Ask @ahmedelgendy11:

يسالوني بعض الاصدقاء ليه دايمن راسك مرفوع ؟؟؟

يمكن عشان معملتش حاجة تقل منك قبل كدا ولو حتى غلطت فانته بتواجه مشاكلك مش بتتهرب منها فعشان كدا راسك مرفوعة ... او لانك واخد قلم ف نفسك ومفكر نفسك ليك لازمة وانته ولا حاجة اصلا 😏

View more

قال حكيم السعادة ليست بالمال ، بل بالاموال

اه فعلا الفلوس ( الأموال ) بتشتري فيلا ويخت وعربيه اخر موديل وبتدلعك وبتهننك وبتخليك لامس السحاب لو حبيت...
بس احساس الرضا والراحه والسعاده احساس بييجي من جوه ،مهواش لفحة حر ولا هوا بارد ولا عيشه مرتاحه، دا كله من برا ، الاهم اللي بيطلع من جواك

View more

القمر بيمثلك ايه ؟

مرايه لحالتك النفسية...
يعنى مثلا لو قاعد مع حبيبتك تحس انه فانوس متعلق مخصوص عشان خاطركم...
ولو كنت فرحان ومبسوط مثلا تحس انه بيضحكلك
مخصوص...
أما بقى لو كنت بتتمشى وسط المقابر او بتقرا رواية رعب فهتقعد بقى تفكر فى العفايت والجن والسحرة ومصاصين الدماء وانته خيالك بقى...
غريب اوى ان شئ واحد فيه كل الحب والأمل والرعب ..

View more

انا لو واقف فى البلكونة وطلع حد من الجيران يقف قصادى ايه المفروض يحصل

•لو راجل زيك مفيهاش حاجة خليك زى ما انته واقف
•طب لو راجل ومراته خلى عندك دم ومتبقاش غتت وتضيع اللحظة الحلوة للراجل 😉
•لو بنت بقى اللى طلعت عشان تنشر غسيل او تنفض حاجة يبقى تدخل بيتك بالادب وتسيبها تاخد راحتها
•طب لو بنت بقى ومبتعملش حاجة ! اعتقد تدخل جوه بيتك وتحترم نفسك لان لو حد خد بالوا هيطلع سمعة وما شاء الله الحاجات دى بتنتشر هوا وانته كراجل لازم يكون عندك المبادرة مش تقول هى إللى جت عليا وانا واقف يبقى تحترم نفسها وتدخل بيتها ... وعلى فكرة ممكن تكون واخدة علقه جوا وخارجة تفك عن نفسها شوية فخليك راجل وسيبها تاخد راحتها .

View more

أيهما تختار أن يكون لك بصر خارق أم سمع خارق؟

كان نفسى اكتب سمع خارق بس لما فكرت للحظة ف الموضوع لاقيت انى هتجنن بعد كدا .. تخيل نفسك سامع صوت الطيور الحشرات وهى بتتواصل مع بعضها 24 ساعة سامع حد كان واقف معاك بيكلمك ولما انتهى الحوار ومشى شتمك ف سره اوماشى ف الشارع تبقى سامع حد بيغتابك من بعيد 😒 الحوار مش بسيط خااالص ...فبالتالى مفيش أمامى غير اختيار واحد وهو الاختيار الاول لانى اقدر اتحكم ف بصرى ف اى وقت مش زى السمع شغال طول الوقت بمزاجك او غصب عنك

View more

Next