@ahmeddhia31

Ahmed Dhia

Ask @ahmeddhia31

Sort by:

LatestTop

اكو كومه بنات بمرحلتنا شايفات نفسهم وميتحاجن وياريت لو عدهم شي يميزهم!!! فارغات وبلا شخصيه ومملات!!! لو شتكولون؟؟؟

يعني ناس صايمة ..و ناس دتقرة للدور الثاني ..و ناس دتنتظر نهائي كأس العالم اليوم ..و طلاب طالعة مظاهرات اليوم علمود كتبوا عليهم غش ..و الأوضاع بالعراق تعبانة و متأزمة ..
كل هذا ...و أنتة فالح تحلل بشخصيات بنات العالم و تحجي عليهم و فوكاها صايم..ولو اللي مثل عينتك ميعرف شي أسمة صيام
لااااا حبيبي غلطان بالعكس كل بنات مرحلتنة مؤدبات و خلوقات و شخصيات و متربيات أحسن تربية
إذا أكو واحد فارغ و ما عندة شخصية فهو و بكل تواضع أنتة .لأن لو عندك ذرة شخصية ..جان جيت و حجيت هل حجي وجه لوجه أو علأقل جان طلعت يوزرك

موقف مضحك مر بيكم هاي السنة بالكلية؟؟؟

والله هواي مواقف جانت أتضحك هسنة ..اللي أجة علة بالي
من كومني أبو الحقوق كلي ليش المحاظرة اللي راحت جنت مموجود ..آني جنت ضاربهة ..بس معرفت شكلة .و أيمن كبلي كلة جنت بالوزارة ..فآني عليك يا الله كتلة جنت بالوزارة ..و آني لا شايف الوزارة و لا أندلهة ..و سويتلة قصة أنه آني ما عندي كفالة و تأييد و حنفصل بعد يومين كلة جذب طبعا :) ..ما أدري شلون صدكني ..جان مبين علية جذاب:))))
من كومني نوري كلي شجنت تكول لحيدر ...آني جنت دا أسئلة شلون أفرق بين الfibula اليمنة و اليسرة :D
ولو كايلة هيج لنوري جان يمكن ضربني بالحذاء :)
ما أجة ببالي غير ال ECG ..فكتلة دا أسألة عل ECG :)
بمختبر البايو ..بأول مختبرات ..جان عدنة مختبر نحضر bocal smear مدري شنو ...فلازم ورة منخلص المختبر منغسل السلايد ..نبقي وية التقرير و نسلمة.. ..أحنة رحنة مو بس غسلنا. جلفنا همينة :p ..و راح شغل مختبر كامل :)
هااا مرة بمحاظرة نوري نسيت صوت Subway علة أعلة شي ..و خطية ترزل ولد بسببي لين ضحك :(

View more

شنهيه الاجابيات والسلبيات بجامعتك/ج

والله السلبيات بالMUCOM متنعد
كبناية ..فبناية طب المستنصرية ماكو أتعس منهة كافتريا عبالك كرفان و فوكاها يراد تكسي يلة نوصللهة
حدايق ماكو ..
السنتر اللي مكيفين بي غرفة السكرتارية مال العميد يمكن أكبر منة
يمكن الأيجابية الوحيدة بالبناية هي قاعاتهة شوية مرتبة
كأدارة و كادر تدريسي فجدا فاشلة . بدأ من العميد ووعودة اللي يخدرنة بيهة وصولا إلى المنحة اللي أنلفطت وراحت علينة..
دكاترتنة عيني باردة عليهم ..عاهات مو دكاترة
ماكو بيهم واحد علي العين و أبسط مثال الدكتور بابا نوري ..ما أدري شلون صار دكتور ..معلم فنية مال أول أبتدائي هواي علي
لو توصيات الدكاترة بالفاينل اللي مقصرو ويانة شكو شي يكلولنة ركزوا علي ..يجي العكس
هاي سلبيات ..الأيجابيات ..مدا اتذكر شي ايجابي ..هااا الصور اللي ياخذهة علي مظلوم بداخل قاعة الامتحان أنتة و دتمتحن بالمد و بالفاينل ..كل الكليات حاسدتنة عليهة
و موقع الكلية بمركز بغداد هذا هم شي ايجابي
و التعاون و الروح الحلوة بين طلابهة هم شي أيجابي

