Ask @ahmedghazal122:

...

ضرس العقل...
يعنى ايه ضرس العقل وايه المشاكل اللى ممكن يعملها واعالجه ازاى..
طيب ي دكتور هو انا لو مطلعليش ضرس العقل ابقا كدا مجنون 🤪؟
يعم لا والله انت زي الفل 😂..
هم سموه ضرس العقل لانه بيطلع من سن 18 ل 25 سنه يعنى ف سن البلوغ وانك بقيت راجل فاهم الدنيا وكدا يعنى 😂..
ضرس العقل هو آخر ضرس موجود ف الفم وعندنا. منه 4. فيه 2 ف الفك العلوي واحد يمين وواحد شمال و 2 ف الفك السفلى..
عندنا 3 حالات ل ضرس العقل المفروض انك حاله منهم..
1-ي اما مطلعش خالص ولا هطلعلك لانه مش موجود ودا ليه اسباب كتير ملناش دعوه بيها 😅
2-ي اما طالع ومرصوص كويس جنب الاسنان
3-ي اما موجود بس مطلعش ف الفم وهو دا موضوعنا 🤷‍♂️👇
ودا ليه 3 حالات
1-مدفون بالكامل ومطلعش ف الفم
2-جزء منه طلع بس بردو متغطى باللثه.. ودا بردو مش بيبقا ظاهر ف الفم
3-جزء منه ظاهر ف الفم
ايه هى المشاكل اللى ممكن يعملها؟؟
1-التهاب ف اللثه.. لانه بيعمل جيب كدا ف اللثه وبيتملى اكل وبكتريا وبالتالى الضرس هيسوس
2-بيعمل حاجه اسمها خراج لثوى او peircoronitis.. حاجه زى بالونه كدا لانك بتفضل تعض ع الجزء دا ودى بتكون مؤلمة جدا واعتقد انها حصلت لناس كتير
3-لو الضرس دا مدفون جامد ممكن يضغط ع عصب ف تلاقى نفسك بتحس بألم ف نص وشك 😅 وصداع طبعا
4-لو مدفون ومايل ناحيه الضرس اللى قبله ممكن يعمل تاكل ف جذر الضرس دا ويدخل ع العصب وبالتالى يعمل خراج سواء تحت ضرس العقل او الضرس اللى قبله ودى مشكله كبيره ممكن الفك يتكسر وممكن ينتقل لأماكن تانيه..
ف الحالات دى لازم ضرس العقل يتخلع مفيش حل تانى... وشكر
#اتمنى تكونو استفدتم
#معلومة_ع_الماشي 😉

View more

+6 answers Read more

...

موضوع مهم جدا ي جماعه..
بلاش تحطو فرشة الأسنان ف الحمام او ع الحوض او ف كبايه مع بقيت فرش العيله.. عشان بترجعو تقولو انكم بتغسلو اسنانكم كل يوم ومفيش نتيجه...
تخيل كدا انت حاطت الفرشه ع حوض الحمام وتخيل بردو انك شديت السيفون شوف بقا كمية الجراثيم والبكتيريا اللى هتروح ع الفرشاه وتعملك قبيله 😅
تخيل ان الفرشه بتقع ف الحوض وانت بتشيلها تحطها ف بوئك عادى كدا مع ان المفروض ترميها اصلا..
تخيل اخوك الصغير اتلغبط واخد فرشتك غسل بيها..
تخيل حد عندك ف البيت لا قدر الله عنده فيرس b وكلكم بتحطو فرش الاسنان ف كبايه..
انت كدا بدل ما بتحافظ ع اسنانك بتضرها اكتر وبتساعد البكتيريا وبتزوج عددها..
ياريت نبطل العادة دي ونحط الفرشه ف مكان آمن وكويس... وشكرا
#اتمنى تكونو استفدتم
#معلومة_ع_الماشي 😉

View more

+19 answers Read more

...

