في فلسطين يوم بدك تحب بدك تنتبه اذا انت من الضفة ممنوع تحب وحدة معها الهوية الزرقا عشان هويتها يمكن تنسحب اذا تزوجتك او بتتشحتطو و انتي يختي ديري بالك تحبي واحد من القدس يمكن ما يطلعلك لم شمل واذا طلعلك مش راح تقدري تسوقي السيارة و توصلي ولادك عالمدرسة زي باقي الاميات و اذا انت من غزة اوعك يا زلمة تجرب تحب وحدة من برا غزة اوعك لانك لا راح توصل الضفة ولا اراضي ال 48 يعني فش امل بالمرة ولا في لم شمل ولا اشي وانت يخوي ياللي معك هوية زرقا تحبش وحدة معها الهوية الخضرا انت بتعرف شو بصير وانتي ياللي معاكي هوية زرقا انا ما بدي اوصيكي لأنو اهلك اكيد ومن انتي صغيرة فهموكي انو واحد ضفاوي فش توخذي ، و حكولك بعدي عن الضفاوية لانك مش راح تتزوجي غاد - عشنك فلسطيني لازم تقدر تتحكم بمشاعرك لانو الحدود يا لهوي عالحدود