Ask @ahmed_5678:

..

أزمة وجود أو انعدام للهُويّة
باقابلني يوميًّا، واخاف مني،
واقتلني، وامشي بدمي في إيديا.
”الدراما بتقتضي اني اكون شاعر،
واني ما انامش كتير،
ودي رؤية المُخرج،
وانا.. ماباحبش الإخراج“.
من تحت أول سما
رفعت إيدي، وقلت:
باغرق حد يلحقني
أو حد بس يبُصّ لي
أتأكد اني مش هاموت من غير وَنَس،
ومفيش إجابة
كل اللي عيني الزايغة شايفاه في السما..
نجمة، وسحابة.
#أحمد_الراوي

View more

____🧡✨

- هلا تحدثنا؟ أريد سؤالك.
- ما الأمر؟
- فقط أريد أن أعرف، ما الذي تريده حقا؟ ما الشيء الذي ترغب به في أعماقك؟
- أريد؟ ليس هناك ما أريده، لا شيء يثير إهتمامي أو إنتباهي في المقام الأول.
- لا، لابد من وجود شيء في داخلك، هذا ما يجب أن يكون عليه الأمر.
- أنت تضحكني، قلت لك لا يوجد شيء أنا..."فارغ"، في داخلي لا يوجد سوى الفراغ.
- لكنني مازلت مصرا، لو لم يكن هناك شيء لما كنت تتحدث معي، أو يجب أن أقول: لما كنت قبلت الحديث مع نفسك.
- قد يكون هناك جزء من الحقيقة في كلامك يا أنا، ربما هناك شيء أريده أو بالأحرى أنا أتحدث إليك لأنني أبحث عن شيء.
- يمكنك إخباري، أنا لا أستطيع التخمين، لأنني لا أفهمك.
- هذا غريب، أنا لا أفهمك أيضا، ألسنا نفس الشخص؟
- نعم، و لكن ألم تعتد؟، أنا اعتدت على هذه المسألة،
على أية حال هذا يسبب الصداع فقط، هلا أخبرتني عن ماذا تبحث؟
- حسنا، هذا يصعب شرحه، لكن...أنا أبحث عن شخصي الحقيقي.
- شخصك؟
- نعم، أبحث عن نفسي الحقيقية التي هي ليست أنت و لا أنا، قد تكون في إحدى زوايا عقلي تضم ركبتيها و تحيط بيديها و قدميها سلاسل تحرمها من الحرية، مكبلة لا تستطيع الخروج، أو أنه ليس هناك شيء يسمى حقيقتي، ربما أنا مزيف من البداية إلى النهاية، قد تكون حقيقتي تزييفا مبهرا فقط.
- بدأت أشعر بالفراغ أيضا، هل نحن لسنا حقيقيين حقا.....،لا لا ربما أنت مخطئ، ربما لا يوجد شيء يسمى حقيقة في هذا العالم أساسا، لكن لما شعرت أنك مهووس بما يسمى "حقيقي"، أنت تفكر كثيرا بهذا .
- أخبرتك مسبقا و أنت بالتأكيد لاحظت، معظم ما أتحدث عنه أو أفعله ليس إلا زيفا و كذبا، أشعر أني منافق كبير.
- لكنك لست منافقا، أنا أعرف هذا، لم تخبرني ولو مرة واحدة أنك تحبني، أنت صريح للغاية.
- لا الأمر مختلف....أنا.....أنا لم أكذب بمشاعري على الأقل...تجاه من أحبهم.......و..لكن هناك خطأ في مكان ما......أو أن كلي عبارة عن خطأ.
- لن نصل إلى نتيجة، أنت لن تجد ما تبحث عنه، و أنا لن أفهم ما تحاول قوله.
- نعم، لننه هذا، أريد النوم.

View more

...

"قيل أدخل الجنة"
أنا قلت: مش لاقي الطريق، والنار محاوطاني
وإزاي هاخش الجنة معايا أحزاني؟!
خلّوني وحدي في أي رُكن بعيد
وهاتولي أكل وميّا وسجاير
دي مش مكاسب مُرضية عارف
لكن أَقَلّه.. دي أقل خساير.
"قيل أدخل الجنة"
أنا قلت: خايف، النار بتحرق كل حاجة بامسّها
قلب الحبيبة الوحيدة كان دليل كافي
مش داخل الجنة، ادخلي.. والله ما تخافي.