View more

Related users

تتذكرون اول يوم بالكليه داووووومنه وشنو رايكم بالمرحله الاولى بعد ما خلصت وشنو اشياء تندمتو بيهه فرحتووا بيهه اشياء ناوين تغيروهه سنه اللخ ؟ سولفولنه !؟ :))

هههههههه أول يوم جنت كاره كلشي بالكلية ومتكئب و ضايج من نفسي و طاكة روحي بس أرد أرجع للبيت ..مجنت رايد العطلة تخلص ..واللي زاد الكآبة أول دكتور يدخلنة ثابت محاظرتة كظاها بس يخوف بينة و الطبية صعبة عوديشجعنة بالزايد ..حتة يكرهنة بيهة اكثر
بس الحمد لله ورة أسبوعين تقريبا أتعودت علكلية و كلش كمت أحبهة ..☺
رأيي بالمرحلة ..رائعين من كل النواحي ..أحلة مرحلة مرحلتنة
بالنسبة للمواقف هواي صارت مواقف حلوة فرحتني
الحمد لله ماكو شي ندمان علي
بس أريد شي واحد ان شاء الله هل سنة كلنة ننجح عسما دور عاشر ..قرار ..دفرة ..المهم كلنة نصعد للثاني و بدون اي نقص ☺

أكثر دكتور كرهته/يه بالمرحله الأولى ؟

سامح هوة و قميصة الأصفر :p
معن هوة و أسئلة الكيسات مالتة السخيفة
علي محسن أكيد :D
البومة أم الحاسبات اللي تلبس أسود دائما و تشرح
حسين أبو المصطلحات لأن طردني مرة ظلم :(
أهل الفيزية جنت رايد أكتبهم كلهم بس لأن جانوا حبابين بالعملي الفاينل حعوفهم :p
ريهام نسيتهة :)

مساحة حلوة ضلع

Abdullah Al-Fadhli
خادم ألك نصي
كلش عجبتني ياريت لو كل العراقيين هيج تفكيرهم
سألني واحد كلي سني لو شيعي ؟ كتله عراقي بصوت عالي.. كلي زين عربي لو كردي ؟ كتله من الفاو لزاخوا بلادي كلي من عنوانك اعرفك ؟ جاوبتة انباري وكوتاوي صح بغدادي بس بالحلة وسامرا واصلي مصلاوي ... كلي لعد من اولادك اشخصك ؟ كتله ولدي عموري وحسين وابو بكر وعلاوي ... كلي وين تصلي وهية اتبين؟ كتلة اصلي بالخلاني واتوضئ بماي الكوفة ومن النعمان اسمع اذاني ... واول ركعة بموسى الكاظم وثاني ركعة بالكيلاني واختمها بكنيسة الكراده ويه اخواني و اعزائي .. كلي ليش منو انته ؟ كتله أني عراقي والغيرة تمشي بشرياني

شنو رأيك بمرحلتك؟؟

مرحلتنة بشكل عام كلهم حبابين وورود مال الله و أخلاقهم عالية
بس مع الأسف اللي ديصير بالآسك من شخص أو شخصين ..يعني عيب كلش هاي الأسئلة اللي دتنسأل. أبتدائا من أسئلة التقييم .و أسئلة أخلاقية دتجي. و الغلط و الشتم اللي ديصير. وصولاً للأسئلة اللي شاعت آخر شي .أنت/ي ليش تكره هذا/ي و أنت/ي ليش عداوة وية هذا/ي . يعني بس أرد أكول للي ديسأل هاي الأسئلة .أنتة طالب طبية يعني أرقى طبقة بالمجتمع .أذا أنت تسوي هيجي شبقيت للطلاب مال غير كليات