تقويم الأسنان...
يعنى ايه المصطلح دا.. ببساطه عندك حاجه مش مظبوته وعاوز تقومها او تصلحها وتخلى شكلها كويس..
بالضبط كدا ف الاسنان ممكن تبقا اسنانك فيها ازدحام مش بتعرف تنضفها كويس.. ممكن تبقا أسنانك بارزة كدا والعيال يقولولك يابو ضب 😅.. ممكن اسنانك فيها فروقات عن بعضها.. ممكن مش بتعرف تعض كويس (العضه مش مظبوته)..
ممكن الفك السفلى بارز عن للفك العلوى..
كل دى اسباب تخليك تلجأ انك تعمل تقويم الأسنان..
وهو انك تخلى الاسنان مرصوصه بشكل كويس وتبقا العضه بتاعتك مظبوته وتعرف تنضف بين الاسنان كويس ف حالة ازدحام الاسنان 😉
هنتكلم عن انهاردة عن التقويم ف الأطفال..
انا روحت للدكتور وقالى تعالالى لما الطفل يكون عنده 18 سنه.. الكلام دا صحيح ولا لا؟
التقويم ف الأطفال بيبدأ من سن 12 سنه لما تكون كل الاسنان اللبنية بدلت بالاسنان الدائمه.. كدا الاسنان اخدت وضعها الطبيعى.. جميل اوى
هو فعلا التقويم مينفعش يتركب غير عند 18 سنه ودا لان الطفل لحد 18 سنه بيبقا ف مرحلة النمو..
طيب امال بنعمل ايه..؟
ف حالة ان الفكين العلاقة بينهم مظبوته والخلل ف الاسنان زى ما قولنا ازدحام او فروقات ف دا بنسيبه لحد 18 سنه ونركبله..
اما بقا لو العلاقة بين الفكين مش مظبوته زى ان الفك العلوى بارز اوى عن الفك السفلى او العكس الفك السفلى بارز اوى ف الحالة دى بنعمل اشاعه معينه وبعدين بنركب جهاز بس مش ف الفم حاجه كدا من برا مهمته ي اما يحفز نمو الفك او يوقف النمو ع حسب الاشاعه..
طيب امت ابدأ اودي الطفل لدكتور التقويم..؟
لما يبقا عنده سبع سنين.. فيه بردو ابحاث بتقول ان ينفع تركبله الجهاز عند 7 سنين..
وفيه ناس بتقول انك تقدر تعالج مشكلة الازدحام عند 12 سنه..
لكن الأهم انك تتأكد من أن الاسنان مظبوته وعلاقة الفكين مع بعض كويسه.. عشان تتجنب التدخل الجراحى بعد كدا.. وشكرا
#اتمنى تكونو استفدتم
#معلومة_ع_الماشي

View more

+15 answers Read more

...

