Ask @abeershwyyat:

اذا انتي بتكتبي هالحكي ، ف استمري لانو كمية المشاعر يلي بالكلام رهيبة ✨💙

Mohammed Altaweel
الرئه الثالثه لإلي هي الكتابه ⁦👌🏻⁩ ورح استمر مش بس لأنك طلبت 😄 رح استمر لانه اذا انا لسا عايشه وبتنفس فهو من الكتابه ، خلينا نحكي انه انا مش من النوع الي بحب اشكي لفلان وعلان ، انا من النوع الي بكتم وبكتم جواتي ، وبعد فتره هالكتمه بفرغها بالمفكره عندي ع تلفوني ، من ايام المدرسه وانا بحب اكتب ، بتذكر كنت اشتري دفتر مذكرات كل فتره واكتب كل شي بصير معي وانا مبسوطه وانا زعلانه ، كنت اكتب بدون ملل وبس يخلصو صفحاته كنت احرقه 😂 وضليت هيك لحتى دخلت الجامعه وصرت افرغ كلشي جوا المفكره بجهازي ، الأشياء الحلوه صرت انشرها هون ، والاشياء الخاصه فيني بحذفها بعد فتره لما احس انه خلص بطل الها داعي ⁦👌🏻⁩ وبالنسبه لكمية المشاعر الرهيبه الي بالكلام ، فهي ببساطه الي بحس فيها ، واحيانا بتكون م بتخصني ، بس لفتت انتباهي او لامست قلبي بإشي بسيط ، وبالأخر صفت عندي هوايه بسيطه ⁦و جميله ⁦⁦👌🏻⁩والأجمل من هيك مداخلتك ي اخوي ، شكرا كثير ع الكومنت اللطيف ⁦🗨️⁩💙

View more

Pap 🖼️

ahmed abuyaman
هل تتبدل الأخلاق كما تتبدل الأشجار في الفصول ؟ _ نعم انها تتبدل .. فقد أيقنت بأن الإنقلاب لا يحدث فقط بين الفصول بل انه موجود وبكثره بين البشر وأكبر انقلاب تشهده البشريه يشبه ذاگ الذي يحدث بين الصيف والخريف فمن ورق أخضر يافع الى ورق أصفر متعب يسافر مع الريح وينتهي الى التراب ⁦🌪️⁩⁦👌🏻AR⁩

View more

- لطيفتي✨:

«❥ MANAR ❥»
في ناس ي الله شو وجودهم حلو بحياتنا ، بهونو ع قلبنا كثير اشياااء بخلونا نكون ممنونين الهم كثير ع الشعور الي بمنحوه النا لحظتها 💙
_
مثلا 🙈 اول اليوم ، بصبحو عليك وبعطوك كمية تفاؤل كبيره لتبدا فيها يومك الشاق ، وبأخر النهار بعد تعب وجهد بيومك بتلاقي كمية مسجات عفق بتستناك ع موبايلك ⁦🗨️⁩ أسك ، ماسنجر ، واتس ، سناب ، تويتر ، وين م كان ⁦👌🏻⁩ بتبلش من كيفك ؟ طمنيني عنك ؟ كيف كان يومك ؟ فقدتك اليوم ! الك وحشه كثير ، بتعرفي انك كتله من الحب واللطافه ! اشتقتلك ؟ طول اليوم انتي ببالي ، ديري بالك ع حالك ، ترا انتي غاليه علي 💙 دعيتلك اليوم كل م اجيتي ببالي ، ضلي اضحكي ترا ضحكتك بتليق فيكي ، والله ⁦👌🏻⁩
_
واذا عندك هيك ناس منار ، حافظي عليهم ي قلبي 💙
.. عبير 🌠 AR

View more

حكي من القلب ..💙 !!