نصيحه لطلاب الاول ؟؟ من ناحيه الدراسه ومن ناحيه الونسه ومن ناحيه علاقاتهم بالجنس الاخر وتكوين الصداقات ؟ شوفونه وجهه نظركم ^_^

من ناحية الدراسة و الونسة / حاولوا توزانون ..يعني لا كلة تسخيت و طلعات و لا كلة قراية ...سختوا و طلعوا بس بنفس الوكت أيام الكوزات ..المد ..الفاينل ..أقروا شكد متكدرون ..
حاولوا تغيرون تفكير الأعدادية الطفولي ..كونوا متعاونين مو أنانيين لأن هاي ست سنوات مو يوم و لا يومين :)
لتضربون محاظرات بالفصل الأول حتة ورة المد تكدرون تضربون محاظرات براحتكم :p
من تدخلون محاظرات لتلعبون Subway
لعبوا Despicable me minion rush لأن أحلة :p

موقف طريف او مضحك مريت بي..؟

Mohaimen Aldyjaily
أمممممممممم هوة مو كلش مضحك ..بس بوري :)
كبل يومين رحت آني وولد جماعتي أثنين لمستشفى اليرموك دنشوف صديقنة هناك عندة والدتة مريضة
المهم دخلت آني لأبو الحرس كال شعدكم ..طلعتلة هويتي و نفخت نفسي و كتلة آني طالب أداوم بالكلية اللي يم المستشفى ..كبل كلي أتفضل ..أول مطبينة دخلنة بطريق غلط للطوارئ ..جان يطلع من الكرفان صاح علينة كال غلط و أشرلنة علة غير أتجاه ...مشينة شوية جان أنتيه مرة لخ :D
كبل رجعنالة كنالة تيهنة...كال آني صوجي دخلتكم ..لعد وينة هذا اللي يداوم بالكلية ..عاد كتلة آني أول و مشايف المستشفى بعمري ..انقهر علية :D
بس والله آني فعلا اليرموك صارلي سنين مداخللهة غير مرة وحدة بهل سنة :(

أرد اضعف مداكدر ساعدوني ولو بنصيحة :((

باع/ي ..آني جان وزني 105 خلال ٣ أشهر صرت ٨٥ ..طبعا بدون قاعة ..فقط تقليل أكل و رياضة بالبيت
طبعا بديت من بداية رمضان العام و أستمريت ورة رمضان شهرين لحد مبدة الدوام من وصلت للي أريدة رجعت آكل طبيعي بس مراقبة دائمة لوزني ..و بس يزيد شوية أقلل
البرنامج مالتي ..رياضة جنت ألعب ١٦٠ شناو بطن باليوم ..هرولة (ركض)..أصعد الدرج و أنزل فد عشر مرات يوميا
الأكل ..أول شي برمضان جنت كلش قليل آكل بتقدير صمونة بالفطور ووحدة بالسحور و قللت السوائل كلش ..المشروبات الغازية كطعتهة نهائيا فقط مشروبات دايت..حلويات كطعتهة ..خلال رمضان نزلت ٤ كيلوات
ورة رمضان النزلة القوية جانت ..أستمريت علة نفس الرياضة
الأكل جان تقريبا وجبة باليوم ...الريوك حليب بس ..
الغدة شغلات خفيفة مثلا صدر دجاج مشوي و هيج شغلات.. ماكو شي بي دهن ..صمون بس مال شعير و عشة ما أتعشة ..يعني تقريبا وجبة وحدة باليوم
هذا برنامجي جان و الحمد لله فاد ..ان شاء الله يفيدك/ج
بس اهم شي تكون عندك/ج ثقة بنفسك/ج أنه تكدر/ين تنزل/ين ..لين أول ايام حتحس/ين باليأس لين الكيلو يكوم بطلوع الروح يلة ينزل ...بعدين يكوم ينزل سريع الوزن
و من تنزل/ين للي تريدة/ي ..ارجع/ي أكل/ي طبيعي بس راقب/ي وزنك/ج :))

