مود✨
Me to me
عديت بأوحش من كده ، حسيت بأوحش من كده ، وبقيت كويس ، هتبقى كويس .
عديت بأوحش من كده ، حسيت بأوحش من كده ، وبقيت كويس ، هتبقى كويس .
Ask @abdoukhaled3760
Previous
Space 🖤
أنا بفضل أقول للي يخرج من حياتي مع السلامة و بتاع بس أنا بيعز عليا الفراق جدًا بيعز عليا الذكريات و بيعز عليا أكتر أني هُنت.
+ 1 💬 message
read all
Space 🖤🦋
الكنز الحقيقي من وجهة نظري إنك تراهن على شخص وميخيبش ظنك أبداً، وكل شوية يثبتلك إنه قد المكانة اللي حطيته فيها وإنه جدير بيها، شخص ميندمكش على ثقتك فيه لأنه دايماً بيطمنك بكلامه وأفعاله، بيعرف إحتياجك من نبرة صوتك وطريقة كلامك، حزنك حزنه، ومهما ساءت الأمور أو إتحسنت بيحبك وهيفضل يحبك ، الظروف مهما تتغير هو مبيتغيرش❤️
People you may like
Space..🖤✨
لو عايز تاخد جنب من الناس بنية إنك ترتاح شوية وتريح دماغك فدا قرار هيفيدك ويشحنك من جديد، لكن لو عايز تاخد جنب عشان تشوف مين هيدور عليك ومين هيهتم ويلاحظ غيابك فخليني أقول لك بلاش .. بلاش عشان ما تتصدمش وتزعل على نفسك، لإن مش كل اللي إنت بتهتم لأمرهم هما كمان بيهتمو لأمرك ولا كُل اللي ليهم أولوية عندك هتبقى إنت كمان ليك الأولوية عندهم .. خلي الحاجتين دول في اعتبارك وإنتَ بتتعامل مع الناس عشان ما تزعلش.
لون في اللبس بيليق عليك 🤔 انا الازرق 💙 وانت؟
أسود 🖤✨
+ 1 💬 message
read all
إيه الحاجة اللي حصلت وماقدرتش تمسك دموعك وبكيت بسببها في الشارع؟
يوم تعب والدتي و دخلت العناية المركزة و مكنوش عارفين عندها ايه و كان إحساس صعب اوي كان اول مرة اعيط قدام اهلي و صحابي 💔
قيام الليل 🍃✨
ادعيلي و ادعي لوالدتي بالشفاء ♥️
- وذِكرك يارسول نورً تُضاءُ بهِ الحياة.. صلى الله عليه وسلم 💙✨
عليه افضل الصلاه والسلام ♥️✨
صباح الخير من أحلي يوم في الاسبوع 💙🤝
صباح النور 💙 علشان بكرة اجازة 🥳😂
صفه انت مش حاببها في نفسك
العصبية
Night Space 🖤
كل الشكر والتقدير لنفسيتي انها عمالة تتخطى حاجات محدش يستحملها اساسًا.
"رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ" صباح الخير 💙
صباح النور 💙🤍
Space❤️🌻
المشكلة دايماً في التفكير مش في بعدهم عنا ، اللي هو إزاي فيه ناس ضميرها مبيأنبهاش في غيابنا وبنهون عليهم عادي ، وإزاي عايشين يومهم من غيرنا ، وإزاي ما بنجيش على بالهم ! طب واللي كان بينا وذكرياتنا سوا ! طيب بينسوا إزاي وقادرين ينكروا كل دا ومابلاقيش إجابة غير إننا وبكل أمانة ، قلوبنا وضميرنا وإحساسنا بالذنب دا هو اللي تاعبنا .
Space ♥️
من خلال التجارب هتدرك إن القيم والمباديء اللي اتربيت عليها مش هتنفع مع كل الناس، وزي ما في ناس متربية في كمان ناس ما تعرفش حاجة عن التربية، وبمرور الوقت هتفهم إن مش شرط الخير اللي تعمله يترد بخير زيه ولا المعروف قصاده معروف، فهنا هتبدأ تعامل ربنا مش البشر؛ يعني هتعمل اللي يرضى ربك وضميرك وتستنى العوض من ربنا مش من أي حد تاني .. ودي واحدة من أعظم مراحل الوعي والإدراك اللي هتوصل لها في حياتك.
Space ♥️
ماتراهنش على قوة تحملي ، لإني بقيت بختار راحتي دايماً ، بعد مُعاناة طويلة من الناس والعلاقات اتعلمت أقطع علاقتي بأي حد مايقدّرش وجودي ، وأبعد أي حد يسببلي ألم وحزن عن حياتي ومش ندمان على دا ..
