول يجاملك بالبدابة رح يوصل لدرجة ما بقا يقدر يكذب عليك فيها و رح يقلك انو هو ما بحبك

View more

ماعم يقدر يكمل قراءة شي عم يحاول بشوية كتب تنمية بشرية وعم تجلسو لمدة مؤقتة بس بعدين عم يرجع للمشكلة الأساسية يلي بدا تصحيح من جوا..الفراغ يلي بناه وماعم يعرف يتحرر منو، عندو كتير اشياء ممكن يعملا ماعبيحسن،طموحاتو كلا مقتولة وماعندو رغبة بأي شي غير يخلص هالعالم وينتهي

هلأ ما بعرف شو هي المشاكل عند هاد الشخص لحتى اقدر ساعدو او اعطي نصايح تفيدو بشكل أكبر
بس رح يكون كلامي بشكل عام قد ما غلطنا و عملنا شغلات ضرتنا بالحياة هاد ما بيعني انو خلص الأمل انتهى و انو لازم نموت لانو غلطنا
لانو طالما لساتنا عايشين معناها لسا عنا امل و عنا وقت لنعوض عن أخطائنا و نعمل شغلات نأثبت فيها نفسنا قدام حالنا و قدام الناس
مو المشكلة انو الانسان يغلط المشكلة انو يغلط بس ما يحاول يصحح و يمحي غلطو
بلعكس خلي سبب اكتئابك تحدي الك مثلا اذا كنت متدايق من الوضع الحياتي بشكل عام خليه تحدي الك لتشتغل اكبر و تحسن حياتك
اذا كان اكتئابك بسبب امر غلط عملتو اعتبرو تحدي الك لحتى تمسح غلطك و تعمل أمر صح بالحياة
لا تخلي الاكتئاب يطفيك او يدمرك بالعكس خلي من الاسباب اللي خلتك تكتئب دافع وتحدي الك لتأثبت انك قادر و انك انسان قوي
ما حدا بيزعل قدنا اذا اكتئبنا بس ما حدا رح يحس بحلاوة النجاح و السعادة قدنا
الله خلقنا بالحياة لنشتغل و نعيش و نفرح وننبسط بما يرضيه
حتى جعل النا الحياة كلا تحدي و اختبار النا لنكسب الآخرة
بقا نحنا عند أول عثرة و غلط النا منضعف!!
مو بس القراءة بتنفعنا.... انزل عالشارع شوف الناس كيف عايشة في ناس حالتا صعبة جدا بس لسا عم تشتغل و تكافح لتعيش و هي مبسوطة
وفي ناس رغم كل مرضا لساتا عم تضحك
شوف فيديوهات لملاكمين و شوف كيف وقت بيوصلو للجولة العاشرة و رغم كل تعبون و ارهاقون بضل عم يقاتلو ليفوزو
الحياة حرب الحياة مالا سهلة و لازم نضل عم نقاتل لحتى نحس بحالنا انو نحنا موجودين و نحصل عاللي بدنا ياه

View more

+1 answer in: “إنسان عم يمر باكتئاب حقيقي، فقد رغبتو بالأكل والشرب وبممارسة أي شي طبيعي والألم النفسي ماعم يفارقو..بدو يخلص من هالحالة وماعرفان شلون ..بدو أي طريقة ليطلع منا شو يعمل؟”

إنسان عم يمر باكتئاب حقيقي، فقد رغبتو بالأكل والشرب وبممارسة أي شي طبيعي والألم النفسي ماعم يفارقو..بدو يخلص من هالحالة وماعرفان شلون ..بدو أي طريقة ليطلع منا شو يعمل؟

أهم شي يوقف جنبو أشخاص بيثق فيون ويكونو بحبو بخافو عليه
يضلو واقفين معو وساندينو لبين ما يطلع من هالحالة
يضلو يدعمو بكلام حلو ومتفائل و يحكولو انو شقد هو شخص مهم بالحياة و انو الحياة الحلوة عم تستناه
يعني يكونو هالاشخاص هنن الإيد اللي بترفع الستار اللي مخبي ضو الشمس عن قلب الشخص المكتئب
يعملولو مشاوير و شغلات حلوة وبتضحك
وخليه يسمع قرآن و يقرأ كتب و يقرأ عن انجازات أشخاص وناس وصلو لمكانة كبيرة من العدم متل اوبرا وينفري او مايك تايسون او توماس تديسون او جاك لي
واشخاص رغم اعاقتون ابدعو لانون مافقدو الأمل متل ستيفن هاوكينغ

View more

+1 answer Read more

ليش يبشه.. انا انونة 😴 اليوم شفتك ماشي مع صبية عند ساحة الجامعة رفيقتك هي؟

مو مشكلة انون او انونة نحنا هلأ بعصر المساواة بين الرجل و المرأة 😂😂
وهاد سؤال حشري خلو انفكن بمكانو الطبيعي ولا تدخلو بأمور الناس

View more

+2 answers in: “كيفك عبودة 😌”
Next