Ask @abdomohamed342:

..

AbDoelsoKarY
‏(( .. لا أُفسر للناس ما أفعله، حتى لا يتوهَّم أحد بأن لديه الحق بمعرفة كل ما أفعله .. ))
تشارلز بوكوفسكي
بالرغم ان ثقافة الاعتذار حاجة جميلة ، و إن الشجاع بس هو اللي بيعتذر لما بيغلط .. بس ساعات كتره الإعتذار بيبقي مش حاجة كويسة .. او زي ما بيتقال علي الشخص ده الـ Over-Apologizer
في جملة عظيمة بتقول :
Don’t ever let anyone make you feel guilty for taking care of yourself.
متخليش ابدا اي حد يحسسك بذنب أنك بتراعي حق نفسك !
فساعات في المجتمعات الغير السوية ذات الجموع الغفيره من اصحاب عقد النقص و الشخصيات المتسلطة ، بتربي داخل الانسان من صغره شعور دفين - غير مفهوم - انه حاسس دايما انه عاوز يعتذر ! انه حاسس دايما انه غلطان ! غلطان عشان مسمعتش كلامنا و عملت اللي انت عاوزه ! غلطان عشان ضعيت وقتك ، مشاعرك ، كيانك في قرار كان من جواك ! غلطان عشان كنت نفسك !! فيبتدي واحدة واحدة يتملك الشخص ده شعور انه كتلة غلط ماشية علي الارض .. لدرجة انه ممكن يحس انه مش بس مسؤول علي أخطاءه في حياته ، لأ ! ده علي اخطاء و اخفاقات الناس التانية في حياتهم !!
في جملة أعظم بتقول :
Never apologize for your feelings apologize for your mistakes
اوعي تعتذر علي مشاعرك ، اعتذر علي أخطاءك ..
فحل الـ Over-Apologizer هو انه يقعد مع نفسه بعيد عن تشويش شعوره المستمر بالأسف و يسأل نفسه بكل وعي و وضوح هو انا ليه دايما حاسس بكدة ؟! فين الغلط ؟! الـ mistake !؟!! .. و لما يلاقيها يستوعبها و يدرك انها كنت جزء مهم في حياته و حاجة طبيعية في مسار اي انسان .
ففي جملة أعظم و أعظم بتقول :
acceptance doesn't mean you have to like it. acceptance just means you stop fighting it.
تقبل الشعور مش معناه انك تحبه ، إنما معناه انك توقف الصراع معاه .
في النهاية شعور التأسف الدائم بيكون حالة مش طبيعية مسيطرة علي الانسان نتيجة تركمات سابقة من مواقف كان مجبر ساعتها انه يتحط في خانة المذنب ! الحالة دية لازم يتحرر منها بجرأته علي مواجهتها و تبقل وجودها كشيء حتمي لإستكمال رحلته في الحياة

View more

+8 answers in: “sραcε 🍷”

..

AbDoelsoKarY
‏تحدّثوا مع الله، لا تتراجعوا عن البكاء، عن البحث في ظلمة الليل من نور طمأنينته، لا تحاولوا أن ترتبوا الكلمات، وتستهلكوا وقتاً في الصمت، إنه يسمع جميع اللغات، اللهجات، الحسرات، الأوجاع، الخدوش، النزاعات، لا تفرضوا معادلات غريبة وصعبة للوصول إليه، ستجدونه في كل مكان"

View more

+8 answers in: “sραcε 🍷”

..

AbDoelsoKarY
بالرغم من اني جزء من المجتمع ده إلا اني باحتقره بشكل عميق ! .. بأحتقر طريقة تفكيره و مصادر وعيه .. باحتقر المنظور المتعصب التافه اللي بيبص بيه علي اي قضية او ازمة .. باحتقر انفعاله الطفولي الساذج اللي بيختفي بمجرد ما يظهر .... بأحتقر إزدواجيته و ظلمه .. بأحتقر تبريره للقهر و تبرئيته للطغيان .. بأحتقر رعبه من السلطه و سحقه للضعيف .. بأحتقر افتخاره بقتل الاحلام و اعتزازه بالبلطجة و السادية .. بأحتقر رموزه المنافقة و مشاهيره الفشلة اللي مكانوش عمرهم يكونوا موجودين غير في مجتمع مش بيلمع فيه غير امثالهم ..بأحتقر قصصه المملة اللي ملهاش قيمة او معني .. بأحتقر احداثه المصطنعة من قلب الوهم و الخوف .. بأحتقر ترنداته بشكل بشع ! كمية السخافة اللي بتطل علينا كل يومين و النزاعات المبتذلة بين جموع البائسين التعساء بثير غثياني بشكل مقزز !! باحتقر اللي مستعدين يدفعوا من وقتهم و مزاجهم عشان ممثل او مغني منعدم الثقافة او او سياسي نصاب ، شخصيات بلا جوهر عايشين و بيستنفعوا من غباءهم ...

