Ask @adhammakhyoun:

نصيحه ؟؟

لو انت راجل عنيف وبتحب تضرب ناس ..للاسف البشرية مش بتتسامح مع ضرب الناس وده ضد القانون ...روح البس شورت واتمرن ملاكمة ..وبكدة تخرج العنف اللي جواك في سياق مقبول اجتماعياً
طب لو عايز تضرب براحتك في اي مكان بدون تمرين او انتماء لاتحاد الملاكمة؟ للاسف الخناقات برضه غير قانونية وفيها مخاطر.
حتي لو جربت تضرب مراتك ممكن تبلغ..لو ضربت كلب حد هيصورك وهتتعاقب....طب اضرب ايه؟
اضرب ابنك او بنتك ..مسموح لك تضربهم تأديباً ليهم ..الناس اصلا هتحبك تضرب عيالك عشان يسكتوا في المواصلات ...في ناس بتأجر حد يضرب عيالهم اصلاً ..سواء شيخ في كتاب او مدرس في مدرسة .."اضرب يا مستر واحنا نجبس"
اه طبعاً انت من حقك قانوناً واجتماعياً وعالملأ تبقي ارهابي "بس" مع الشخص الوحيد اللي شايفك بطل وبيحبك بدون شرط ومتعلق بيك وبيدور علي امانه فيك. ده لوجيك المجتمعات اللي احنا فيها دلوقتي.
وبعدين بقي بعد عشرين سنة تلاقي نفسك مرمي في حتة وابنك في الخليج مثلاً مع مراته ..وانت او انتي خلاص قررت انه "ماشي ورا مراته" ..و "ناسي اهله"
ودايماً القصص دي كدة ...يعني لحد ما قبل عمرو الليثي بيزورهم يسألهم "فين ولادك يا حاج وازاي سايبينك كدة؟"
محدش بيحكي انه من ١٠ سنين ابنه اشتري حاجة ملهاش لازمة بمصروفه مثلاً فا اتشتم ولا اتلطش ..عشان ليه نحكي؟ ..دي اللحظة اللي بنلم فيها اوتوماتيك تعاطف مع مزيكا حزايني.
اه طبعاً مش ده الوضع دايماً بس الجحود مبيطلعش شيطاني هو بيتزرع وبيتسقي عادي جداً.
فا حاول تزرع لنفسك حاجة حلوة ادام وعامل عيالك كأنهم ناس غرب من فضلك ومتضربهمش...عشان حجم الثقة اللي بيتدشدش عالارض في اللحظات دي هتستغرب بيرجع ببطء ازاي.
خصوصاً ان حجمهم اصغر منكوا يعني ..انت حرفياً الكبير مش بنضحك عليك ..انت اللي بتشلّت؟

View more

---Space for you🖤---

Menaa
كلمه بسيطه معانيها كتير
"اتقفلت"..
رد مقنع وبسيط وواقعى لكل حاجة بنبعد عنها مرة واحدة بدون مقدمات أو بنفقد الشغف تجاهها ..
اه صحيح بتبقى متحمس تجاه حاجة معينة او شخص جداً وفجاءة "اتقفلت"
بتبقى بتحب أكلة جداً بس شوفتها بتتعمل ازاى او ريحتها مكانتش مظبوطة فاتبطل تاكلها ..
طب ليه ؟
-"اتقفلت"
صاحب على طول معاك بس عمل حاجة خلاك مش عارف تتصرف تانى معاه بطبيعتك مع انك حاولت !!
ليه معرفتش ؟!
عشان "اتقفلت".
اشخاص كنت دايماً من بعيد بتحبهم وبيبقى نفسك تبقى معاهم ولما بقيت معاهم وبتتعامل كل يوم وتلاقى نفسك بتدى مجهود ووقت واعصاب ومشاعر وهما مش بيحاولوا حتى أو بيتسببوا في أذي نفسي ليك بتصرفاتهم ..
طاقتك فجاءة بتخلص وبتبطل تحاول .
ويسألوك بعدت ليه ؟
ترد بكل بساطة ..
-"اتقفلت".

View more

- للأجر 🖤🥀.. "

" .. ياسمين .. "
العالم مش جيد زي ما البعض متخيل ..
الخير ممكن ماينتصرش في الآخر زي أفلام الكارتون ..واللي ظالمك ممكن ماتشفش عقابه في الدنيا عادي .. في قتل بأبشع الطرق وحقد بيوصل لإستخدام السحر وفي عنف للاطفال والنساء والبيوت مقفولة وربنا عالم بحالها .. في ناس مالهاش كلمة وبيستمتعوا بالخيانة بالتخطيط للأذى .. في ناس ماعندهاش ضمير بمعنى الكلمة ولا رحمة ولا جزء من الشفقة حتى .. لازم تحط حدود لنفسك محدش يتخطاها بذات في عصر التواصل فيه مفيش أسهل منه .. في حاجات كتير وحشة ولكن ده الواقع لازم نتعايش معاه ولا نحسن النية بالآخرين ولا بالدنيا بشكل مرضي لأنها مش طيبة دي سذاجة وقلة خبرة .. ونربي أولادنا على انهم يعتمدوا على أنفسهم ويخرجوا يشوفوا العالم ونخليهم يثقوا في نفسهم ومايصبحوش تابعين لأي حد مهما كان قريب لان الكل معرض أنه يتغير .. ونعرفهم أن الحاجات دي موجودة في الدنيا علشان مايتصدموش فيها زي ما اتصدمنا ..

View more

-لأحدهم 🖤.."

" .. ياسمين .. "
انا شاب مصري مقيم فى دمنهور عندي 20 سنه أعزب امتلك شقه جميله مسلم اصلي واصوم الحمد لله اعمل فى مجال البترول مرتبي لا بأس به وامتلك سياره فارهه وعندي جواز سفر بحري و طيران ولا ادخن ولا اتعاطي اي نوع من المكيفات طولي166سم
أبحث عن سماعه سامسونج ضايعه من شهر 6 محدش شافها

View more

°•○ @Space

الراجل اللي اتوجع كتير اوي في حياته ، تلاقيه بينسى كتير اوي
بيموت في الوحده وبيحبها ،، عيونه بتلمع علشان فيها دايما دمعه محبوسه جواه ، اوقات كتير تلاقيه سرحان
بيعدى حاجات كتير مبتتعداش بس لما بيزعل بيبقى قاسي ، دمه خفيف بس ضحكته مش من القلب حتي لو صوته عالي اصل دا بيدارى بيها اللى جواه ...
ومع ذلك هوا اللي بيدى امل وتفاؤل للي حواليه ، بس ياريته يتعلم لان محدش يستاهل ثقته دي ...

View more

Next