مساحة "للحديث عن نفسك" ~!✌

GaMaal ^O^
عشت بعيد عن أمي و أبويا 👌
و عرفت إن مسكة الأكياس الي فيها طلبات البيت و الطلعه بيها على السلم بتوجع الظهر جداً ، و إن الميه تقيله أووي ، و إن الغدا كل يوم مش بالساهل ، وعرفت إن الصحيان بدري لوحدك صعب ، وإنهم أحسن من ١٠٠ منبه ، وإن الغسيل ممكن يخليك متنامش علشان مستني تنشُره ، وإن الحاجات الضايعه مش هتلاقيها ، عرفت إن دور البرد أشد ١٠٠ مره من دور البرد و أنت معاهم ، و إن العلاج كان بيهم مش بالمضاد الحيوي ، و إن الي هتعوزه مش هتلاقيه في ساعتها ، عرفت إن المذاكره من غير ساندوتشات مبتتفهمش ، و إن الزعل من غير وجودهم أضعاف ، و إن الغلط من غير عتابهم مبيتشافش ، و عرفت إن ال shopping من غير ( لا ده ضيق ، مش حلو مخليك كبير ، كفايه كده النهارده ) ملوش معنى ، إن الأمان مش في قفلة الباب بالمفتاح و الترباس ، وإن ترتيب البيت شيء مجهد جداً ، و عرفت ان الطلعه من البيت من غير دعوه متتحسبش ، و إن في حاجات إسمها كهربا و غاز و إشتراك نت و إن الميه بتقطع ، و إن محدش هيجري يشيل إزاز الكبايه المكسوره و يقولك ابعد لتتعور 😔
عرفت ان احنا كبار بيهم ، صغيرين في بعادهم ، اموات من غيرهم 🙂
اللهم ارزقنا برّهم وأطِل اعمارهم علي طاعتك 😊🌸
ملخص حياة كتير مننا بعد الثانوية 💔
+2 answers Read more