Positive energy🎤🤥

May 18, 2021

مافيش مشكلة ان حد يعملك unfollow.. مافيش أي مشكلة إن حد ميكونش ليه في القعدة معاك.. مش عيب انك ميكونش ليك حضور وسط مجموعة معينة من البني آدمين

لو فيه شلة معينة مش بتهتم بيك دون عن باقي الناس ده مش معناها إنهم مش بيفهموا ومنافقين

الموضوع بكل بساطة إن الدنيا عبارة عن قبول.. ومهما عملت مش هتلاقي قبول من كل الناس
وزي ما فيه مرات هيبقى حظك وحش ان ناس انت عايز تحبهم هما مش قادرين يخلقوا قبول ناحيتك

زي ما مرات رغم كل عيوبك هتلاقي ناس تانية بيفضلوك عن ناس الذذ منك ١٠٠ ألف مرة

العيب انك تكسر قيمتك عشان ترضي ناس
والحرام انك تضيع وقت عشان تليق بالعافية على ناس
والمهين إنك تبني كل قيمتك من رأي الناس فيك
الدنيا حلوة عشان مش متوقعة..
ولا انت وحش ولا هما بيكرهوك .. هو مافيش قبول مش اكتر وهتلاقيه عند ناس تانية
استمتع بقيمة نفسك اكتر من كدة شوية♥🌎

+ 1 💬 message

read all

Liked by: 3'azaal Basmalahh آية✨ Elostaza Manal m kewan Rania Salah Ähméđ Hèshâm خطفت نمله و عذبتها Rewan ♠ MG

ايه احلى حاجه بتعجبك !!

May 09, 2021

لم اشوف بنت بتقول يبخت الى هيكون نصيبه اناا ،هيلاقى واحده عمره م شافها فى حياته 😅♥

البنات دى فى ليفل تانى والله

+ 1 💬 message

read all

Liked by: 3'azaal آية✨ Amany Alghareeb Elostaza Rewan ♠ MG Ahmad Muhamed Ayota Abd Elkhalek ضاليا Nesma Raafat

احنا مش من حقنا نفرح كبناات ولاايه !

May 09, 2021

بالمناسبه لاحظت حاجه جداا

هى ان البنات معظمهم بيفقدوا الكلمه الحلوه والمديح فى شكلهم وشخصياتهم!!

ليه كل اب وام ميقولوش لبنتهم قد ايه هى جميله لان فعلا كل بنت بيبقى فيها جمالها الخاص ليه مبيخلوهاش عندها ثقه بنفسها وتجرى تدور ع ده بره وتفرح باى كلمه تتقالها من اى حد غريب وتمسك فيها وتتعلق بيه هل هيخسروا حاجه لو قالوا كلمه !!

ليه كل زوج او خطيب او اخ ميقولش لاخته قد ايه انتى جميله ووزنك او لون بشرتك مميزك !البنت بتتغذى ع الكلمه الحلوه ودى فطره فيها ليه كل زوج ميقولش لمراته قد ايه هى حلوه وجميله وناجحه حتى لو مبتشتغلش ناجحه ف بيتها !! كل اب وكل اخ
خصوصا البنات المراهقات
حقيقى ظاهره تستحق التامل
انا مبشاركش فى جروبات كتير لكن فى لكن فى الاغلب فى بنات بتنزل صورها وتقول قولولى انى شكلى حلو هو انا شكلى حلو اصلا ؟
تنزل صورتها وتقول قولولى كلام حلو
تنزل صورتها وتقول جوزى بيقول انتى وحشه !
كل او ٩٩٪؜ من اشهر جروبات البنات كده كلها بنات بتدور ع كلمه حلوه وثقتها ف نفسها مهزوزه جدااا !
لو عندك او عندك بنوته بنتك، اختك، مراتك اختك بنتك امدحوهم وادوهم ثقه بنفسهم ف شخصيتهم ومميزاتهم وشكلهم عشان يطلعو عارفين قيمه نفسهم واثقين بنفسهم وميدوروش ع الكلمه دى بره
حقيقى الكلمه بتفرق 🌎💧