اسباب تصبغ او تغير لون الاسنان وطرق الوقاية منها...
1-التدخين 🚭
دا من أهم الأسباب اللى بتخلى الاسنان مصبوغه.. سواء سجاير بقا شيشه 😅 معسل.. سيجار.. او حتى الشيشه الإلكترونية.. اى تدخين عامة بيخلى الاسنان يبقا لونها اصفر...
2-مع كبر السن بيحصل اصفرار للاسنان.. (age yellowing)
3-الاكل والشرب ودا بيصبغ الاسنان بصفه مؤقته ولما بتغسل أسنانك بيروح.. ولكن لو سبت اسنانك فترة متغسلهاش الصبغات دى بتتراكم وبتبقا جزء من السنه وصعب تتشال
4-تسوس الاسنان ودا زى ماحنا عارفين ان لونه غامق.. وتكلمنا عنه بالتفصيل قبل كدا..
5-لما حد بيكون عامل تقويم ويشيله بيلاقى نقط بيضه كدا ع الاسنان (orthodontic white spots)
6-ناس بيكون عندها صبغات بيضه او بنيه ع الاسنان خاصة الامامية.. دي بسبب زيادة نسبة الفلوريد.. (mild flouride).. غالبا ف الأطفال لحد سن 13 سنه
7-زى مقولنا ف االامالجم انه بعد فترة بيغير لون الاسنان
8- الناس بتاخد tetracycline. مضاد حيوى.. دا بياثر جدا ع الاسنان ويتسبب ف اصفرارها
9-بعض الناس لونها اصفر عن طريق الوراثه(genitic)
10-لو حد عمل علاج جذور او حشو عصب ف الاسنان الامامية بيخلى الاسنان بعد فترة لونها يبقا غامق وضعيفه. لان زى مقولنا ف حشو العصب اننا بنشيل العصب كله وبالتالي مفيش تغذية او دم بيوصل للاسنان ف لونها طبيعى انه يتغير بعد فترة واضعف وممكن تتكسر
11-white stain دا ف الناس الل بتشرب كحوليات كتير
طرق الوقايه...
1-تجنب التدخين والقهوة والحاجات اللى قولتلها فوق دي..
2-غسل الاسنان مرتين يوميا مرة قبل النوم ومرة بعد ما تصحى من النوم
3-زيارة دكتور الأسنان مرتين ف السنه..
كدا هتحافظ ع أسنانك أطول فترة ممكنه...
طب ازاى اخلى أسنانى بيضه؟؟.. تابعو البوست القادم
#اتمنى تكونو استفدتم
#معلومة_ع_الماشي 😉

View more

+5 answers Read more

...

قرح الفم...
كلنا سعات بيطلعلنا حبوب ف الفم او اللسان ممكن تكون مؤلمة وممكن لا غالبا بتختفى بعد 10 ايام.. بتكون موجودة عند البنات اكتر ف فترة البريود... يلا نعرف الأسباب وطرق العلاج
الأسباب..
1-التدخين
2-التوتر
3-انك تعض ع لسانك غصب عنك او اى نسيج ف الفم
4-خدش الأنسجة أثناء غسيل الاسنان
5-نقص المناعه وفيتامين B 12 ونقص الحديد ف الجسم
6-الناس اللى مركبين تقويم بيعانو من الموضوع دا ف الاول
7-الأدوية الكيماوية
طرق العلاج... فيه طريقتين ي اما ف البيت أو عند الدكتور
ف البيت..
1-معلقة عسل ابيض او معلقة طحينه وسيبها ف بوئك ربع ساعه مرة الصبح ومرة بليل
2-اغلى شوية اورونفل واتمضمض بالمية بتاعته 3 مرات يوميا
3-ميه دافيه وملح واتمضمض 3 مرات يوميا
4-تدهن ب زيت جوز الهند
من الصيدليه..
1-salivex
2-micoban
تدهن منهم مرتين او تلاته
العلاج سواء بيت أو صيدليه بيقلل الألم لكن مش بيخليها تختفى.... وشكرا
#اتمنى تكونو استفدتم
#معلومة_ع_الماشي 😉

View more

+2 answers Read more

...

عادات لو شوفتها ف الأطفال لازم تحاول تمنعها بقدر الإمكان عشان الطفل ميدخلش ف مشاكل بعد كدا...
1-تلاقى الطفل حاطط صباعه ف بوءه فترة طويله وممكن ينام بيه كدا.. غالبا الصوباع دا بيبقا الإبهام ف بنسميه thumb sucking..
طيب العادة دي ممكن تتسبب ف ايه؟
1-بروز الاسنان الامامية العلويه
2-دخول الاسنان السفليه
3-تتسبب ف عضه مفتوحه
4-رفع الشفاه العلوية وعدم اطباق الشفتين ع بعض
طيب اعالجه ازاى؟
تتكلم مع الطفل وانه لو معملش كدا هتكافئه وبالفعل تكافئه عشان يفضل حاطت ف دماغه انه لما ميعملش الحاجه دي هتكافئه..
2-تحط حاجه حراقه زى شطه مثلا على صوباعه
3-تربط ايده بشاش مثلا..
4-لو الحاجات دى مجابتش نتيجه تجيبهولى وانا هتصرف معاه 😅..
هتقولى وانا هستفاد ايه من البوست دا.. اخوك الصغير مثلا بيعمل كدا هتفتكر البوست دا..
ابن اخوك الصغير بيعمل كدا هتفتكر كلامى وش 😅
ابنك المستقبلى ان شاء الله عمل كدا هتفتكر كلامى بردو 😂
الأهم من دا كله اخو بنت الجيران الصغير 😂😂
بجد ممكن تكون سبب ان مشكله زى اللى ف الصورة دى متحصلش.. وشكرا
#اتمنى تكونو استفدتم
#معلومة_ع_الماشي