View more

+8 answers in: “sραcε 🍷”

..

AbDoelsoKarY
صلاة الفجر حماية للمخ من التجلط
قولي ازاي
من يومين كنت قاعد ع الفيس ف شد انتباهي كلام دكتور الماني بيقول ان اسوء توقيت لحصول الجلطة الدمويه هو ٨ الصبح الشرايين وانت نايم بتديق جدا والدم بيمشي فيها بصعوبه ف سألوا الدكتور وأزاي يتم التخلص من دة قالهم الإنسان ال بيصحي ف التلت الاخير من الليل بيتفادي ده
يعني تصحي من نومك وتنام تاني ربنا تبقي امن من حدوث جلطه دمويه
ف صلاه الفجر هي حمايه للمخ 💜
معلومه عمي مات بسبب جلطه لما قام الساعه ٩ الا ربع
حافظوا علي الفجر

View more

+8 answers in: “sραcε 🍷”

تفتكر الدنيا دي بتقدم للبني ادمين اي

العالم بيحاول يصور للإنسان إن الشجاعة دايما في الإستمرارية و الإصرار ، و أنه لازم يكمل لأخر الطريق .. !! ..
مع إن ساعات الشجاعة بتبقي ان الانسان يقدر يوقف عكس التيار عشان يعيد ترتيب افكاره .. يقدر يعتزل دوشة البشر عشان يواجه نفسه بالحقيقة اللي مش متعود يسمعها .. يقدر يتراجع عن قرارات غلط بناها علي عاطفة إنفعالية او ادراك متسرع ! ..
ساعات بتبقي الشجاعة الحقيقية في خروج الانسان عن طريق عاش عمره كله مش شايف غيره و مش قادر يتخيل نفسه براه ، مع انه كان في كل لحظة بياخد من طاقته و يسحب من كيانه .. !!
.. ساعات الشجاعة بتبقي في اليأس من طرق مش بتاعتنا او الخيانة لظروف بتدينا اقل مما نستحق ! ..
... فيــــامـــا كتير محبوسين في خرافة شرف الإستمرارية و وهم الصمود ، مكملين و بيعاندوا في طرق بتاكل في روحهم و أحلامهم ... عشان مفتقدين للشجاعة .. شجاعة الإنسحاب !
الانسحاب في كثير من الأحيان سلاح مفيد

View more

..

AbDoelsoKarY
ممكن اي حد يعرف عن اي حد اي حاجة .. و يعرف كمان ادق تفاصيله .. بس مش اي حد يقدر يفهم اي حد .. فالمعرفة مختلفة بشكل رهيب عن الفهم !! .. انك تفهم انسان ده فيلم كبير اوي !! .. تستوعب أفكاره ، تعيش مشاعره .. تستنتج اختياراته و قراراته .. تحس بلحظات ضعفه و تحتوي حلمه و إدراكه .. الموضوع مش بالسهولة المجردة بتاعة تحصيل المعلومات الصلبة .. لأ عمليه فهم الآخر عمليه معقدة و مرهقة ، عمليه حركيه بتحتاج مجهود من الطرفين ،، و عشان كدة من البلاهة و عدم النضج التعامل مع مفهوم المعرفة الإنسان و مفهوم فهمه كعملية واحدة .. نساوي بين ناس عاوزه تعرفنا بناس بتبذل من وقتها و طاقتها عشان تفهمنا .. حتي علي مستوي تعاملنا مع اللي مهمتين بيهم .. الموضوع بيحتاج أنه يتخطي حيز مجرد المعرفة و تجميع بيانات .. فمفيش انسان فعلا بيهتم بحد إلا لو حقيقي أبتدي يفهمه .. و عشان كدة اغلب المشاكل بتحصل .. بين طرف عاوز بس يعرف و طرف مستني اللي يفهمه ..

View more

+8 answers in: “sραcε 🍷”

..

