@ahmad_alsafadi

Eng-Ahmad Al-safadi

Ask me anything Follow
Ask @ahmad_alsafadi

Sort by:

LatestTop

Related users

hrabia99’s Profile Photo hrabia99
Jpzinho007
OneDirectiooner’s Profile Photo OneDirectiooner
DreamscapeHD’s Profile Photo DreamscapeHD
fooGustavo’s Profile Photo fooGustavo
dustin_du
Nosilladex
itzzpete’s Profile Photo itzzpete
Griffinwind
parsayavari’s Profile Photo parsayavari
D0n4t0
janausderhood31
milojxsper
Grayson Wiggins
dim973’s Profile Photo Maecar
ManuPestana’s Profile Photo ManuPestana
Himawariowo’s Profile Photo Himawari
canlanjs
RaneemAhmad740’s Profile Photo Raneem Al-Akhras

شو اكتر لحظه بتندم عليها ؟!

هاي يمكن من اكثر اللحظات اللي بندم عليها بحياتي! زمان وانا بالمدرسة مسكني مدير المدرسة بدخّن عباب المدرسة ، كنا مروحين اصلاً ، بس المدير من خباثتو حفظ شكلي و ثاني يوم صادني الصبح واحنا عالطابور بالساحه! كنت لابس بلوزة نص كم بيضه ربحناها بسطل دهانات ، عرفتوها البلوزه؟ اللي كل متنغسل قبتها بتوسع ، بعد ٤ غسلات صارت زي ( فساطين ) الحفلات اللي كتافهم ساحلين!المهم اخدني عالادارة زي فار التجارب ، وبرضو مسكني من قبة البلوزه ووسعها بزياده ، يعني صار عادي لو لبسوها ٤ ، او عادي لو يلبسها واحد عندو ٦ روس كبار!!بغرفة الاداره قلي بدي اسألك سؤال واذا بتكذب بدي اخليك تنظف حمامات الاساتذه ، انتا كنت تدخن امبارح عالترويحه؟! انا هون فكرت الوضع زي الافلام الاجنبيه ، انك اذا كنت شجاع وجاوبت وما خفت ، رح يجي الشرطي او المدير يحط ايدو عكتفك ويقول ( احسنت يا صاح ، سوف اعفو عنك لأنك كنت صادقًا ) ، بس ما كنت عارف اني لما اجاوب الصراحه رح ينزل عوجهي منخفض كفوف جاي من قبرص! قلتلو اه انا ، ما لحقت اكمل ، وما لحقت اتنفس ، الا هو مبلش فيي جولة حاسمة ، حسيتو بنافس معي عالنهائي بالضرب ، واجاني احساس انو كل مضربني رح يزيد حسابو بالبنك ، او كل كف بضربني اياه رح يزيد من حلاوة وجمال مرتو بالبيت !!قلي خلي شنتتك هون ، و روح جيب ولي امرك فورًا ، ترجيتو عالفاضي ، اجا استاذ واخدني وقلي انتا شو خسران ، مهو ضربك خلص ، جيب ولي امرك وتعال!!قلتلي شو خسران اه؟! انتا مش عارف اني اذا جبت ابوي ، رح افقد حاسة السمع او الشم!! ما علينا ، رحت عالحاره ، كان في شب عنا بالحاره بشتغل بالستالايتات ، بس عمرو ما ركّب ستالايت ، لانو مش شاطر ، هي القصه اشاعه ، بس هوه صدقها ، دايما قاعد وبدخن بالحاره سباريس دخان ! قلتلو داخل ع الله وعليك يا ( صحن ) كانو ينادوه صحن نسبة الى صحن الستالايت ، وهو اصلا وجهو كان زي صحن التبولة!اشتريتلو سيجارتين واقنعتو يجي معي على انو ولي امري ، وقلتلو يحكي انو اخوي الكبير! دخل عالمدير والمدير حكالو اخوك هيك هيك ، الصحن ما بعرف ليش يومها عنجد عاش اللحظه ، وعنجد حس انو اخوي ، سلخني شلوت قدام المدير ، ما رح تصدقو انو عيوني وجعوني من الشلوت و صرت اقح قحة غريبه ، ما بعرف شو اللي شبك شرايين شسمو لشرايين عيوني لشرايين اعصاب زوري !! وعالسريع بعد الشلوت ضربني كف عرقبتي ثبتني بالارض ، وقال للمدير والله لأربيه!! له يا صحن! ولك ربّي حالك!! هاد لو جبت ابوي احسن يا صحن!!المهم ابصر مين من الطلاب سمع بالقصه ، ونقل الخبر لأخوي ، واخوي حكى لأبوي ، انو صحن الستالايت ضربني عند المدير !!واول مدخلت البيت ابوي كان متنشن ، وبستنى !شو صار معك اليوم،، ما صار اشي يابا ،، المهم ٥٠ ثانية كنت حاكي القصه كلها ، استغربت انو ابوي حكالي خلص فوت ادرس ! حسيت انو في قصه!!ثاني يوم بالحصه الثانيه اجا الآذن بقول احمد الصفدي للمدير ، رحت عالمدير لقيت ابوي قاعد ، والمدير ع يمينو ، وصحن الستالايت ع يسارو ، وانا فارس الحلقة !!اخر اشي سمعتو وقتها ابوي بقول للمدير يومها : والله يا استاذ زي محكتلك : الك اللحم والنا العظم ، هيو عندك !!المهم ضليت بعدها بسنه تقريبا بعرج ، وفي صوت زنّة بذاني اليمين بضل تيجيني وانا نايم ، و خدي اليمين برضو ضل متخدر ومنمّل فترة طويلة !!يا ريتني من اول حكيتلو مش انا ، ونظفت حمامات الاستاذه كلها ، يا ريتني نظفت حمامات ماعين ، ولكو يا ريتني نظفت سمعة المسؤولين ، يا ريتني نظفت ذنين وحيد القرن !!قال اللحم الك والعظم النا قال! الله يرحمك يابا#استاذ #عادي #اكتب #تعريف #من_عندي #بنفس_المعنى؟
#احمد_الصفدي