View more

+8 answers Read more

...

تعليمات بعد الخلع..
احنا مبنضطرش لخلع الضرس او السنه غير لما ميكونش فيه حل غيره..
طيب انا خلعت ضرسي المفروض اعمل ايه..
1-الضغط على القطنه اللى الدكتور حاطتها بلطف لمدة ساعه.. يعنى متضغطش عليها اوى ولا تحركها ولا تغيرها
2-الالتزام بالدواء اللى الدكتور كاتبه
3-اكلك كله يبقا ساقع ويبقا ع الناحية التانيه مش ناحية الخلع
4-بعد ساعتين من الخلع اخبطلك واحدة آيس كريم 😅
5-ريح يوم الخلع دا ومتعملش اى مجهود.. فرصة وجاتلك ي معلم
6 - اوعى تتمضمض يوم الخلع
7-بعد متشيل القطنه
متقعدش تحرك لسانك ناحية الخلع
8-مش لازم تغسل اسنانك يوم الخلع..
طيب لو بعد الخلع بيوم لقيت فيه ورم؟؟
طبيعى جدا هتحط كمادات ساقعه ناحية الورم... لو استمر تتمضمض ب ميه دافيه وملح وطبعا متنساش الدوا اللى الدكتور كاتبه..
ولو لسه الورم موجود بعد اسبوع روح للدكتور علطول...وشكرا
#اتمنى تكونو استفدتم
#معلومة_ع_الماشي 😉

View more

+3 answers Read more

اكتر جملة اتاثرت بيها ف حياتي ف فيلم اسمه Troy المفروض ف علم الأساطير امه بشرية وابوه إله، فحبيبته بتسأله عن الآلهة لانه عاش معاهم ..! دة الرد "قد لا تصدقين، ولكنهم يحسدوننا دائما علي نعمة الموت، فنحن نملك الأشياء مرة واحدة فقط ف الحياة ثم تذهب للأبد، لذا الخوف من فقدانها يجعلنا نقدر قيمتها جيدا"

😔❤️💜

View more

+1 answer in: “حل للخوف المرضي من موت الناس القريبين ليا ؟! تخيل بيجيلي ف دماغي لو حد من اهلي حصل له اي حاجه مهما كانت صغيره.. وممكن اقعد اعيط لمجرد اني بحس ان ممكن يوم ميكونش موجود 😭😭”

...