Liked by: 3'azaal آية✨ Elostaza ➳ ՖhàDy Ałì MG Ahmad Muhamed Ayota Abd Elkhalek ضاليا Nesma Raafat ^ Fadwa Ayman ^

بحس ان الاطفال عامل أساسى لتغيير المود للاحسن ديما بس معظمنا بيستهزأ بحاجه زي كدا لدرجه انى لما بشوف حد مخنوق أو مضايق واقوله العب مع طفل أو حاول تقضى وقت معاه مبيصدقش .. اي الناس الغربيه دى ولا الواحد عقله فوت خلاص 😂⁦👀

May 06, 2021

وانا داخل الشارع

الأطفال :😂😅

+ 1 💬 message

read all

Liked by: آية✨ Amany Alghareeb Elostaza MG Nesma Raafat ^ Fadwa Ayman ^ Zein Nermin_sayed MaNoOoRa sara

جدي توفى وكنت متعلقه بيه جدا تقريبا كان اكتر حد بحبه في حياتي طول الوقت بشوفه في كل حاجه ف كل مكان كنا بنقعد فيه وكل شارع مشينا فيه طول الوقت يجي خبر موته في دماغي زي الكابوس وكاني اول مره اسمعه وببقا هتجنن المشكله اني هاديه من برا وكويسه بس حقيقي مش قادره اكمل من غيره 💔

May 05, 2021

الفكره كلها انك انتى اتبنى بينك وبين جدك حبل بيسمى حبل الوعى

الحل ايه ؟؟

يعنى زى الكمبيوتر كده فيها طاقه كهربية بتنتقل للاشخاص الى بيتعاملوه مع الجهاز داه فهو بينقل لينا طاقه سلبيه
فكل إنسان فينا طالع من صدره مجموعه من الاحبال متعلقه بالاشخاص ، كل هذه الطاقات تسنزف كل م لديك
وبتخليك مرهق وتتعبك وتحس ان فى جبل فوق صدرك .

نفس الكلام لما نشبه بين الاشخاص ، ممكن حد ينقلنا طاقه سلييه ، أو ايجابيه فتاثر فينا وداه منه كتير
طيب انا بحب ناس وفرقتنى سواء (حبيب ،صديق ،جدى،...) علشان اقطع حبل الوعى بينى وبينه هو انى

أنام على ضهرى، أى وضع مريح واغمض عينى واتخيل انى واقف فى حديقه ،واسمع صوت العصافير الجميل ، والنهر الجارى وشكل المياه ، وشاهدى جمال المكان

وقدامى وخلفى الناس الى بحبهم وبثق فيهم ،
وامتلك كل الأحاسيس لمشاهده الله لك لما تفعله وطلب عونه وقوته الإلهية لتكمل ما بدأته . تخيلى أن هنالك حبل طاقي يربط بين سرتك وسرة الشخص أمامك ..

أنوي أن تقوم بقطع هذا الحبل .. وخليكى على يقين بأنك تمتلكى القوة لأنهاء هذا الأمر . تصورى وجود مقص بايدك وقومى
بقطع الحبل ... وأنت بتبتسمى وترددى :

من اليوم والان وفيما بعد هركز على اهدافى وطموحاتى ، احلامى والامور التى تثرى حياتى ...اما (اسم الشخص) فانى اقبلت مسبقاا وجوده فى حياتى وان الاوان لترحل بسلام
رددى ليه ،فلترحل بسلام ..
وشوفى وهو بيدير ظهره ليكى وانتى بتقولى فلترحل بسلام ، انه اخد كل ذكرى مؤلمه وترك كل الذكريات الجميله

أستشعرى وشاهدى فخر من تثقى بهم وهم يبتسمون لكى واسمع صوت تصفيقهم لكى .. لأنك تحررتى من أحد القيود ، وتحررت طاقتك من طاقة ذلك الشخص .