الاسك هادي هدوء مريب 😂😂
احسن حاجه والله بدال العيال الزباله دي ترجع تاني و يقرفه الواحد
Pic 🌸✨
َ
اللي فهمته من التعامُل البشري إنّك عشان تفضل كويس في نظر الناس لازم تتحمّلهُم طول الوقت، ييجو عليك تتحمّل، ياخدو حقوقك تتحمّل، يحرقو دمك بكلامهُم تتحمّل، لكن لو قررت تاخُد على خاطرك أو تعترض هيتقال في حقك أسوء كلام مُمكن تسمعه عن نفسك وهيتهموك بالتوَحُّد وإنّك شخص أناني ما بتحبّش غير نفسك!
ٍ
مش معنى إن الشخص اللي قُدّامك بيتحمّل وبييجي على نفسه يبقى هيفضل كدا طول الوقت .. مُستحيل طبعًا، في الأول وفي الأخر إحنا بشر وطاقتنا ليها حدود ووارد جدًا الطاقة تقل في أي لحظة، فبلاش تراهن على تحمُّل الشخص اللي قُدّامك وتستهبل زيادة عن اللزوم وتقول ما هو كدا كدا هيتحمّلني .. صدقني لأ، الشخص اللي بيتحمّل كتير دا لو جاب أخره منّك تبقى خلاص خِلصت والنوع دا بالذات لما يقرر يمشي ما بيبُصش وراه مهما حصل.
ٍ
أنا مش هعافر في حاجة تاني، اللي ليا نصيب فيه هشوفه، ويادوب هعمل الجهد اللي يريّح ضميري وبس، لكن مش هضغط على نفسي ولا هتحمّل فوق طاقتي ولا هسعى لإصلاح الكوكب كُله لوحدي، كفاية بقى فرهدة ومُعافرة على الفاضي .. الواحد حرفيًا ضيّع من عُمره كتير في الولا حاجة!
ٍ
النُضج بدأ يبان علينا فعلًا؛ ما بقيناش ندخُل أي معركة كدا والسلام، وبقينا عارفين إيه الكلام اللي يستحق نرُد عليه وإيه الكلام اللي نتجاهله، حتى الناس اللي حوالينا بقينا قادرين نحدد مين فيهُم قلبه علينا وبيحبّنا ومين بيمثّل إنّه بيحبّنا، كُل حاجة بقت واضحة ومكشوفة قُدامنا ودا بدأ يحصل من ساعة ما بطلنا العاطفة الزايدة والسذاجة وحكِّمنا عقلنا .. الحياة بالعقل والمنطق طلعت هادية وحلوة أوي بجد.
🌸✨
بعد اِنتهاء أي عِلاقة فيها عِشرة وذكريات الحياة بتُقف، وما تصدقش اللي بيقول لك إن الحياة عُمرها ما هتقف على حد، لأ بتُقف وبتُقف فترة طويلة كمان، أه بعد كدا الحياة بتستمر والدُنيا بتلهينا والمقامات جوّانا بتتغيّر، لكن الفترة اللي بعد الفُراق بتبقى صعبة على أي حد، ما بتفرقش بقى بين شخص قوي ولا ضعيف، مُتعلّم ولا جاهل، عنده خِبرة ولا خام، الكُل بيتألم والكُل الوجع بينال منّه.
ٍ
مش شرط كُل اللي خرج من حياتك تبقى قصّرت معاه أو عملت حاجة تزعله، للأسف في ناس بتبعد لما تلاقي البديل أو لما تحس إنّك مضمون زيادة عن اللزوم، وفي ناس ما بتحبّش اللي يريحها ودايمًا بتجري ورا اللي يشقيها ويتعبها، فبلاش تشيّل نفسك ضريبة كُل خُسارة بتعيشها وتقبّل إن عادي في ناس كدا مالهاش أمان وما بتعرفش تصون العِشرة.
ٍ
الراحة الحقيقية إنّك لما تيجي أخر اليوم تحُط راسك على المخدة تنام على طول من غير ما تكون قلقان، من غير ما تبقى خايف من اللي جاي، من غير تخيُّلات كُلها معارِك، من غير ذكريات بتوجع قلبك وحُزن بينهش في روحك .. اللهم ارزُقنا بالًا ساكنًا هادئًا مُطمئنًا.
ٍ
الكارثة مش في الحُزن، الكارثة الحقيقة إنك تبقى حزين ومش لاقي حد تقول له إنك حزين، مش لاقي اللي يشاركك حُزنك وهمك، مش لاقي اللي ترمي عليه حمولك وتبقى واثق إنه هيشيل عنك ويسندك لما تضعف ويقومك لو وقعت؛ وحدتك وإنت حزين أخطر عليك من الحُزن نفسه.
Next
