Ask @abdelrahmaneslam55:

ل عبدالرحمن........🖤

صُدفه ⁦ "19 Days Left"❥
لما متلاقيش أب او أم بيخافوا علي تعبك او زعلك ومش عارف تشكيلهم ، لما متلاقيش أخ او أخت بيقلقوا عليك لو اتحطيت في مشكله او حتي بتموت ، لما متلاقيش صاحب يجيلك وقت حزنك او حتي وقت فرحك ، لما متلاقيش حبيب تقعد معاه بالساعات تحكيله ويحس بيك ..
وقتها هتحس انك مكسور وحزين وملكش ضهر خلاص ، وهتلاقي الاكتئاب محاوطك من كل الاتجاهات ، وهتقول انا هعيش بقيت حياتي تعيس ..
بعد كتر تفكير وهم اني خلاص هبقا كدا ، افتكرت حاجه سيدنا موسي قالها لقومه لما خلاص هيهلكو وحسو انهم ملهمش حد ينجيهم من ايد فرعون ، سيدنا موسي قالهم " كلا إن معي ربي سيهدين " يعني ربنا هو اللي هيدلني ويرشدني ..
وقتها ايقنت ان محدش هيوقف جمبي في كل حالاتي وحش او حلو ، قريب منه او بعيد عنه الا ربنا ..
فكك بقا من الوهم ، محدش هيموت من الجوع لو انت جوعت ، محدش هيتألم لو انت اتألمت ، محدش هيموت لو انت مت ..
فكرك هتلاقي واحد زي سيدنا ابو بكر لما قال شرب الرسول حتي ارتويت ، دا ابو بكر وخلاص مات مفيش ابو بكر في الحياه تاني ، بس فيه ربنا اللي احن من ابو بكر ..
ربنا مش وهم ، ربنا اكتر حاجه صدق وحقيقه انك لو روحتله هترجع اقوي شخص علي وجه الارض ، هتقابل الحياه من غير الم يصيبك ، ما انت خلاص راجع من عند ربنا .. ⁦♥️⁩
عبدالرحمن اسلام ⁦✍️⁩

View more

ᕱცᎠ ꂅլᏒᕱ♅ოᕱภ ꂅᏕᏕլᕱო

Ɽēhคᙘ ოēkhค๓ēƦ
لما تيجي تبعد عن حد متخليهوش يندم انه عرفك ، لا بالعكس خليه يندم انه بعد عنك ، خليك عندك قدر كبير من الاخلاق معاه في البعد قبل القرب ، خليه يمشي وهو مطمن انه لو كان ساب سر فهو سايبه مع حد امين بجد ، لو كان غلط او عمل مصيبه فيه حد هيداري علي غلطه حتي بعد ما سابه ..
وربنا لما اتكلم عن الفراق اللي بيبقي بين الزوجين قال " ولا تنسوا الفضل بينكم " ، ممكن احنا ناخدها علي اي اتنين سواء كان راجل وخطيبته او حتي اتنين ارتبطوا ببعض ، ممكن ناخدو المعني ونطبقه بين اي اتنين ..
متخلوش البعد بينكم ينسيكم الحلو اللي كان بينكم ، متخلوش البعد يندم حد انه عرف التاني ، خلو جواكم لبعض حاجه حلوه حتي بعد البعد ، خلو جواكم خير لبعض وان التاني يعيش حياه احسن ..
شكسبير قال " العلاقات اخلاق حتي لو انتهت " ، بيبان فعلا في نهاية العلاقات الحلو من الوحش ، كل واحد بيبان اللون بتاعه الاصلي اللي كان مخبيه ، وفي النهايه مش هتعرف تخبي لونك غصب عنك هتظهر بيه ، لان دا اصلك ..
كل حاجه هتنتهي وهتروح فحاول تسيب حاجه حلوه وراك .. ⁦♥️⁩
عبدالرحمن إسلام ⁦✍️⁩