هتحسى بالراحه من أول مره تقومى به ، كررى التمرين 3 مرات في الأسبوع ،وفي كل مره تنتهي منه قدمى الامتنان بطريقتك الخاصه لـ الله ( دعاء ، شكر ، صدقة ، تأمل ) وذلك لأن القوة التي بداخلك نابعه من قوة الله.♥💧

Liked by: 3'azaal آية✨ Elostaza MG ^ Fadwa Ayman ^ Nermin_sayed mahmoud M.omer mohamed hesham Huda

هو انا لو بتصور كتير وشايفه نفسى حلوة قدام نفسى هل ده مرض أو هوس ؟! و هل ده من علامات حب الذات !

May 05, 2021

ولا اى حاجه دى حاجه كويسه مش وحشه خالص لانهاا بتحسسك بحبك لنفسك اتصورى لحد م فى صوره فيهم تعجبك عادى ، وبعد كده ممكن تعملى ألبوم صور ،
واعتبرى انها للذكريات ، علشان كل م تكبرى تشوفيهم تانى وتفتكرى الأيام دى .

ودى عادى من حب الذات ، ادام انتى بترتاحى ، فى نااس كتيره بتحب التصوير وبيختاروه الصوره الى هما شايفنها حلوه ⚡💧

Liked by: 3'azaal آية✨ Elostaza MG ^ Fadwa Ayman ^ OmimaLiza. mahmoud M.omer mohamed hesham Huda

اتخذلت كتييير ف اصحابي ومبقتش بقرب من حد ولا بصاحب حد وحاسه بوحده بشعه .. كل م برتاح لحد ببعد عنه عشان متخذلش منه اي الحل لدا ؟ كنت حد اجتماعي بقيت انطوائيه جدااا كنت رغايه مبقتش بكلم حد ؟

May 04, 2021

من كلامك ممكن تكونى شخص انعزالى مع نفسه ، قافل على نفسه بيخاف من نااس تخذله ومش هيحسسووا بقيمه ، عندك خوف اجتماعى ، فى خجل ، وأن كلام الناس مش حلو.

الحل ايه ؟

حلك انك تبداى تغيررى حياتك 180 درجه وهو تبداى انك تشوفي اقرب زميله ، صديقه فى العمل او الدراسه حد قريب اكيد فى حد وابد اتكلم معاه اشاركه.
ومش شرط هتكون العلاقه قويه فى الاول لا بالتدريج ومع الوقت كله هيجى

تخرجى تروحى شوفى قرايبك واعمل زياره واروح واتكلم معاهم وأسمع قصص واحكى معاهم ونضحك ونهزر ، ونلعب واستمتعى بحياتك لو كنتى مش متزوجه ، عيشى حياة اللامسؤليه ، والفضى .
وإنشاء الله تتجوزى والى معاكى داه يسندك وتحكى ليه وتبدأ تستمتعى بحياه الونس،و المشاركه

أبد اشارك فى ندوات، محاضرات ،مؤتمرات ، اروح ناادى واشارك مع نااس احس نفسى فيها وبقيمه نفسى
انتى مميزه عن غيرك فى حاجات كتير محتاجه تطلع

واهم حاجه النوم بلاش النوم بالنهار نامى باليل راحه ليكى ولجسمك علشان الساعه البيولوجية بتاعت الجسم علشان المتواجد الكيمائية بتبدا يحصل فيها خلل نمارس رياضه ،
وتمارين الاسترخاء ودى نتكلم فيها فى بوست تانى تبداى تقعدى مع والديك ، حتى لو والدتك قريبه منك

مش شرط انى اخرج يبقى عندى اصحاب كتير معايا لا خالص ، داه ممكن تخرجى انتى ووالدتك، زميلتك ، اختك ، حد قريب منك تقوليلها يلا نتمشى شويه ونغير جو مش شرط كل يوم يعنى ، يوم ، يومين فى الاسبوع

فى حاجه اسمها سيكو دراما وهو انك تتخيلى انك مثلا قدامك ناس كتير وفى حد وقع فى الشارع وانتى بدورك المسعف الى يساعده انه يرجع تانى
ابدا ممكن اشارك على السوشيال ميديا واشارك واقول الرأي واضحك واهزر ، ادخل فى جروبات بلاش جروبات الحزن والاكتئاب والكلام داه ...

