Ask @ahmed_ellbody:

درس اتعلمته في حياتك ونستفيد منه 🎫😇

أهم دروس طلعت بيها من حياتي عموماً :
• طول ما انت مش بتقرأ ، كل ما كان سهل توجيهك والتحكم فيك، و التلاعب بيك (وصدقنى انت هتكون مبسوط)
• مفيش اى اهداف بيتم تحقيقها استنادا على المشاعر فبلتالى ابعد عن كلمات ذى ، انا متضايق ، انا مش فى المود ، انا بحب او بكره حاجة ، لو اعتمدت على المشاعر مش هتقدر تحافظ على ثباتك فترة طويله .
• اهم المهارات اللازمه دلوقتى هي انك تتعلم التفكير النقدى ، اعمل بحث عنه وافهمه صح عشان تقدر تقيم كل معلومه انت بتستقبلها.
• الناس هتثق فيك بشكل كبير جدا لو سمعتهم ، جرب تسمع أكتر ما تتكلم وشوف النتيجة
• ارجوك متقارنش نفسك بحد ، كلنا مختلفين تماما عن بعض ، واتولدنا فى ظروف مختلفة ، والفرص اللى جاتلنا مختلفة
• الناس غير منطقيين ، انما مُمنطقين ، بمعنى انهم بيمنطقوا الحاجه اللى هما عايزينها تبقى صح ،فما تشغلش بالك معاهم كتير
• اتعلم انجليزى " هيعمل فرق كبير فى حياتك"
• محدش بيراقبك ، محدش مهتم بآلامك و مشاكلك زى ما انت متخيل ، انشف شوية واشتغل بجججد
• مقولتين مهمين جدا خليك دايما فاكرهم
لولا البُلهاء لما حقق الآخرون فى هذا العالم أي نجاح " مارك توين"
"المشكلة أنك تعتقــد أن لديكَ ما يكفي من الوقت ! " بوذا

View more

+3 answers Read more

Space🗯️

فاطـــمـه ")
فيه ناس لازم تفهم ان في ناس غيرهم اتربت واتعلمت إنها متبقاش ناقصة، وان الناس دي عادي جداً تفرح لغيرها من غير أي عُقد ولما بيحبوا حد ويقولوا كلام حلو بيكون من قلبهم فعلاً مش نفاق .
مش شرط كل حاجة حلوة تبقى مصطنعه لمجرد انها مش موجودة فيك ✋

View more

حكمه ومبدا استفدتو بيها في حياتكم

Mhmd Samii
-إنك تتكرم ويتقالك شكراً على تعبك ، أهم بكتير من تعبك نفسه " أعمل دوشة وخد اللقطة "
- إسأل أى حد وصل " هيقولك مفيش طريق مختصر"
- انت هتتأثر جدا بطريقة تفكير الناس اللى بتقضى معاهم وقت كبير "خلى بالك انت بتقعد مع مين"
- "قانون الضرورة " بمعنى انك لو مخلتش لوجودك ضرورة كبيرة ، هتبقى انت أول واحد يتم التضحية بيه " طور نفسك دايماً"
- الغضب بيشوش تفكيرك جدا ، أوعى تاخد قرار أو تقول كلامك وانت فى حالة غضب "هتلبس فى الحيط"
- كل حاجة ليها تمن " مفيش حاجة ببلاش"
عايز ادفع .
- اتعلم انجليزى قبل ما تتخرج من الجامعة " علشان تستريح بعد التخرج" وخلي بالك الموضوع هيحتاج منك صبر ومجهود متواصل .
- لما تحب تفتح شغل خاص ليك أول مرة ، إفهم قوانين اللعبه ، وبعدين ألعب " بلاش تعمل العكس"
- فية نوعية من البشر كل اللى بتعملوا انها بتشتكى وبتحبطك وبتمتص طاقتك " أبعد عنهم " دول وباء .
- أقذر حاجة انك تشتغل نفسك وتقعد تقنع نفسك انك هتبتدى من بكرة وهتخربها، طيب وبالنسبة للنهاردة !؟
- بُناءاً على تجربة انت كدة كدة هتغير أصحابك كل فترة معينة " فبلاش تربط مستقبلك بصديق أو تاخد قرارات متعلقة بمستقبلك اعتمادا على صديق"
- كدة كدة مهما عيشنا هنروح للى خلقنا فى الاخر " حسن علاقتك بربنا ، متخليش عمرك يسرقك ومتنساش آخرتك " 🌼💙

View more

Next