View more

ڸـــ ξـــــبـנ الـرבــمـّﮠ..❥

♕⚠ℕḔẻⱤỖΌỖ⚠♕
في اي علاقه سواء بين مرتبطين او بين اصحاب او حتي بينك وبين ربنا ، لازم يكون فيه ثقه بينك وبين صاحبك عشان تستمر الصحوبيه دي ، ثقه بينك وبين حبيبتك عشان الارتباط يستمر ، وتكون واثق في الله عشان تشوف الخير كله ، فيه بقا مرض في كل علاقه اسمه الظن او الشك كفيل انه يخربها ..
انا شاكك ان صاحبي بيتكلم عليا وحش ، وشاكك انه بيوقعني في المصايب اللي انا فيها دي مع اني معنديش دليل علي اي حاجه ، ودي حاجه الشيطان مزينهالك ومخليك مصدقها وفعلا بتبدأ تكره الشخص وتبعد عنه ..
انا شاكك ان حبيبتي مش بتحبني ، وشاكك انها بتبص لغيري ، وشاكك انها بتكلم غيري وبردو معنديش دليل علي كدا ، وكل دا وسوسه شيطانيه ، الشيطان عاوز يبعدك عن حبايبك ومش عاوزك تبقا جمبهم ، وفعلا هتصدقه لو فضلت ماشي ورا الكلام دا وهتسيب حبيبك ..
اما سوء الظن بالله ، فإنك تكون في مصيبه ومش واثق ان ربنا هيطلعك منها ، ومش واثق ان ربنا هينجحك رغم قلة اجتهادك ، وللاسف دا قلة احترام وثقه في الله ، خليك واثق في الله انه هيخرجك وسيبك من سوء الظن به سبحانه ، عشان كدا ربنا قال " انا عند ظن عبدي بي " ، شوف بقا ظنيت خير هتلاقيه شر هتلاقيه بردو ..
احسنو الظن باحبابكم واصحابكم وكل الناس ، متخليش الشك والظن السئ يبعدكم عن اقرب الناس ليكم ، والله بعدها الشيطان هيكون مبسوط انه بعدكم وانت اللي هتكون ندمان ، قال تعالي " يا أيها الذين آمنوا اجتنبوا كثيراً من الظن إن بعد الظن إثم " .. ⁦♥️⁩
عبدالرحمن إسلام ⁦✍️⁩

View more

لـ عبد الرحمن ✨💫

Reehana
في مسلسل البرنس شيماء مرات فتحي كان جوزها فيه كل حاجه وحشه ، شغله حرام وغير كدا اتجوز عليها وكمان قتل مرات اخوه وابنه وشافت كل الاهانات معاه ، بس في الاخر جالها العوض واتجوزت واحد صاحب اكبر شركات ادويه في مصر بعد ما علا طلبت انه يشغلها عنده ، دا علفكره ممكن يحصل برا المسلسلات واكتر من كدا كمان ، بس حسك انك مش مقتنع ان العوض بيبقا موجود بالطريقه دي طب اسمع بقا ..
ام سلمي زوجة رسول الله كانت متجوزه قبل الرسول واحد وكان صحابي جليل ، فلما مات افتكرت حديث سمعته من الرسول وهو لما تحصلك مصيبه تقول " اللهم اجرني في مصيبتي واخلف لي خيراً منها " فقالته ، فرجعت وقالت لنفسها ومَن خير مِن ابي سلمي ، ف بعد انقضاء عدتها جالها الرسول وخطبها ، فيه عوض احسن من كدا طب لو فيه قول يا عم ، مش هتلاقي اصل دا الرسول ..
العوض موجود فاستحمل ، مش شرط اشخاص بس والله ، ممكن ف صحه وممكن يكون في مال وممكن يكون في منصب ، العوض بأيد ربنا سيبه هو اللي يعوضك باللي يشوفه حلو ليك ، بس خليك واثق ان ربنا هيعوضك عن اي حاجه حصلتلك ، ويا بخته اللي ربنا يعوضه .. ⁦♥️⁩
عبدالرحمن إسلام ⁦✍️⁩

View more

💙🍂

M O N A ✨
بدون طلب الرحيل رحلت وتركتني
وتركت بداخلي اشياء لا تُنسي
أفآن لهذا الحب ان ينتهي
ولن يكون بيني وبينك بعد اليوم وداً
ما زال تفكيري منشغل بمكانك الان
اين انت ؟ .. ماذا تفعل ؟ .. هل ستعود
ام سيكون الذي بيننا لقبه كان
احلامي بنيتها علي قُربك مِني
فجعلت قلبك لي بمثابة وطني
وتركت خلفي اي وطن غَيرَك
وتبدلت انا بوطن غيري
انسيت ان كما تدين تدان
وبحبي لك لا اريدك ان تدان
فأنت الوطن والسكان
احببتك ولا اطيق الرحيل
فبداخلي اشياء لا تُنسي