اصلى واقول أذكار وادعى ربنا، وخليكى دايما معااه اول م تحسى انك فى توتر وقلق ابداى اتوضى وصلى ركعتين وادعى ربنا بكل الى نفسك فيه.

اطلعى اخرجى حتى لو هتروحى تقعدى فى مكان هاادئ مع نفسى واشرب حاجه وامسك الموب واقرا مثلا اشوف الجو والناس والأطفال

وابداى فى خطه وامشى فيها واشغلى وقتك اى حاجه انتى بتحبيها وابداى نمى منها ، لو بترسمى اعملى كده وانشريها مثلا على اى موقع سوشيال ميديا ، لو بتحبى الكتابه ، لو بتحبى القراءه .... وكتير

المهم وقتك يبقى حاسه انك يبقى حاسه انك عندك مسؤليات واهتم بالجانب الدينى ، الصحى ...⚡🌎

Liked by: 3'azaal ^ Fadwa Ayman ^ mahmoud M.omer mohamed hesham Huda اعترافات على الاسك ☆Ro Omisaa☆ شيماء Ahmed AbdElazeem

يسعد مساءك ي دكتور، انا وقعت في فخ المقارنة والغيرة وطول الوقت الوم نفسي ازاي افكر كدا ودلوقتي بقيت اشوف نفسي اقل حد في زميلتي حتي شكلي بقيت احس اني مش جميلة خالص وان اي بنت غيري اجمل واحلي بكتير التفكير دا مسيطر عليا ومش عارفة اخرج منه كل اما اتحط في تجمعات علي بقيت اخاف اتعرض للنقد

May 04, 2021

فى البدايه لازم امنع المقارنه بينى وبين اى شخص تانى لان دى مقارنه مرهقه ومتعبه لابعد الحدود
جمال الشكل ربنا خلق كل واحد فينا فى احسن تقويم واجمل خلقه انتى مقياس لنفسك مش لغيرك والى منه يكون تأثير لغيرك
طيب ايه الحل ؟!

لو صاحبتك دى الى انتى بتحسى من ناحيتها كده وبتحسى انك مش جميله ، ابعدى عنها ومتركزيش فى تفاصيل حياتها لا ركزى انتى فى حياتك
انتى مميزه عن غيرك بحياتك مفيش داعى ان اقارن نفسى وبين الناس

احسن من نفسى واهتم بجمالى مش معنى كده انى اصرف كل فلوسى على مراكز التجميل ، لا بالعكس ممكن اجيب شويه كريمات مع ماسكات للبشره بطرق طبيعيه وحاجات سهله وبسيطة مع شرب ماء كافيه فى اليوم ، مع اكل فاكهه وخضار والالياف كله داه حلو جدا مع الرياضه والمشى فى الهواء

اقف أمام مرايا مثلا واحفز نفسى واشوف جسمى وشكلى وقولى انا جميله وحلوه مفيش منى اتنين انا منفرده بشخصيتى وجمالى، وداه هيجى مع الوقت وداه
هيغير برمجه عقلك وتكسرى دائرة انعدام الثقه دى هيكون غريب فى الاول بس هيجى مع الوقت

لو معاكى موبايل اتصورى من كذا وضع ، لحد م فى صوره تعجبك ، داه طبيعى ان فى صور تطلع مهزوزه شويه اتصورتى فى وضع غلط ، كله داه عادى اتصور بفلتر عاادى
الفلتر مش بيغير شكلك بالعكس داه بيجمل شكلك كأنك فى كوافير واحسن كمان كأنك فى اكمل وجه من الزينه و الجمال .و هو هو شكلك مش حد تانى يعنى!
اخد راى ناس اصاحبى ليا واديلها صورتين واقولها ايه رايك دى حلوه ولادى احسن علشان عارفه ان رأيك وذوقك جميل ى صاحبى منها تزودى ثقتها بنفسها وتزيد علاقتك بيها اكتر ، من كل الجهات انتى هتستفيدى ،هتقولك رايها داه هيزود ثقتك بنفسك