Zaid Alazzam
من قلب فتاه عشرينيه الى عقل وقلب رجل عشريني ، الى أول دقة قلب بشعور حقيقي ، اول ادمان ، أول أمن وأمان ، الى أول حياااة وأخر حب ⁦🤚🏻⁩💙
_
في تمام الساعه الواحده الا ربع من صباح يوم السبت ، كتبت تلگ العشرينيه :
لا يهمني من على الأرض كي يقرأ يكفيني أن يقرأ هو ، يكفيني أن يعلم من أنا ، أن يشعر بقلبي ، أن يكتفي بي وبحبي ، يكفيني أن اكون مميزه عن بقية من حولي وحوله ، لا أريد بيتا لي سوا قلبه ، عيناه ملجأي واماني ، طمأنينتي وراحتي ، ليته يعلم بأنه حلمي من ذلگ اليوم لليوم ، أحببته بقلبي وعقلي ، نظري وسمعي ، أحببته بطريقه لم أكن اعلم بإني سأحب أحدا لهذا الحب يوما ما ، حب الأب ، الأخ ، الصديق ، الحبيب ، شريك الحياة والعمر ، رفيق الدرب ، كل المشاعر الجميله التي يتصف بها كل من هؤلاء اجتمعت فيه ، انا ضعيفه امامه بحبي ! نعم ضعيفه ، و مو لازم أبين هالإشي اله صح ! و مو لازم ابين اله خساراتي قدامه ! م بقدر ⁦🤚🏻⁩ م بعرف اخبي ، صح ببلم لما ازعل ، بس بسرعه بسامحه ، بسرعه بضحك معه ، بتجاوز كثير م بدقق ع الغلط ، ع قد م بدقق بخطوط جبينه وقت يعصب ، لمعة عيونه وقت يضحك ، غمازته الي بتتسارع دقات قلبي وقت اطلع فيها ، مو خجلانه من كتلة المشاعر الي جواتي اله ، مو خجلانه ابداااا 💙⁦🕊️⁩
- ⁦AR

View more

أكثر شيء يستفزّك ؟

ز.
علاقات الأيام هاي ⁦👌🏻⁩
ي اخي مش قد الحب لا تحب ، مش قد تدير بالك ع بنت الناس لا تعلقها فيك ، الحب مش انك تربط قلبها فيك وتهملها ، بحبك بس م بحب كثرة الحكي بينا ، بحبك بس مش ضروري نشوف بعض ، بحبك من دون تبادل الإحترام ، الثقه ، الإهتمام ، الإخلاص ، الوفاء و الإكتفااء ، وميت خط تحت هالعناصر ، ي اخي البنت بس تحب زي الطفله والله، الكلمه الحلوه بتوديها وتجيبها ، وابسط اشي ممكن تعمله لإلها انك تحسسها بإنها الوحيده بحياتك ، لو كان حولك كومة ناس انت مو شايف غيرها وهي الأهم بينهم كلهم ، الحب مش بالإجبار ولا بالغصب ، الحب شعور حلو بس بدك تقدر ، بدك تحترم ، بدك يكون عندك ضمير ⁦👌🏻⁩
_
اذا بدي أقيس هالكلام ع حالي ، وع فرض اني بحب شخص وهالشخص بحبني وصادق معي بس م بهتم فيني ولا بسأل عني م رح اجبره يهتم ويسأل فيني لانها بترجع لإله لذاته وشخصه ، بيكفيني بس يكون عنده ضمير ويحس انه في بنت بحياته بتحبه ومهتمه لأمره
ودايما متمنيه قربه ، بيكفيني انه بحاول يبادلني شعور
انه عبير مهمه عنده ، بهمني انه م يكابر وم يجامل ، بهمني انه يكون صادق وبحاول يغير بنفسه عشاني ،
وانا بصبر عشانه ، ومستعده اصبر طول العمر مقابل انه يكون صادق معي من البدايه ، ومع بعض بنقدر نكمل بهالعلاقه م دام في صدق واحترام ....
_
برأيي بالعلاقات الي مش مريحه ابدا وبتخلى من عناصر الحب الأساسيه م يتكمل فيها ، اصلا المفروض م يتكمل ببنائها ، اذا أطراف العلاقه حسو انهم عاله ع بعض لا يكملو ، و اذا حدا من اطراف العلاقه حس انه الطرف الثاني مزعج احكيله بوجهه لا تخليه يتعلق فيك وانت من جواتك م بدك ايااااه حرااااااااااااااام 💔
_
وبالنهااايه بتصفي انت وضميرك اذا عندك ضمير ⁦👌🏻⁩
وخلي هالكلمتين بين عيونك - گما تدين تدااان - AR
⁩⁦

View more

لفخامتك عبير ؛🖤🔪🎼"

حُسَامُ الدِّينُ[8D.L]
من أفخم م لفت انتباهي وقرأته لـََ James R Eads : حينما قال :
أن الله خلق الحب ، و لم يتّسع له قلــ♥ــب الإنسـان فقد كان الحب أكبر من أن يتحمّله قلب هذا المخلوق الطيني المغرور ، لم يكن بمقدوره تحمّل كل هذا الجمال الخالص ، لذلگ فقد شطر الله الحب إلى نصفين ووضعه في قلبين ، وهكذا يقال أن الإنسان يعيش تعيسًا حتى يجد نصفه الثاني ⁦⁦👌🏻⁩⁦🕊️⁩💙

