Ask @abdosaleh54322:

People you may like

هل لديك رساله لطيفه تجعلني ابتسم؟؟

#زعلاّن_ليه !!
مُش يمكن الحاجة اللّي إنت خسرتها الفتره اللّي فاتت وزعلت عليها أوي , مُش يمكن رَّبنا هو اللّي مسبب الأسباب عشان تخسرها ؟ , لأن هو شايف إنك تستاهل الأحسن والأجمل والأنضف كمان !, شايف إن الحاجة دي لو وجودها كان إستمر كانت مُمكن تدمّر حياتك ومستقبلك , مُش يمكن الحاجة دي فـ خسارتها مكَسب !
- مُش يمكِن أُدَّام شويه تقول الحمدُ للَّه يارَّب إنك بعدتني عن الحاجة دي , مُش يمكِن رَّبنا شايف إنك انسان نضِيف فَـابعَد عن حياتك الناس الغلط اللّي كانوا فيها , عشان رَّبنا من كُتر حبهُ ليك محبش يخلّيك في مكان مش بتاعك , أو مكان غلط , أو مع اشخاص مش مُناسبيين ليك حتي لو أنتَ شايف عكس كدة !
- قول بس الحمدُ للَّه , واللَّه... الشكوي والتعب والقلق والخوف مش هيحِلوا أي مُشكله , بالعكس هيذودوها
- أنا من الناس الكتير اللي ايمانهم برَّبنا وسط المشاكل والتعب والضغوط الضيقه والخُذلاَّن مِن الناس , إن رَّبنا بيعوض وبياخُد حق من كل شخص اتظلم أو هيعوضه مكانهُ حاجة تنسيه أو أي وجع مر بيه ؛
لأن رَّبنا مُش بيخذل حد عشمان فيه زي مـ الناس بتعمل , رَّبنا غير
- عارف هايجي يوم وتقول الحمدُ للَّه يارَّب علي كل الوجع دا , لان مكنتش اعرف إن كل دا لمصلحتي , هقول ساعتها لو كنت اعرف الخير وبشوف المستقبل زيك يارب مكنتش هضايق كل ده , مكُنتش أعرف إنك شايل لي الأحسن , إن كل ما الـ آلام والاوجاع ذادت كل مـ الفرح كان مُقابل له وأضعاف - وأعرف إن نهايه صبرك علي كل حاج وجعتك انك هتنعوض مكانها , قوله يا رَّب أنا مُتأكد وعارف كمان إنك هتنسيني كل حاجه تعباني , دا وعد منك يارَّب .!
- رَّبنا بُكرة هيبعت ليك فرحه تنسيك كل الوجع وعينيك هتدّمع من كُتر الفرح , ومن تخطيط رَّبنا اللّي كان كله عشان يفرّحك إنت في النهايه
- إوعي تتفتكر إنك هتعيش بجرحك طول العمر , بُكرة تقول ايه الهبل اللّي انا كنت بعمله في نفسي دا !
- خُلاّصة الكلام رَّبنا لو خاد منك حاجة هيعوضك بحاجات أحسن منها ١٠٠٠ مرة
- إتعشم في رَّبنا بس , محدّش إتعشم في رَّبنا وإتخذل أبداً
(السعادَة لقلّبك وروحَك وعُمرك وعيونَك الّلي شافِت كُل حَرف)

View more

Next