لازم تحبى نفسك من جوه بعمق ، تفتخر بجسدك، وشكلك ، وتحددى وجهتك هل ترغبى انك تكونى ذو جسد جميل أم ترغبى في الأسوء فأول م يجى غضب وتوتر ابعد عن الاكل
أمارس رياضه ، امشى ،اجرى ،اروح ناادى اجرى العب رياضه مش عيب خالص
ابدا احب واتقابل شكلى وجسمى

غيرى طريقه لبسك ويشوفها على مناسبه ليكى ولا لا ، غيرى استايل جديد لأنك متميزه بذاتك مش لحد ، البس لبس مناسب لجسمى بالوان انتى بتحبيها ، وشكل الحذاء والتناسق بين لبسك

شوفى نفسك زى نجم سينمائى ، مقدمه برامج حتى شكلك ، قوام ، جذاب ، شعر جميل ، وهتبعدى عن تدمير ذاتك بالمقارنه وتستعيدى ثقتك بنفسك
انتى جميله بروحك وعقلك وايمانك اى جمال افضل واحسن من كده♥

+ 3 💬 messages

read all

Liked by: 3'azaal ^ Fadwa Ayman ^ Mohammed Atef ᗪIᑎᗩ mahmoud mohamed hesham Huda اعترافات على الاسك ☆Ro Omisaa☆ شيماء

انا متقدملى شخص احكي للشخص المتقدم على الخطيب السابق واسباب الانفصال ولو ليا علاقات قبل كده ؟

May 03, 2021

اسمعى ى ست البنات

خطيبك يعرف خطوط عامه عنك من غير تفاصيل لانه موضوع الخطوبه داه معروف للناس واقاربك
بالنسبه بقى للعلاقات الى كانت قبل كده والكلام داه

ففى فرق بين الخطوبه والكلام والعلاقات الى بتتعب دى وعايزين تعترفوا بيها وم هى الا باب شكوك وقرف مش هتستقيم مع العلاقه الجديدة .
علشان كده الستر هنا من تمام التوبه والانكار هنا مش حاجه وحشه ،لا داه حاجه جميله لانك توبتى لربنا وربنا غفور رحيم كلنا بشر وداه باب اتقفل من زمان بلاش تتكلمى فيه
طيب ولو عرف
ردى عليه وقوليله كان موضوع تافه ميستحقش اننا نتكلم فيه ، كان مجرد كلام وانتهى من زمان للابد، وكل واحد فينا ليه حياته ، منذ التقينا ى خطيبى ، وقوليله انت هتبقى زوجى قره عينى ابو عيالى 😂🙌♥

Liked by: 3'azaal ^ Fadwa Ayman ^ Mohammed Atef ᗪIᑎᗩ نسيم البحر mahmoud mohamed hesham Huda اعترافات على الاسك ☆Ro Omisaa☆

دكتر ازاي التعامل مع شخص عصبي وبتنرفز من اقل سبب وواقفلنا ع تكه ودا مسببلنا ازي نفسي احنا اكتر منو نتجاهل يقلك بتتجاهلوني نقرب يقلك مش عليز منا طول عمري لوحدي

May 02, 2021

اهم حاجه ال الأمان (Reassurance ) للشخص الى قدامك💧♥

اسمع كل انسان فينا بيمر باضرابات نفسيه وبتعب وقلق وارهاق من مشاكل الحياه والتفكير فيها
ففى اسباب كتيره تعمل داه

لو هو مريض سكر داه طبيعى انه يحصل لانه عنده اختلال فى الأعصاب او هو مريض قلب وعنده ارتفاع فى ضغط الدم
او اى مرض م سبب داه ليه
ممكن يكون مشاكل اسريه لو هو متجوز ودى ليها حل تانى خالص
او لو هو اعزب عايش لوحده ودى باين المشكله الى حضرتك بتتكلم/ى عليها
او ظروف ما شغله ، حياته الاقتصاديه ،
لازم توصل لسبب نقطه توضح ليه ايه الى مخلى الاضطراب النفسى داه انه يحصل