View more

مساحة 💙

أوضتي - البراح المعنوي - بتضيق
باشرب قساوة وحدتي ع الريق
ماسك بإيدي عقرب الساعة
وبأعلى صوت باصرخ كإني غريق
الساعة بعد 2 ما بتسمّيش
والذكريات كـ محاكم التفتيش
الموت بيهرب من ميعادي معاه
مع إني مش متحمس إني أعيش

View more

لِهذه اللّيلة ..♩♡

أ.فاطِم ‏✿
أنا هاسألِك.. جاوبيني بصراحة
هل يعني وإنتي بعيدة مرتاحة؟
طب فيه مساحة تسألي (واحشاك؟)
طب فيه مساحة تخلقي مساحة؟
الورد لونه رمادي في غيابِك
والوضع مِتلعبك ومُتَشَابِك
مش باطلب إنِّك ترجعي لكن
باطلب تحاولي تراجعي أسبابِك
هوَّ الغياب ده حِباله واصلة لفين؟
شايفِك في نظرة كل قلب لـ عين
وفـ كل عين باقابلها في الشارع
إحنا افترقنا ولّا متخاصمين؟
لسه العيون بتتوه مع التفاصيل؟
لسه الجميل بيقول عليا جميل؟
طب عارفة أكتر حاجة محتاجها؟
كتفِك في كتفي عشان بدأت أميل
قلبي الغريب عني بيسألني
كان قصدك إيه يعني في يوم ما مشيت
وعينيا في المرايات بتقتلني
إزاي قدرت أقول أنا استغنيت!
سايباني وحدي، ووحدي ناقص روح
بانزف، ومش شايف أثر لجروح
كاتب على القلب (مُغلَق للأبد)
لكن هتيجي هتلاقيه مفتوح
#ناقص_روح

View more

احكيلي عن يوم نتيجة ثانوية عامة؟❤❤❤❤ وكنت حاسس هتجيب كام

الثانويه بتاعتي عامه مكنتش بذاكر يعتبر مذاكرتش غير اخر اسبوعين قبل الامتحانات كنت مقضيها لعب بس كنت بروح كل دروسي فببقي مركز فيها وده الي ساعدني اني اقدر الم المنهج كله مكنتش شايف الثانويه دي أنها بعبع ومكنتش خايف منها بنفس درجه الخوف الي كنت يشوفها علي اخواتي أو علي اي حد قريب مني وكنت بطلع من الامتحانات حاسس اني محلتش كويس ومكنتش متوقع اني اجيب هندسه بس كله من كرم ربنا ودعوات امي وابويا وكل الناس الي بتحبني مقصدش اني مستحقش هندسه لا الحمدلله بستوعب بسرعه وذكي بس انا مبقدرش اقعد علي كتاب اكتر من نص ساعه متواصله ودي عاده فيها من زمان يوم النتيجه طبيعي تبقي قلقان حتي لو متأكد بنسبه ١٠٠٪ انك هتجيب المجموع الي بتحلم بيه بس لازم تبقي قلقان انا الي جبتها كانت ٩٣.٥ شوفتها ركنت اللاب علي جمب وقعدت زعلان الناحيه التانيه بقي في بيت عمي جابولي النتيجه وبنت عمي شافتها ٩٨ ازاي معرفش 😂 بس قدمت تظلم جالي اربع درجات في كيميا بس ده بعد ما جالي في تنسيقي هندسه المنيا وقلت خلاص هروح بس قدمت تقليل اغتراب واتقبل وجت شبين ومرحتش خدت الاربع درجات وحاليا في اخر سنه وبدعي ربنا اني اخلص من ام الكليه دي
بس حاجه عايز اقول حاجه متخليش نظره المجتمع لفئه الاطباء والمهندسين تخليك لو مجبتش مجموع يدخلك هندسه أو طب تحط ايدك علي خدك وتقول انا فاشل انا مدخلتش كليه قمه وعشان تبقي عارف مفيش حاجه اسمها كليه قمه في مصر دي كدبه بنكدب علي بعضنا فيها مش شرط تخش طب أو هندسه عشان تثبت نفسك تقدر تثبت نفسك في اي حته انت موجود فيها مش كل الي في طب بيطلعوا من الكليه ناجحين وكذلك الي في هندسه اي كليه اي مجال طلاما انت متفوق فيه غصب عنك وعن اي حد هتنجح فيه وهتثبت نفسك انك احسن من مليون دكتور ومليون مهندس الثانويه مش نهايه العالم ولا نهايه حياتك دي بدايه حياه جديده ليك هتشوف بعدها حاجات كتير هتغير تفكيرك وعقليتك وهتخليك تبص للدنيا نظره مختلفه علي الي كنت شايفها قبل كده وتأكد أن طلاما ده نصيبك طلاما ربنا كتبلك الكليه الي هتجبها تأكد أنه خير ليك وقول الحمدلله علي كل شئ وربنا يوفقك الجميع
رغي كتير عارف 🤚😂

View more

Next