View more

- عبيـر✨:

«❥ MANAR ❥»
حلوه العلاقات الي بتنقاس بكمية الراحه والأمان 💙
_
تخيلي انك بتحبي واحد بس مش مرتاحه معه ابدا ، بحكيلك بحبك ع الطالعه والنازله بس مش مهتم فيكي ولا معبرك بشلن ، وانتي ضمن القائمه الي فيها الف بنت بحياته ، ايش م كانت طبيعة علاقته فيهم بس قال ميزك بينهم بانه بحبك بس ⁦🤚🏻⁩ لا سيدي بالناقص من حبه اذا بدون راحه اهتمام وأمان ..
_
الإشي الي اكتشفته انه الحب لحاله مش مقياس للعلاقات بقد مهو الآمان مقياس ، آه الأمااان 💙
تخيلي ان تستأمني حدا ع اسرارك ، احلامك ، عيوبك ، كل اخطاءك الي بتعمليها بقصد وبدون قصد ، تخيلي كمية الأمان بهالشخص الي بتحكيله كل اشي وم بتخافي من ردة فعله ايش م كانت بتحكي وبتحكي وم بتخافي من انه تتشوه صورتك قدامه ، لانك متطمنه لوجود هالشخص ، مأمنه عليك لنفسك ..
الأمان والاهتمام والحنان والطمأنينه همه الي بدلو ع اذا كان الشخص الي قبالك بحبك او لأ ، هيك قيسي العلاقات لتعرفي تكملي بحياتك ⁦صح 🤚🏻⁦👌🏻⁩💙 AR

View more

ياخي كالعاده الفخامه عنوانك ياعبير، يسعد هالقلب يارب ويديم السعادة فيه والشغف والأمل وكل شي جميل زيه، وانتي من الناس الي باجي أخذ منها امل وقوه لو حسيت بنقص، يسعدك ربي دوم عبير الفخمه ؛🔪🎼🖤"

حُسَامُ الدِّينُ[8D.L]
الله يديمنا لنفسنا ويديم الناس الي بنستمد منها قوتنا ، هاي الناس النااادره الي بنفخر لوجودهم بحياتنا 💙
ويسعدك ربي حسام ويديم عليك راحة البال ، وبسعد لحكيك دايما والله ي اخوي ، حسام الفخم ⁦🤚🏻⁩🖤

View more

+1 answer in: “لجمالك، عبير؛ 🖤🔪🎼"”

لجمالك، عبير؛ 🖤🔪🎼"