الحل انى انك تطمنه وتغيره ليه حياته الى هو فيها تغيره الدائرة المفرغة الى عنده علشان ميدخلش فى مرحله اكتئاب بعد كده
هو انك اول حاجه

تهزر معاه وتقوله مالك كده مش احمد مثلا الى نعرفه مش احمد الى متعودين عليه دايما مش احمد الى بيحكلنا هو فيه ايه مثلا وسيبه يحكى مشاكله الى بتتعبه حاسس بايه اهم حاجه مش قدام الناس اكون انا قريب منه وخليه يتكلم وحسسه بقميته وبص لنظرات عينيه وانت بتكلمه بلاش تسرح

وتبدا واحده واحده تعرف هو ايه السبب ومن داه نبدا نحل
لو عايش لوحده يبقى على الاقل لو قريب منى اقعدى اعدى عليه اقوله يلا نروح نصلى ونيجى او اخرجه من الجو والموود الى هو فيه نتمشى شويه نحكى بحيث الوحده دى تروح خلاص واحساسه بيها تقل

اعزمه مثلا على اكله ..اى حاجه حتى لو هتجبله بسكووت . الإنسان اقل حاجه بتفرحه والله

لو حاسس انه شغل او مثلا زهق تبدا تفهمه ال
Comparison المقارنة
Perfectionism لعنه الكمال والمثالية
وتشوف ضغوط الحياه ونحلها بالتخطيط الصح وننظم وقت وتوزيع المهام علينا ومع الوقت كل حاجه هتيجى

ودول كنت قايلهم فى بوست 🌎♥⚡

Liked by: 3'azaal Mohammed Atef ᗪIᑎᗩ mahmoud شَهْد mohamed hesham اعترافات على الاسك ☆Ro Omisaa☆ شيماء Bahaa Moussally

هو ايه حل الفراغ العاطفى الى عندى ؟

May 01, 2021

حله انك تتقبلى داه ، امر طبيعى بيحصل لينا كلنا مش لوحدك ومتقلقيش من وجوده ! ابدا

اهم حاجه انك تستوعبى داه وتحوطى الفراغ داه بسور محدش يقدر يكسره او يتخط داه

تراقبى نفسك ... اوعى تغذى روحك بم يؤذيكى

تقضى عليه بالعمل ، سواء مذاكره لو طالبه
عمل لو بتشتغلى ، تقراى كتب ، تكتبى ، تعملى انجاز حتى لو عمل بسيط هيقلل تفكيرك ....

واصبرى وربنا هيكرمك من باب الحلال وادعى بكل الى نفسك فيه 💎💧

+ 1 💬 message

read all

Liked by: 3'azaal ^ Fadwa Ayman ^ mahmoud شَهْد mohamed hesham اعترافات على الاسك ☆Ro Omisaa☆ شيماء Ahmed AbdElazeem Bahaa Moussally

انا انطفيت !!

April 30, 2021

😅😂😂

Liked by: 3'azaal Amany Alghareeb mahmoud mohamed hesham اعترافات على الاسك ☆Ro Omisaa☆ شيماء Ahmed AbdElazeem Bahaa Moussally yasmeena

عندى 24 سنه هو انا كده كبرت ومش هعرف اتجوز لان الناس خنقونى بالكلام !

April 30, 2021

الناس بتتجوز عشان وهي ماشية ف حياتها و سكتها و كاريرها وبتحقق اهدافها.. قابلت الحد المناسب اللي يشاركها كل دا، ف قرروا يكملوا سوا

لكن مش عشان اتخرجت والمفروض تتجوز ع العيد.. ولا عشان كملت 24 سنة و دا الديد لاين للجواز ف بلدهم .. ولا عشان تعمل زي اصحابها وقرايبها!!
مش قصة شعر جديدة هي..كفاية عك بالله عليكم
بلاش قلق مفيش نفس هتموت الى لما توفى رزقها وعملها من شغل وعمل وخطوبه وجواز ورزق وعمر ...
انشاء الله هيجى نصيبك وهتتجوزى واحد ابن حلال
الجواز مش بيع وشراء الجواز واحد هيعيش ويكمل معاك حياتك بحلاوتها وبمرها ..
انشاء الله هتتجوزى وهتعزمينى وابقى افتكرينا 💛🌎💧