View more

بدون طلب الرحيل رحلت وتركتني
وتركت بداخلي اشياء لا تنسي 
أفآن لهذا الحب ان

احكِ عبد الرحمن

فيه نوع من البشر فيهم صفه انهم يتكلمو في اعراض الناس ، بيتلذذو اوي بكدا وهو بيفضح ويضحك ولا همه ، وكل ما يروح في مكان بص فلان عمل اي ، الا هو انت مسمعتش عن فلان عمل اي ، يا اخي الرسول بيقول " من حسن اسلام المرء تركه ما لا يعنيه " ، انت مالك دا يعمل ذنب اتركه للي خلقه متشيلش ذنب انك هتكت ستر الله عليه ، وكما تدين تدان واللي اتكلمت ف عرضه انهارده هييجي مكانه الف يتكلم في عرضك بكرا ..
ترضاه لاخوك ترضاه لامك ترضاه لاختك ترضاه لاي حد تحبه حد يتكلم في عرضه ، دا ربنا قال عن المؤمنين " واذا مروا باللغو مروا كراماً " ، ملهمش دعوه فلان عمل اي وبيسيبوا الخلق للخالق ..
طب بعض الناس هيقولك بس الحاجه دي في فلان مقولهاش ليه ، اسمع الحديث قال رسول الله ﷺ " أتدرون ما الغيبه " فقالوا الله ورسوله اعلم قال ﷺ " ذكرك اخاك بما يكره " قال افرأيت ان كان في اخي ما اقول قال ﷺ " ان كان فيه ما تقول فقد اغتبته وان لم يكن فيه فقد بهته " ، اظن خلاص الحديث جاب من الاخر ..
دا كفايه تشبيه ربنا في القران ، قال تعالي " ولا يغتب بعضكم بعضاً ايحب احدكم ان يأكل لحم اخيه ميتاً " ، بيقولك طول ما انت بتغتابه بتاكل في لحمه شايف خطورة الموضوع ، وفوق كل دا هي كبيره من الكبائر لازم تتوب لو عملتها ، طب وشوف الحديث دا كمان يقول النبي ﷺ" رأيت يوم اسري بي رجالاً لهم أظفار من نحاس يخدشون بها وجوههم وصدروهم ، فقلت من هؤلاء؟ قيل له: هؤلاء الذين يأكلون لحوم الناس ويقعون في أعراضهم " ، مش متكلم بعد الحديث دا ..
فيه واحد اسمه محمود الوراق كتب بيتين حلوين قال فيهم :
لا تلتمس من مساوي الناس ما ستروا
فيهتك الله ستراً عن مساويكا
واذكر محاسن ما فيهم إذا ذكروا
ولا تعب أحداً منهم بما فيكا ..
عبدالرحمن إسلام ⁦✍️⁩

View more

لگ_🖤

●فراوله ❤️●
يا فراق ندمتني ليه علي الحب
لما كسرت قلبي وبعدتني عنه
يا فراق انا متعود علي القرب
بقيت عايش اتمني اشوف ضله
انا الوم الفراق ولا الوم نفسي
ولا الوم الحب اللي عمره ماتصان
مين يرضي لنفسه انه يعيش
وكل يوم حاسس ان نفسه بتتهان
انا في بُعدك بتعذب لما بتخيل
الضحكة اللي بتشبه السما الصافية
وبصة عيونك اللي في عز الوجع
تبان بجمال مطر نازل في ليله دافية
كل البنات تقريبا ماتت في دنيتي
وقلبي بقا بيعاملك إن مفيش غيرك
وانا كمان اخترتك تكوني حبيبتي
اخترتيني انا كمان حبيبك؟
ساب فراقك جوايا حزن مش بيروح
حتي الدنيا بقت باهته وملهاش ملامح
حتي الشوارع ملهاش معني للنزول
لو راح كل الحزن من جوايا
حزن فراقك مش بيزول
يا فراق كل الاحبه التقوا
واحنا اللي بعد عذاب حبنا
قولت ليه اننا هنتفرقوا
صعب اتخيل حد غيره معايا
صعب اتخيل اننا مش هنتجمعوا .. 💔

