Ask @ahmedashour2233:

🖤

اتربينا قوي ..اتربينا لدرجة أن احنا مش عارفين نعيش !!
ما اتعلمناش اللف ولا الدوران ولا الملاوعة ولا المظهره الكدابه ولا التزييف .. اتعلمنا الكلمة الواحدة و الصدق و الأمانة والوعود الصدقه !!
اتعلمنا نراعي ربنا قبل اي حد ، ما نعرفش نقول كلمة و نعمل عكسها ونخذل حد ونبخر وعود .. من كتر ما اتربينا بقينا نصدق كل حاجة ، و ما بنشوفش اي حاجة وحشة في حد ..
اي حد ممكن بكلمتين حلوين ممكن نصدقه، و بعدين نكتشف حقيقته المرة ..يا ما اتخدعنا لاننا شايفين كل الناس نقية .. عمرنا ما صدقنا أن فيه كدابين و نصابين و اندل .. بنعامل الكل علي نياتنا البيضه !!

View more

🖤

كل شخص محتاج على الأقل صدمه نفسيه واحده تهز كيانه، علشان يتعلم بعدها يحب نفسه و يركز في إختياراته للناس من غير ما يتنازل عن معاييره و لا يلعب دور الضحيه، علشان يتعلم فن الإنسحاب من أي شيء مايتناسبش مع أفكاره و راحته النفسيه و سعادته.

View more

🖤

ستتصالح مع خذلان الأقربين، ومع فكرة أنك لست الاختيار الأول في حياة مَن جعلته كل اختياراتك الأولى، ومع انقضاء أوقات الألم رغم صعوبتها، وأن العالم لن يتوقف لأن روحك تنزف على الطريق، ستتجاوز كل الألم بأن تعتاده.. ستتصالح يا صديقي، لكن لكل شيء ثمن، وهذا "التصالح" ثمنه غال، ثمن يتركز في أنك لن تعود كما كنت أبدًا

View more

السنه دى بنسبه لك 🖤

واحد من اهم الدروس ال اتعلمتها السنه دي ان الحب بينتهي عادي جدآ والدم بيتحول لميا بمنتهي البساطه ، والذكريات بتتبخر والانسان بيستبدل ب انسان تاني ، والصور بتتمحي , والذكريات بتتنسي , والاسماء بتتلاشي وتتحذف من الموبايلات وبيتعملهم بلوكات ، والحواجز بتنهار وبيتبني بعدها حواجز اكبر منها ، وبينقطع الوصل بسهوله ، وبينتهي الود ف دقيقه ، وبتكبر الفجوه ، وبيضيع الرفاق ، وبتتقطع المسافات ، وبينتهي الطريق

View more

السنه دى بنسبه لك

الحب بنسبه لك

الانسان ما ينفعش يحب في اسبوع ولا شهر ولا حتي في سنة..
الحب عاوز مشاكل ، عاوز ازمات ، عاوز تعب ، عاوز فترات سيئه ومواقف صعبه ، عاوز عشرة طويلة عشان يبقي حب..
يعني باختصار الحب يبدا عندما ينتهي الحماس.
ماينفعش تقول انك بتحب البحر وانت واقف ع الشط.. لازم تنزل البحر ، تعوم فيه ، تضربك الموجات ، تشرب ميه مالحه ، تجرح رجلك بالصخر ، تشوف العتمة اللي بالقاع. لما ترجع ع الشط هتشوف البحر بشكل مختلف. مش هتشوفه مثالي.. انت شوفت عيوبه وظلامه وغضبوا ، يا اما هتكره البحر ، يا اما هتفضل تحبه بكل حاجه فيه.
لهفه البدايات مش حب واللي ماغصوش في البحر ..محبوش 🖤