حُسَامُ الدِّينُ[8D.L]
حب نفسك ، اه اه حب نفسك ، عارف ليه ؟
لأنه مفتاح سعادتك بإيدك ، بدل م تضل تحكي مفتاح سعادتي مع فلان وعلان ، وتتخوزق بالأخر بخازوق كبير لا سيدي بالناقص 🌚 مفتاح سعادتك انك تحب نفسك ، كيف ؟ تعال احكيلك كيف :
_
اول اشي اقعد مع حالك قعده مرتبه ، وين م بدك بغرفتك ، بكافيه الي بريحك وجيب فنجان هالقهوه والشوكولاااه وموسيقى هاديه واقعد مع نفسك ، توحد لا مش توحد ، بالعكي هالاشي ضروري لتجرب تفهم حالك ، لا تحكي فاهمها ، ترا مش سهله والله ، تعمق بنفسك وغووووووص بأعماااااقك قد م تقدر ، فهمتها لنفسك منيح ! تمام ⁦👌🏻⁩
_
قلبك طهره ، زعلان منكد معصب من حد معين ، كله اكس عليه ، مو مهم لانه هالإشي بعملك امراض نفسيه وزعل اله اول م اله اخر ، تمام ⁦👌🏻⁩
_
الناس الي حواليك اعتبرهم قضاء وقدر وتقبلهم شو م كانو ، بيسعدوك الله يسعدهم ، بيزعلوك ي سيدي الله م بنسى حدا ، خلي مسافه بسيطه بينك وبينهم _ و اهم شي لا تتعلق بناس محدده وتربط حالك فيهم لانه حياتك فترات ، وكل فتره الها ناسها ، تمام ⁦👌🏻⁩
_
عز نفسك واصنع من نفسك قيمه ، لانه ببساطه فاقد الإشي م بعطيه ، ولا تنسى لنفسك عليك حق ، ف عشان هيك اعطي لحالك القيمه الي جد بتستحقها وتستاهلها وترا مو عيب ولا حرام هالإشي ، وانا م بحكيلك انه صير اناني ولا تعبر حدا وانه تفكر حالك بس انت الواو ، لا مو هيك اعطي الناس حقها ، وانت اعطي لحالك حقك م حد بينفعك غير نفسك ، تمام ⁦👌🏻⁩
_
الحلاوه حلاوة الروح ، هاي النقطه مهمه كثير ، لا تركز ع انه شكلك حلو او مش حلو ، كيوت او مش كيوت ، ملفت او مش ملفت ، لأ ⁦🤚🏻⁩ بعمرك لا تفكر هيك ، شوف الجمال الحقيقي وين !! جوااااااااااتك ، بطيبتك واخلاقك وحبك للخير ⁦وهالاشي هو الي بينعكس ع جمالك الخارجي ، وخلي هالجمله حلقه بإذنك ، انت مراية نفسك ، ف عشان هيك حبها ، تمام ⁦👌🏻⁩
_
ومن الأشياء الي ممكن تعملها لتحب ذاتك ، بالنسبه الي هاي اشياء مهمه بحاول اطبقها قد م اقدر ، الا وهي :
التحدي ، الثقه ، الشغف ، الطموح ، الخير ، والتطوع الي اكثر اشي بخليني مبسوطه بنفسي ، وقت شوف المقابل بيرجع لإلي من ربنا بشكل مريح جدا ، ي الله شو بكون فخوره بحالي وقت انجز الاشياء البسيطه الي ربنا بعوضني فيها بأشياء اثمن 💙 والحمدلله دائما وابدا ..
_
وفي نقطه كثير مهمه بالنسبه الي وبتعنيني جدا وهي من اهم الاسباب الي خلتني جد أحب نفسي ، بس م رح احكيها ، لانه سر سعادتي فيها ، وهون انا انانيه جدا فيها ، بعرف بس السر سر ⁦👌🏻⁩ 😌💙⁦🕊️⁩ تمام 😂
و طولت عليك حسام ، هالإشي خطر ببالي حاليا عشان هيك حبيت احكي عنه ، وبحب اركز ع العباره هاي وانهي فيها كلامي ⁦👇🏻⁩⁦👇🏻⁩
حب نفسك بالأول بعدين حب الحياة بعدين حب الناس
... AR 🕊️

View more

+1 answer Read more

مسآاحة كجمالگ ⁦❤️⁩

Mais || آغسطس
⁦🕊️⁩•• انسي جمالي ميس ، وشوفي جمالهم 👇🏻⁩
ومش بس الجمال شوفي الوفاء شوفي الاخلاص شوفي نظرات الحب بينهم كيف اخخخخخخخخ قلبي 😭😭 ولا كأنهم كبرو مثل الأطفال الصغار ، الثواني والدقايق والساعات والأيام والأسابيع والشهور وسنين العمر مرت عليهم ، عاشو ع المره قبل الحلوه ، شافو ايام بيضا وسودا بحياتهم ، وشوفي كيف لسا بيطلعو بعيون بعض ، بالرغم من كل السنين الي عاشوها الي تركت اثاار وتجاعيد الكبر عليهم ، حبهم ضل وقلبهم ع بعض نار🤚🏻⁩
يااارب هيك حب نشيخ وم يشيخ 🙈 ياااااارب .. ABéèR 🕊️💙

View more

طيب جاوبي

Chris Karam Jber
_ الجواب الأول والثابت والي م بدو ثنين يناقشو في
هو الله سبحانه وتعالى هو الي بستحق كل الحب والتودد منا ، ربنا هو الوحيد الي بستاهل الثقه منا بكل وقت ، سبحانه فكل الأمور بيده وترتيبه دايما خير ، والله لو اجتمع كل العالم عشان يمنع عنا خير كاتبه ربنا م رح يقدرو يمنعوه ، الله كبير ، الله هو الحب 💙
_ والجواب الثاني لهالسؤال ؛ بالنسبه للبشر :
فأنا بقيس المحبه بناءا ع تصرف الشخص اللي قبالي ، اللي المفروض يقرر بذات نفسه اذا بستحق محبتي اله بتصرفه وتعامله واحترامه واهتمامه لإلي ، الشخص الي قوله و أفعاله بتبصم بصم ع انه شاريني وشاري محبتي اله ، وهالأشخاص الي مثل هيك نوادر للأسف ⁦⁦👌🏻⁩💙
AR 🕊️

View more

+2 answers in: “من هو اللي يستحق محبتك بالقول والفعل ؟ ⁦👌🏻⁩💙”
Next