Liked by: mohamed hesham اعترافات على الاسك ☆Ro Omisaa☆ شيماء Merryham Ahmed AbdElazeem Bahaa Moussally Ahmad Muhamed ليو إبْرَاهِيمُ الشرِّبِينِي ✨

ى دكتور انا بضعف وببكى كتير ومش عارفه اعمل ايه

April 29, 2021

البكاء هو مش ضعف بالعكس انك تبكى حاجه حلوه مع نفسك مش كتير طبعا لكن سبحان الله البكاء

بيقلل الضغط والحمل والتفكير عليك وداه حلوه ان يمنعك من التعرض للمرض
فى جسمنا هرمونين

الأوكسيتوسين (Oxytocin) والإندورفين (Endorphins) هرمونات السعاده دول بيساعدوا اننا نتخلص من المشاعر السلبية
ويقللوا هرمونات التوتر زى الادرنالين adrenaline وداه بيفرز فى حالات الخوف والحزن والتوتر والارتباك

لان وقت الحزن بيكون الانسان معرض جدا للامراض لان جيشك الى بيحميك الى هو الجهاز المناعه بيكون وظيفته بتقل بالضغط وال stress عليك لان هرمونات التوتر بيزيدوا
من أشهر الامراض طبعا الضغط السكر ارتفاع ضغط الدم وأمراض القلب

علشان كده بقول ابكى مش عيب مع نفسك بس استريح وصلى وناام البكاء هيقلل التوتر ويهدى اعصابك

وكمان فى حاجه تانى
متنمش وانت زعلان
الحزن بيؤدى للموت حقيقى
تفاؤلوا بالخير تجدوه ♥💛🌎

Liked by: mohamed hesham اعترافات على الاسك ☆Ro Omisaa☆ شيماء Bahaa Moussally ليو إبْرَاهِيمُ الشرِّبِينِي ✨ Ahmed | تُركيَه Fatma ⚡Yousef Agha⚡

ممكن تساعدنى انا عندى مشكله بقيت حاسس انى مش بعمل حاجه فى حياتى وبشوف الناس بحس انى متاخر كتير جدا

April 28, 2021

عاوز تدمر نفسك ؟!
عاوز تكتئب ؟!
عاوز توقف حياتك؟
إعمل الثلاث حاجات دول

1- Comparison

قارن نفسك بكل اللي حواليك، قارن جسمك ، شكلك ، بيتك ، شغلك ، وضعك المالي ، اقعد قارن لحد ما تحس إنك بدون القيمة و إن كل الناس أحسن و أفضل منك ، قارن نفسك لحد ما توصل إنك متستحقش أصلاً لا تستحق الحب و لا الود ، و لا التقدير.

2- High Expectations

إرفع سقف توقعاتك لحد السما في كل حاجة و أي حاجة ، في أي و كل حد ، و للأسف هو دايما بيقع عليك و علي حسب المسافة يأتي الضرر ، إنك تتوقع من حد حاجة ده شئ رائع لكن لازم تبقا عارف ده مين و مكانه فين ، و هل التوقع ده فعلاً صح و لا لا

3- Perfectionism

عايز كل حاجة 100% و ده مش هيحصل لأن ده أصلاً محدش طلبه منك ، ربنا مطلبش ده منك ، إفتكر إن مفيش هدف 100%.

الثلاثي ده كفيل يدمرك تماماً، طيب نعمل إيه:

ال Comparisons بتحتاج مننا نعرف نفسنا أكتر عشان مننشغلش بالناس التانية ، و نفهم إن كل حد ليه هدف فملهوش داعي تقارن نفسك بحد.