تبيض الاسنان..
في طريقتين لتبييض الاسنان..
طريقه ف البيت.. وطريقة عند دكتور الأسنان..
بس قبل منتكلم ع تبييض الاسنان لازم نعرف ان الاسنان بتاعتنا بتختلف عن بعض ف درجه البياض.. يعنى أسنانى مش زى اسنانك مش زى أسنان عم محمد 😅
2-واحنا بنشيل الصبغات او بنعمل تبييض لازم نحافظ ع طبقة المينا..فيه ناس مثلا تفتح اليوتيوب وتلاقى الخلطه السحرية لتبييض الاسنان وكل الكلام الفارغ دا ممكن يتسبب ف تاكل طبقة المينا.. يلا نقول طرق التبييض ف البيت..
1-استخدام معجون depurdent.. المعجون دا سويسرى بيحتوى ع حبيبات السليكا وكربونات الكالسيوم وفوسفات الكالسيوم اللى بتقدر تشيل الصبغات... ولكن 😳 المعجون دا يستخدم مرة واحدة ف الأسبوع بحد أقصي مرتين واوعى تستخدمه اكتر من كدا وانا مش مسؤول 😅..
2-الكوركم ( دى حاجه طبيعيه زى أعشاب كدا).. ولكن احنا مبناخدش ف الكليه وصفات واعشاب والكلام دا 😂 بس لقيت الناس بتدور ع الوصفات ف بحثت ف مقالات اجنبيه وكدا.. قالو ان الكروركم دا يحتوى ع مادة الكوركومين ( مضاد حيوي) بيقلل التهابات اللثه وكمان بيوحد لون الاسنان ويزيد من اشراقتها...
طريقة استخدامه.. معلقه كوركم ومعلقة ماء وتخلطهم ونحطهم ع الفرشاة وتغسل أسنانك بالطريقة اللى قولنا عليها قبل كدا..
وبردو بنستخدمه مرة واحدة في الأسبوع مش اكتر من كدا..
دلوقتى صور اسنانك وشوف انت مهمل فيها اد ايه وبقالك اد ايه مغسلتهاش وابدا استخدم الحاجات اللى قلناها دي وبعد شهرين شوف الفرق.. ومتستعجلش عشان متضرش اسنانك...وشكرا
المرة الجاية ان شاء الله هنتكلم عن طرق تبييض الاسنان عند الدكتور..
#اتمنى تكونو استفدتم
#معلومة_ع_الماشي 😉

View more

+11 answers Read more

...

تجميل الاسنان...
فيه 3 حاجات بنحتاجها ف تجميل الاسنان وكل حاجه ليها مميزات وعيوب...
1-الكراون او الطربوش ودا زى cover بيغطى السنه..
مميزاته
1-قوى جدا يستحمل المضغ والاكل
2-مبيقعش بسهوله
3-ممكن يعيش ل 10 او 15 سنه
عيوبه
1-بتحتاج تبرد كتير من السنه عشان تقدر تركبه ف بالتالى السنه بتضعف
2-السنه من جوا بتدوب وممكن تضطر تحشيها عصب
النوع التانى من التجميل وهو ال فينير veneers
مميزاته
1-شكل جمالى افضل من الكراون
2-الى حد ما قوى بس مش نفس درجة الكراون
3-يعيش لفترة 6 او 7 سنين
عيوبه..
1-برد الاسنان حتى ولو بنسبه بسيطه ف انت بتستغنى عن طبقه من الاسنان.. البرد ف الفينير لايتعدى 0.5 مم
2-مش قوى كفايه وممكن يتكسر عادى
النوع الثالث ال hollywood smile او laminate..
مميزاته.
1-مش بيحتاج لبرد خالص ف الاسنان
2-شكل جمالى ممتاز
3-بيحافط ع الاسنان زى م هى
عيوبه
ملوش عيوب غير انه ممكن يقع 😅لانه مبياثرش ع الاسنان خالص وبتبقا قشرة
بالاهتمام والمحافظه تقدر تخلي الحاجات دى تعيش فترة أطول..
حاجه مهمه.. اى الفرق بين انك تعمل كراون عند دكتور ب 500ج وانك تعمله عند دكتور تانى ب 4000 ج!
الحقيقه ان مفيش فرق والدكتور هو الل. بيحدد سعره لأن وارد جدا أن الاتنين يعملو نفس الشغل ومن نفس المعمل عادى جدا 😌.. وشكرا
#اتمنى تكونو استفدتم
#معلومة_ع_الماشي 😉

View more

+2 answers Read more

مساحه 🌼💚

amir harb
احب اقول لنفسى واقولكم عيشوا بعقلانية يا جماعة وماتبقوش سُذج ماتسمحش لحد يلعب بمشاعرك لمجرد انك بتحبه حاول تظهر ديما انك انت الشخص اللى مش فارق معاه واللى ممكن يسيب فى اى لحظه حتى لو مش دى طبيعتك
وربنا يسامح كل شخص خذلنا واستغل حبنا ليه ..