AbDoelsoKarY
نركز في الجملة ديه كويس اوي :
you can't make someone love you by giving them more of what they already don't appreciate .
بمعني ،
انت مينفعش تخلي حد يحبك من خلال انك تدي له زيادة من حاجة هو اساسا مش مقدرها !!
مشكلة كارثية في بعض البشر و سبب مهم في بؤس و شعور الانسان بإحتقار عميق تجاه ذاته هي " عدم تقدير قيمة النفس " ،، إن الانسان مش حاسس قد ايه هو غالي و مهم عنده نفسه .. !
الموضوع مش في العلاقات العاطفية بس ، إنما حتي في علاقات العمل او حتي علي مستوي العلاقات الإجتماعية البسيطة .. لازم الانسان يكون مدرك كويس ان اي مشاعر إهتمام او مسؤولية او إلتزام بيطلعها لاي حاجة او شخص ، لازم تكون طالعة و هي معروفة قيمتها و محسوب قدرها ! .. لازم يكون واعي جدا هو بيصرف من طاقته و نفسيته لأيه و لمين ؟! ... و إلا يبقي هو اول واحد بيرخص منها و يرميها علي الأرض .. يبقي هو اول واحد مسؤول عن إهدارها ..
فالصدمة بتحصل في اللحظة ديه ، لما بعد وقت كبير من الغفلة يلاقي نفسه صارف مجهود و إهتمام و مفيش مردود للكلام ده ! فيتأثر و ينهار و يعيش في الدايرة المفرغة بتاعة " انا اتلعب بيا ليه؟!" ، " هو ليه الناس عملت فيا كدة ؟! " ، " هو ازاي الناس شايفاني قليل كدة ؟!! " ..ألخ
في جملة عظيمة بتقول : ‏"في النهاية ستدرك أنك لم تكن تطلب الكثير، لكنك كنت تسأل الشخص الخطأ. "
فالقصة كلها ، الانسان واقف فين من حياة الاشخاص و الحاجات اللي حواليه ! فياما الناس جريت و تعبت و سهرت و في الاخر طلع كل ده عشان وهم ، و تكون المشكلة كانت عندهم في الاساس ، انهم اتعموا بمشاعرهم و هرموناتهم عشان كانوا عاوزين يحسو بحاجة مش حقيقية ! .. و يتقال لهم في الاخر هو حد طلب منكم تجروا او تتعبوا او تسهروا ؟! .. و الحقيقة إن فعلا محدش طلب ..
فالانسان ميقدرش يخفي الإستغلال من العالم ، بس علي الاقل يقدر يمنع انه يكون في حلقة إستغلال .. بأنه يكون صادق و أمين مع نفسه .. يكون مسؤول فعلا علي مشاعره و معنوياته .. يعز كل حاجة فيه و يعيش بقناعة أكيدة إن محدش حيقدره و يعرف قيمته قبل ما هو يقدر نفسه و يعرف قيمتها ..

View more

+8 answers in: “sραcε 🍷”

..

التوتر في رأيي له سببين اساسيين يا ارتباط بالماضي يا بالمستقبل ..يا بصورتك في الماضي اللي خايف تبوظ ادام الناس "هيتقال عليا ايه؟"
..يا خوف من المستقبل و "يا تري هيحصل ايه؟"..
فكر في اسباب توترك هتلاقيها يا ورا يا أدام..والمكانين مش موجودين ومش حقيقيين..حاول اكتر تسنتر نفسك في اللحظة والناو كل ما يشتد بيك التوتر او التفكير.
واه الماضي حصل بس خلص اللي فاضل منه كيميا وكهربا في حتة في مخك..والمستقبل عبارة عن مخك بيشتغل نفسه بيقولك ان هيحصل كذا يا معلم ...نفس المخ المعفن الضعيف اللي مش عارف هيموت امتي اصلاً بيقولك انا عارف هنفشل...ما يمكن تموت قبلها اصلاً وتبقي عشت متنكد ومتوتر بس.. ..فا كل ده مش حقيقي مفيش غير دلوقتي وحالاً وقرايتك للكلمة دي.