ال High Expectations تختلف عن الطموح ، أنا عايز ألمس النجوم و أحقق حلمي ده طموح و بيتبني علي مجهود و شغل مش توقعات من ناس ولما متحصلش نحس بالخذلان.

ال Perfectionism ده منتشر حاليا عشان Social Media ضاغطة جدا ، ولازم تكون مشهور يبقا مش ناجح ، و ده شئ لا يستقيم ، محدش طلب منك ده. إبعد عن السوشيال ميديا والعالم الافتراضى وخليك معانا فى أرض الواقع لو سمحت.

Liked by: mohamed hesham اعترافات على الاسك ☆Ro Omisaa☆ شيماء Bahaa Moussally ليو إبْرَاهِيمُ الشرِّبِينِي ✨ هدى سعيد Fatma eyad elgizawey

ممكن الرد المناسب لكلمة هنفرح بيكي امتي مع غمزه بالعين لانه خلاص تعبت منهم بجد

April 26, 2021

ايه يبنتى هتتخطبى امتى ... الى ادك كده متجوزيين

انتى=😂😂🙌

+ 1 💬 message

read all

Liked by: Amany Alghareeb mohamed hesham اعترافات على الاسك ☆Ro Omisaa☆ Bahaa Moussally yasmeena ليو إبْرَاهِيمُ الشرِّبِينِي ✨ Fatma eyad elgizawey

SPACE ✨

Ramboo Runs This Shit

April 26, 2021

لاقيتها فى وشى قولت انشرها ♥❤

Liked by: Amany Alghareeb اعترافات على الاسك ☆Ro Omisaa☆ Bahaa Moussally ليو إبْرَاهِيمُ الشرِّبِينِي ✨ Nermen khaled Ahmad Muhamed حسين Osama yaseen ✒ أُسامة ياسين

دا ينهار اسود علي كدا دا في كميه ناس هتحبك يادكتور وبعدين مش كفايه انك قمر كمان دكتور نفسي😂

April 26, 2021

بتجبر بخاطرى ى انون 😃😂
بس على العموم تسلم
انت الى عيونك حلوه 😃⚡

Liked by: اعترافات على الاسك ☆Ro Omisaa☆ Bahaa Moussally ليو إبْرَاهِيمُ الشرِّبِينِي ✨ Nermen khaled Ahmad Muhamed Hakeem 4aimaa m7md ⲀⲎⲘⲈⲆ

انا بحبه .. بس وقت الزعل بيعمل خناقة علي اتفه الحاجات كل حبه صغيرين خناقه شكل .. يقعد يومين زعلان .. و انا وقت الزعل بصفي بسرعه .. طبعه بيشيل ف قلبه و انا طبعي مش كده ... مبقتش عارفه اكمل و لا لا ... ينفع رد لو سمحتم .. انا مش عملاها شاوت اوت من فراغ

April 25, 2021

اختاااه احذرى 😂🌙

اسمعينى اهم حاجه فى اى علاقه هو الامان بين الطرفين مهما ايه حصل يعنى حب
الحب مش محن والله بالعكس داه ضرورى جداا
اى علاقه بيحصل مشاكل وهيحصل كتير برده نحن بشر
اهم حاجه بينك وبينه ان مهما حصل مشاكل فى تسامح واتنازل .. اوقات المشاكل بتكون سبب انها تعرف حقيقه اللي قدامك فا لما تلاقي اللي قدامك دا فـ عز المشكله ماسك فيك ومتبت ومش عايز يستغني وتلاقيه رغم كل الوحش اللي فيك بيقولك انا عايزك وبيسامح .. وقتها بتعرف ان دا حُب بجد مش حُب من اللي بيقعد فتره وينتهي .. مافيش حد فينا ملاك .. اوقات الغلط عنده واوقات عندك طبيعى
اهم حاجه التفاهم القبول التسامح
انتى شوفيه هل هو بيحن تانى ويرجع ولا بيكبر دماغه لو بيحن بسرعه عادى مش شرط وقتها ممكن يوم يومين مش مشكله تمام
ربنا يصلح ليكى الحال وتتجوزى قره عينك 😂💙 💛