View more

🖤

بعد الفراق...
سيدمى قلبك، ستتألم، وربما تبكي، لكنك حتمًا ستحن، ستتأمل عقارب الساعة كأنك لأول مرة تراها، ستتعجب من بطء سيرها، من ملالتها، من دقاتها الفارغة، ستبحث في الرسائل، وربما في الصور، ستلقي نظرة على أوقات المكالمات، ستغوص فيها وتتعجب كيف كانت، ولما زالت، سترى كل شيء كأنه كنز ضائع، ستنام كثيرًا، وربما تمرض، ستتمنى الموت، بل ستشتهيه، ستراه قطعة حلوى تود التقامها، ستنفر من الناس، ستتعامل كأنك لست موجود، أنت ميت، لكنك على قيد الحياة، ستنبصرهم كأنك لا تراهم، أنت تسمعهم وتشاهدهم لكنك لست معهم، ستتجرع من الألم كؤوس وربما كاسات، ستتوالى عليك المحن من حيث لا تدري، ستسقط، وتنهض، ستفقد رغبتك في كل شيء، حتى أقرب الأقربين، بل ربما تفقد شغفك في أباك وأمك، ستبتعد عن الجميع، ستظل و حيدًا حتى وإن كان الجميع حولك، ستبقى هكذا، شهرًا، وربما عامًا، وربما أعوام، لكن مع كل يوم سيزول شيء ما من كل هذا حتى وإن محى معه شيء جميل داخلك، لكنه حتمًا سيذهب، ويذهب، حتى وإن محى كل الرغبات الكامنة في قلبك لكن تلك الأشياء حتمًا ستزول، إلا غصة قلبك وحدها الباقية، فإياك ثم إياك أن تعطي قلبك لمن لا يستحق لأنك حتمًا ستفقده.

View more

💔

نفسي ارجع انام 11بالليل واقوم 7الصبح زى زمان ،نفسي ابطل سهر على الفاضى ،نفسي ابطل اكون حساس زياده عن اللزوم وارجع للامبالاه اللى كنت عايش فيها ،نفسي ابطل اخد كل حاجه على اعصابي ،نفسي شعرى يبطل يقع من الضغط النفسي ،نفسي ارجع معنديش ضغط ،نفسي ابطل تفكير في الناس اللى سابتنى ،نفسي ارجع لايام مكنش فارق معايا غياب حد واللى راح زى اللى جه
انا ايه اللى وصلنى لكده وعملت ليه كدا في نفسي💔

View more

💙

في مرحله في حياتنا إسمها مرحله اللارجوع، يعني خلاص مفيش رجوع، راهنوا علي انك حترجع بس انت مش راجع، راهنوا علي انك بتحبهم، بس مبقاش، راهنوا علي انك جدع، بس خلصت، رهانهم خسران، انت خلاص قفلت منهم بقدر حُبك ليهم زمان، وكل مره بيراهنوا إنك راجع، بس المره دي رهانهم خسران، برغم تحذيرك ليهم كتير من انك توصل لكِده، ولكن رجوعك في كُل مره خلاهم بقوا ضامنين بقائك الي مالا نهايه، سواء انت غلطان او هُما مش حتفرق كتير لان قلبك وعقلك لأول مره اتفقوا علي قرار واحد ،

View more

_🍒

أمِيرةُ✨
كان زمان عيب واحد يعاكس أخت صاحبه
كان زمان عيب واحدة تتجوز طليق صاحبتها
كان زمان عيب واحدة تروح لصاحبتها وجوزها موجود
كان زمان لما حد يزور صاحبه يرن الجرس عند أول السلم
عشان عيب يكشف بيت صاحبه
كان زمان عيب الأخت تبات عند اختها المتجوزة
كان زمان عيب نبقى قاعدين وأبو صاحبنا معدى
كان زمان عيب ترفع عينك فى جارتك
كان زمان عيب تعمل غلط لانك كنت بتخاف ربنا
كان زمان مكتش حد بيزعل حد الا أما يصالحه ويكلمه
كان زمان مفيش مقاطعة صلة رحم والكل بيحب بعض
كان زمان لما تحصل مشكلة الكل يكبر للكبير
كان زمان عيب تجيب سيرة حد فى غيابه
كان زمان عيب تفتح التلفزيون لما حد يموت
كان زمان الأب والأم بيربو صح انما دلوقتي لاء
كان زمان الناس عندها أخلاق ومبادئ وأصول
انعدمت الأخلاق فاشتد البلاء
أستغفر الله وأتوب إليه
الله يرحم أيام زمان

View more

Next