View more

+1 answer Read more

Space 🤸‍♀️

Hanan Rahmy
في اي علاقه سواء بين مرتبطين او بين اصحاب او حتي بينك وبين ربنا ، لازم يكون فيه ثقه بينك وبين صاحبك عشان تستمر الصحوبيه دي ، ثقه بينك وبين حبيبتك عشان الارتباط يستمر ، وتكون واثق في الله عشان تشوف الخير كله ، فيه بقا مرض في كل علاقه اسمه الظن او الشك كفيل انه يخربها ..
انا شاكك ان صاحبي بيتكلم عليا وحش ، وشاكك انه بيوقعني في المصايب اللي انا فيها دي مع اني معنديش دليل علي اي حاجه ، ودي حاجه الشيطان مزينهالك ومخليك مصدقها وفعلا بتبدأ تكره الشخص وتبعد عنه ..
انا شاكك ان حبيبتي مش بتحبني ، وشاكك انها بتبص لغيري ، وشاكك انها بتكلم غيري وبردو معنديش دليل علي كدا ، وكل دا وسوسه شيطانيه ، الشيطان عاوز يبعدك عن حبايبك ومش عاوزك تبقا جمبهم ، وفعلا هتصدقه لو فضلت ماشي ورا الكلام دا وهتسيب حبيبك ..
اما سوء الظن بالله ، فإنك تكون في مصيبه ومش واثق ان ربنا هيطلعك منها ، ومش واثق ان ربنا هينجحك رغم قلة اجتهادك ، وللاسف دا قلة احترام وثقه في الله ، خليك واثق في الله انه هيخرجك وسيبك من سوء الظن به سبحانه ، عشان كدا ربنا قال " انا عند ظن عبدي بي " ، شوف بقا ظنيت خير هتلاقيه شر هتلاقيه بردو ..
احسنو الظن باحبابكم واصحابكم وكل الناس ، متخليش الشك والظن السئ يبعدكم عن اقرب الناس ليكم ، والله بعدها الشيطان هيكون مبسوط انه بعدكم وانت اللي هتكون ندمان ، قال تعالي " يا أيها الذين آمنوا اجتنبوا كثيراً من الظن إن بعد الظن إثم " .. ⁦♥️⁩

View more

السنه الاولي للنبي ﷺ ..⁦♥️⁩

من سنن النبي ﷺ أن لو فيه راجل بيحب راجل في الله ، يروح ويقوله انه بيحبه في الله .. عشان دا بيزيد من حب الناس لبعضهم اكتر ويبعض البغضاء والحقد والغل من قلوب الناس ، وهذه سنه من سنن الحبيب ﷺ ..
عن معاذ بن جبل أن النبي ﷺ أخذه بيده ، قال :يا معاذ ، والله إني لأحبك ، ثم أوصيك يا معاذ ، لا تدعن في دبر كل صلاة تقول : " اللهم أعني على ذكرك ، وشكرك ، وحسن عبادتك "
وعن أبي كريمة المقداد بن معد يكَرِبعن النبي ﷺ قال:" إذا أحب الرجل أخاه فليخبره أنه يحبه "
وعن أنس بن مالك رضي الله عنه : " أن رجلًا كان عند النبي ﷺ ، فمر به رجل ، فقال : يا رسول الله ! إني لأحب هذا ، فقال له النبي ﷺ : أعلمته ؟ قال : لا ، قال : أعلمه ، قال : فلحقه فقال : إني أحبك في الله فقال : أحبك الذي أحببتني له "
وقال النبي ﷺ : " قال الله عز وجل : المتحابون في جلالي لهم منابر من نور ، يغبطهم النبيون والشهداء "
وعن أبى هريرة عن النبي ﷺ قال : " سبعة يظلهم الله في ظله ، يوم لا ظل إلا ظله .. ثم ذكر منهم : ورجلان تحابا في الله ، اجتمعا عليه ، وتفرقا عليه "
وقال النبي ﷺ : " أوسط عُرى الإيمان أن تحب في الله ، وتبغض في الله "
وكما قال ابن عثيمين : " وذلك لما في هذه الكلمة من إلقاء المحبة في قلبه ، لأن الإنسان إذا علم أنك تحبه أحبك ، مع أن القلوب لها تعارف وتآلف وإن لم تنطق الألسن"
To Be Happy .. انشر سنة النبي 💛

View more

+1 answer Read more

Space.🌏

Basma.♡
التعب اللي بيجيلك وانت بتجاهد لمستقبلك ، والسرير اللي لما بتروحله ووقتها تنام بيكون اقصي حلم ليك ، وكتر التفكير في تحقيق حلمك اللي في مستقبلك ، كل دا هيهون وقت ما تحقق الحلم دا ، وقتها هتقول عادي لو بذلت ضعف التعب بس اكون في الفرحه اللي انا فيها دى ، فرحه النجاح بتنسي هموم التعب اللي تعبته عشان توصل ..
لو ليك حلم اتعب عشانه ، ولو ملكش خلي عندك حلم واتعب عشانه وحققه ، لو محققتش حاجه وتعبت فيها هتحس ان ملكش لازمه في الكون ..

View more

Next