View more

114
Liked by: Alaa ĔHĄB SÀWÀŁHÃ Razan ❤ Omar GahzZawi Ahmad Mhameed | محاميد⚙ Salah abu aysheh زوز Nowar Ahmad يافا ❎⚠abdulrahem ben omar✴❌

شتت احرفي ب' كلماتك ❤ '!

OdaiAlMskawe’s Profile Photoم. عـــودآي || odai ✅
مش شرط أشيل " Iphone " او "Samsung".. عشان تقول اني ذكي و افھم ..!!
* مش شرط أكل كل يوم في " Mac " او " KFC " .. عشان تقول إني مش بخيل ..!!
* مش لازم لما أحب اقعد مع إصحابي .. نقعد كل يوم في " Star Bucks " او " Costa " عشان نقنعك إننا ٲولاد ناس ..!!
* مش شرط أجيب لبسي من " Adidas " او " Nike " عشان أكون نظيف ..!!
* مش شرط أبرطم بالأجنبي .. و كل جملة أدخل فيها كلمتين إنجليزي عشان تقول عني مثقف ..!!
* مش شرط أمشي أسمع " Adele " أو " Rihanna " عشان تقول عني متحضر ..!!
أنا معظم لبسي من الباله .. واقعد مع اصحابي على الطريق .. ولما نجوع بناكل عادي حمص فلافل من اي مكان .. بتكلم عربي عادي ..
ولو شايف إني فقير مثلا أو بخيل .. فأحب أقول لحضرتك .. إنك كمان مريض ..
أنا ممكن اعمل كل اللي حكيتو .. بس كل الفكرة إني شفت ناس .. ممكن يعيشوا إسبوع كامل بسعر تي شيرت من Adidas ..
شفت عائلات ممكن يتغدوا كلهم بثمن قعدة من قعدات Star Bucks ..
فعرفت وقتها إن المصاري مش كل اشي ..
وعرفت إن اللي بيقيس الناس بالمناظر ..هااظ لازم يتعالج بسرعة ..
عشان المناظر عمرها ما كانت مقياس للتحضر ..
(( التحضر الحقيقي .. تحضر الأخلاق والعقل )
#لاصحاب العقول النيره 😏

View more

166
Liked by: Toome.T.B Doa'a Sa'adah || صداميةة || Moh'd H Momaŋi Nadeen Sandy manaseer |✌الحمـد للـه Rano sy تَان٣ LẫýTh Øqöul ansho ارد لايك ام السووس..❤

اليوم #بالتعداد_السكاني.. سمعت انهم رح يحسبووو القصيرةةة <نص> في منوو هالحگي والا كيف ههههههههههههه شباااب افزعووولي امااااانةةة 😂😂😂😱

Rashaaabl10’s Profile PhotoRasha♥
هههههههههه اذا هيك انا واحد ونص ....
اطول من يوم الجمعه الله وكيلك 😂
108
Liked by: رهام نوباني Nadeen Sandy manaseer |✌الحمـد للـه Rano sy Ayat Al-Nayel ❤'! Heba Samy Marah alnayel ❤ Lana ❤! Eng-Ahmad Al-safadi αв∂υℓяαнмαη ѕнσυℓι ヅ

أعلنهااا #الفلسطيني ... ويلوو يلي يعااديني شعلناااهااا #انتفااضةةة ... بالحجر والسگينةةة ✌ ~~مسااحةةة فلسطينيةةة ~~~ #تصفييييةةةة_ع_انسر_هاد_السؤال جاوب برجع اتاابعگ 😍😉

Rashaaabl10’s Profile PhotoRasha♥
أعلنهااا الفلسطيني ويلوو يلي يعااديني شعلناااهااا انتفااضةةة بالحجر
155
Liked by: Nadeen Heba Samy Marah alnayel ❤ Eng-Ahmad Al-safadi العـــرّاب | 1985 RüRū vvafaa' .. Abrar IbraHim "الأبرار" Mustafa E Alhmdane Andaleeb badwan

Next

Language: English

4.1

1,266,418 reviews
© Ask.fm 2024