View more

...

تقويم الأسنان ج 2..
مشاكل الاسنان تبدا بعد التبديل ( سقوط الاسنان اللبنية وظهور الاسنان الدائمه)..
نعرف ازاى ان الاسنان فيها مشكله؟ ومحتاجه تقويم؟
لما تيجى تعض ع أسنان (وضع الإطباق) تقفل أسنانك ع بعضها يعنى.. الفك العلوي مع الفك السفلى 🤷‍♂️
ايه هي المشاكل اللى ممكن الاحظها؟
1-ازدحام الاسنان ودا بسبب ان الفك صغير ف الاسنان مش بيبقا ليها فراغ كافى...
2-بروز الفك السفلى ودا بيبقا حاجتين ي اما الفك نفسه هو اللى بارز (العظم يعنى) وف الحاله دى ف الكبار بيحتاجو تدخل جراحى والأطفال بيركبو جهاز يوقف نمو الفك..
ي اما الاسنان اللى بارزة ودا بيحتاج تقويم ثابت سواء أطفال او كبار..
3-بروز الفك العلوى.. نفس الكلام اللى قولناه ع الفك السفلى
4-وجود فراغات بين الاسنان ودا حاجتين ي اما الفك كبير ي اما الاسنان صغيره
5-ميل الاسنان للداخل او للخارج..
الطبيعى ان الاسنان ف الفك العلوى تبقا مغطيه الاسنان ف الفك السفلى ولو حصل العكس بنسميها عضه معكوسه (cross bite)
6-الاسنان الخلفيه ممكن تلاقيها قافله كويس جدا لكن الاسنان الاماميه بتبقا مفتوحه مش قافله (open bite)
7-ممكن احد الفكين يبقا صغير عن الطبيعى ف دا بردو بيحتاج تدخل جراحى... وشكرا
#اتمنى تكونو استفدتم
#معلومة_ع_الماشي 😉

View more

+6 answers Read more

...