View more

+8 answers in: “sραcε 🍷”

sραcε 🍷

ᵀᴴᴱ ᴸᴵᵀᵀᴸᴱ ᴹᴱᴿᴹᴬᴵᴰ ☁️♥️
الحب مينفعش يبقي علاج للوحدة ،
فيه جملة بتقول :
Admiration is a feeling but commitment is a decision
بمعني ، الإعجاب عبارة عن عاطفة إنما الإلتزام ده قرار ..
المشكلة بتحصل لما الانسان يكون حاسس بتوتر و قلق من وحدته ، تعبان او قرفان من ضغوطات الحياة اللي بيواجها لوحده ، جواه غرايز و حاجات نفسية بتدفعه انه عاوز يلاقي حد يساعده في سد غرايزه و اشباع حاجاته النفسية .. فيبتدي يتكون جواه سواء رغبة شخصية انه عاوز يخش في علاقة عاطفية ، او يبتدي اهله او اهلها شايفين أبنهم/بنتهم في حالة نفسية صعبة ، فينصحوهم بالجواز !! .. و اللي مع اول فرصة إعجاب بيتخيل انه كدة خلاص حب !!
فيه جملة عظيمة اوي بتقول :
(( .. لا تصدق الأشياء التي تقولها لنفسك عندما تكون حزيناً و وحيداً .. ))
طب ليه منصدقش ؟؟ ،، عشان العالم النفسي الامريكي " Timothy Leary " بيقول :
Emotions are the lowest form of consciousness. Emotional actions are the most contracted, narrowing, dangerous form of behavior.
... المشاعر أقل شكل من أشكال الوعي ! الافعال المبنية علي المشاعر دايما بتكون ضيقة و مركزة و خطيرة جدا علي سلوك الانسان !!
فمينفعش اي مشاعر ضيق او توتر يمر بيها الانسان تكون النتيجه انه ياخد قرار مهم زي الحب بناء علي المشاعر السلبية ديه ! ،،، فبغض النظر ان اي شعور في الحياة مؤقت و متغيير لدرجة انه بيعمي صاحبه عن ابعاد قراراته و احكامه ، لأ ده كمان بيأذي ناس ملهاش ذنب بمشاعره الغير ناضجة ديه ...
لك ان تتخيل واحد او واحدة قرر انه يعلن عن مشاعر حبه - اللي هو بانيها علي مشاعر الإحتياج ديه - لطرف ما ..... و الطرف ده تقبل المشاعر ديه و خد علي عاتقه الألتزام بالشراكة اللي بينهم تحت مظلة الحب .. لكن مع الوقت الحاجة النفسية للطرف الاول تم اشباعها ، خلاص مفيش مشاعر الوحدة القاسية .. خلاص الدافع الإنفعالي اللي كان موجود في الاساس مبقاش موجود ! ... للأسف حيفقد رغبته في الاستمرار ، زي واحد كان جعان و خلاص شبع ، مش حيكون من الطبيعي انه يفضل قاعد علي طربيزة الأكل !!
(( .. تبدأ الرحلة الداخلية فقط، عندما تفهم بشكل واضح أن لا شيء في الخارج سوف يمنحك الطمأنينة... ))
أوشو
ففميش اي حاجة من برا الانسان حتقدر تعالج او تصلح اللي جواه ! حتي و لو حب !!! .. ده بالعكس الانسان اللي بايظ داخليا بيبقي مش قادر يحب ..
أصل

View more

+8 answers Read more

لك

أراهم يا #أبي يتحدثون عن أبائهم وأريد أن أتحدث عنكَ بينهم لكن اخافُ أن تُسبقني دموعي فلا أجد ما اخبرهم به سوى كان لي (أب) بـ قلب طيب وإبتسامه لاتفارقه لم يكن آحد مثلكَ يآأبي "" واقول في داخلي يارب لاتذقهم مرارة فقدان #الأب "" اللهُم ارحم أبي وجميع أموات المسلمين 💔🙏

View more

+1 answer Read more

-

NaWaL
"لم أرَ في حياتي شيء مفزع أكثر من فكرة غياب الميّت، اختفاؤه لمرّة واحدة، هروبه السريع، واستحالة عودته.. إن العقل البشري بخلاياه الكثيرة، وقدرته على الاستيعاب والإنتاج، تقف عاجزة أمام هذا الغياب، لولا رحمة الله علينا، لولا ايماننا بأنه قدر الله وعلينا الرضا به، لولا هذه الرحمة وهذا الإيمان، لَجُن عقلنا."

View more

اتعلمتوا اي من السنه دي؟

‏انا ك عبده
واحد من اهم الدروس ال اتعلمتها في السنه دي
ان الحب بينتهي عادي جدا. والدم بيتحول لميه بمنتهي البساطه.. والذكريات بتتبخر.. والإنسان بيستبدل بإنسان تاني. والصور بتتمحي.. والذكريات بتتنسي والأسماء بتتمسح من الفون وبيتعملهم بلوكات.. والحواجز بتنهار ويتبني بعدها حواجز أكبر

View more

Next