View more

علي مصلح / انمار / عبدالرحمن طبره / احمد ضياء / رامي /حيدر / ايه حسين /زينه عقيل / نور عباس / هيا/ علا / ولاء مقداد / هبه محمد / عبدالرحمن عبدالله / عبدالله امير / شمس غسان / ايهاب / عبير / طيبه / بشائر / ... ممنوع تكول ع احد ماعرفه حته لو متعرفه نظرتك اله وبالجواب اكتب الاسم وكدامه رايك حته مادوخ

علي مصلح : ذهب و محبوب ووردة مال الله
أنمار شخصية حلوة أخلاق راقية و فكاهي
عبد الرحمن طبرة :أنسان مؤدب و حباب و كوميدي
أحمد ضياء : أممممممممم
رامي : نصي الثاني
حيدر: محبوب و فكاهي وخدوم ورزن بنفس الوقت و جريء
آية حسين : ما عندي أختلاط وياها بس أحسهة شخصية حلوة و أنيقة
زينة عقيل :شخصية جريئة و متسرعة
نور عباس : ما عندي أختلاط وياها .بس يبين عليهة حبابة و فقيرة
هيا : شخصية حلوة و مرحة و أجتماعية
علا: شخصية محبوبة و لطيفة و أنيقة
ولاء مقداد : كلش طيوبة و تحب تساعد و أجتماعية و مرحة
هبة محمد : ما عندي أختلاط وياها بس مبين عليهة كلش حبابة
عبد الرحمن عبد الله : اللي حسوي علي أنقلاب. شخصية تخبل بكلشي مساعد و محبوب و فكاهي و كلش أجتماعي
عبد الله : بو عبدة شخصية حلوة و محبوبة و خدوم
أمير ياسر : شخصية رزنة و تنحب و اجتماعي مع اللي يستحق
أمير حازم : ماكو أطيب منة و أفقر منة
شمس غسان :ما عندي اختلاط وياها بس أحسهة شخصية رزنة و أنيقة
أيهاب : وردة مال الله و حباب و فقير و علة نياتة
عبير : أجتماعية و حبابة
طيبة : حبابة بشكل و اجتماعية و شخصيتهة تنحب
بشائر : ما عندي أختلاط وياها بس يبين عليهة كلللش فقيرة

View more

رأيكم بالجامعة المستنصرية/كلية الطب ؟ ما هو الجيد والسيء بها ؟ ومن أي الجوانب ؟ نتمنى الاجابة لاخذها بنظر الاعتبار لغرض تقييم الكلية من جميع النواحي مع جزيل الشكر والتقدير ☺ نتمنى لكم يوما سعيدا ☺

خل أحجي بالبداية عن أيجابياتهة لأن هي بس أيجابية وحدة و اللي هي موقعهة بنص بغداد
سلبياتهة خير من الله .. تدريسياً أول ٣ سنين يلعبون بيك طوبة بمواد البيسك اللي هي 70% منهة متفيد طالب الطبية .. أصعب كلية بالدرجات تموت نفسك يلة تحصل درجة .. والدليل العام الأولى على كليتنة تسلسلهة ٢٨ علعراق ... مثل الورد أمتحان مد أو فاينل أسبوع كامل تقرة وبالنهاية لو توصل نجاح لو متوصل ..وياريت بالنهاية نطلع نفتهم نخلص ست سنين كلشي ماكو .. الكادر التدريسي طلع منة ١٠٪ يهمهم الطالب يفتهم ويدورون مصلحة الطالب .. أما البقية الشي اللي يهمهم ينطون مادة ضخمة مو مهم الطالب يفتهمهة المهم يدرخهة ويجي هو بعدين يتفنن بأسئلتة .. طبعاً هذا غير بعض الأفرع موزعين على كل المراحل اللي عدهم كلش طبيعي كل سنة فد 60% من المرحلة بمادتهم دور ثاني ..
هاي غير كافتريتنة الكرفان لو مساحة كليتنة اللي فوك ما صغيرة مسويهة كراج مال
سيارات ..
كمجتمع كل مرحلة شكل
طبعاً هذا الحجي على مستوى التدريس اخر عشر سنين قبلهة جانت من أحسن الكليات

View more

Next

Language: English