هو عادي لما اخرج بره البيت احس اني بنت مش جميلة خالص بشوف البنات بره لبسين علي الموضة وبرفان وفل ميكب بحس ان في صراع ومسابقة معرفش ليه بيجيلي شعور اني اوحش بنت او اني شكلي مش حلو معرفش دي مشكلة رهاب والا انا اللي بقيت بركز زيادة ؟
اللبس ملوش علاقه بالجمال بل بالعكس اللبس اللي مش مناسب لثقافتنا ومجتمعنا بيخلينا كشباب نشوف البنات اقل جمالاً .. اما بالنسبه للشكل وكونك شايفه نفسك مش جميله فدا من رأيي معتمد ع نسبه ذكائك ومعرفتك .. معرفتك ب"معايير الجمال" .. هل انتي عارفه معايير الجمال؟ اكيد لا .. لان محدش ف العالم عارفها .. لان مفيش حاجه اصلا اسمها معايير الجمال .. هي بتختلف من ثقافه للتانيه ومن زمن للتاني ومن شخص للتاني.. بمعني ان ف وقت من الاوقات في جزء من العالم كان التخن والجسم المليان من علامات الجمال عند الانثي .. او ان فيه ناس بيعجبها كذا وناس بيعجبها كذا .. ف كوريا الجنوبيه مثلا من علامات جمال الرجل انه يكون نحيف وبشرته ناعمه وشعره ناعم وملون .. ف كتير من دول افريقيا بيزيد جمال المرأه كل مازادت درجه سواد بشرتها لان دا دليل ع نقاء عرقها .. وكل ما كانت الانثي اتخن كل ما كان افضل عندهم .. من الاخر مفيش حاجه اسمها انا وحشه او انا حلوه لان دا مش هيزيد او يقلل من جمالك إلا عند اللي عنده مشكله ف دماغه ومتأثر بالطبقة الغنية او المشاهير او عِلية القوم واللي نسائهم بيكونوا بالنسباله هم البيرفكت اللي بيحدد مدي جمال الاناث اللي ف طبقته .. ودا عامة شخص غبي .. الحوار كله فيكي انتي وثقتك ف نفسك واقتناعك ان محدش احلي منك ببساطه لانك مش احلي من حد .. كلها اذواق وكلنا هيعجبنا ناس وهنعجب ناس ونتجوز ونتكاثر ونجيب عيال يتفوا ع عمو يحبيبي ونعجز ونموت ودا لو توقعاتنا متفائله .. فبليز وانتي ف طريقك للموت متصدعيناش.
+ 11 💬 messages
read all