حشو العصب ج 2..
ليه بعض الناس بيطلعلهم خراج بعد حشو العصب ب سنه او سنتين او اكتر..
ليه لون الاسنان بيبقا غامق بعد حشو العصب... ف البوست دا ان شاء الله هتعرف تحكم وانت ف بيتك حشو العصب معمولك صح ولا لأ😉.. ركز معايا بقا ف اللى جاى..
اتكلمنا ف البوست اللى فات وقولنا ان الدكتور ف حشو العصب ليه هدفين
1-يشيل العصب كله وميسيبش اى حاجه وبنضف القناة كويس
2-يحط الحشو( جتا بيركا كويس) عشان مفيش بكتيريا تدخل .. دي بتتحط ف الجذور فقط ..
نكمل بقا هنحشى بقيت الضرس ازى...بص ي سيدى لو باقى من الضرس 85%من حجمه هنكتفى بالكمبوزيت ( اتكلمنا عنه بالتفصيل) وبالتالى هنرجع الضرس لشكله القديم...
2-نعمل حاجه اسمها اندو كراون ودا حاجه وسط كدا بين الحشو العادى والطربوش(الكراون) ودا بيغطى التلت العلوى من الضرس وبنعمله ف حالة ان جدران الضرس كلها موجودة وقوية والتسوس كان ف نص الضرس ف بنلجأ ليه بدل م نبرد الضرس ونعمل كراون كامل..... عارف انكم مممكن متكونوش مستوعبين بس بجد انا بتكلم ببساطه وبالبلدى خالص 😂..
3-لو الضرس متدمر خالص ومسوس من كذا اتجاه ساعتها بنلجأ للكراون ( الطربوش)
... طيب ليه لون السنه بيبقا غامق لما اعمل حشو عصب او اشيل العصب.؟؟ .
لان زى م قولنا ان العصب عبارة عن تجمع دموى وخلايا عصبيه وبالتالى لما نشيله مش هيبقا فيه مصدر تغذية للسنه ف هتضعف ولونها يبقا غامق.. عشان كدا لما تعمل حشو العصب ف الاسنان الامامية وبعد فترة لونها يبقا غامق لازم تروح تعمل كراون لأنها هتنكسر😁
ثالث نقطه معانا.. ليه بيحصل خراج بعد حشو العصب 😳😳؟؟
هنتكلم عن حالتين واحد عامل حشو عصب والدكتور منضفش او مشالش العصب كله..
2-واحد عامل حشو عصب كويس جدا والدكتور مقفل الجذر كويس وبردو حصل خراج.. 😱؟
ف الحاله الأولى زى ماعرفنا ان لو الدكتور ساب جزء من العصب هيعفن ويموت والبكتيريا هتنزل تاكل ف العظم وبالتالى تعمل خراج لان المكان ف اخر الجذر ضيق جدا... تمام ☺️
طيب والحالة التانية.. دا بقا مريض حصل عنده تسوس ووصل للعصب والمعلم راح خد مسكنات ومضات حيوية 😅مصري بقا 😂.. طبعا العصب هيموت والبكتيريا هتنزل تعمل خراج حتى بعد م الدكتور يعمل الحشو مظبوت..
دا بخلاف لو كان راح ف اول ما حس بوجع وان التسوس وصل للعصب وراح عمل حشو عصب والدكتور عمله مظبوت ف مستحيل ان شاءالله يحصل خراج...
علفكرة ألم الخراج شديد جدا وهيفرتكلك دماغك 😂..

View more

+2 answers Read more

space....

نعم.! 😊
هو كذلك👌
رفضا لكل الحلول الوسطيه، وكل شبهات التفكير السليمة👌
احتراما لكل المواثيق التى تعاهدنا الا تتغير حتى لو تغير طبع البشر وطباع الحياة👌
وايمانا بكل ماهو جميل قد فات حتى لايموت👌
حبا ف طريق عشقناه فسمى بعد ذلك طريق العشاق👌
سنخاطر ✋
سنخاطر حتى نعود كما كنا :
نرفض وننفى ونشكك وكل ماهو سلبى😡
املا ف ايجابية العوده الى طريق عشقناه فسمى بعد ذلك طريق العشاق 💚
وان لم نعد فلن نخسر ✌
نحن بالفعل ابعد مما يمكن ان يصدق عنا 😢
لايغرك وهم اننا ع نفس الطريق 😇
تفهم ان هذا الطريق لن يجمعنا 👋
اعلم اننا لا نملك شغف الماضى لذلك لن نخسر😏
هذه المخاطره ستجعلنا اما ان نكون سويا او لانكون✊
احبك بشده💜 وابغضك بجنون ف الجفاء 😥
ويوما سننتهى✊
سننتهي الى طريق ع اجمل ما يكون😊
لاننا برفق شخصيات جميله حتى وان كانت منفرده 💙

View more

...

لجير ..ببساطه عبارة عن حاجه صلبه شوية لونها اصفر باهت موجودة غالبا فوق اللثة
طيب بيتكون من ايه ؟؟
من 60 ل 70% بكتيريا وطبعا اكتر من نوع
ومن 30 ل 40% بروتين وبياخده عن طريق اللعاب
وكمان فيه جزء بسيط جدا من مواد غير عضوية زى الفلور
طيب بيتكون امت ؟
بيتكون من 12 ل 24 ساعة لو مغسلتش اسنانك وكل متزيد مدة انك متغسلش اسنانك كل ما يزيد سمكه ف عشان كدا بنقول تغسل اسنانك بحد ادنى مرتين يوميا
طيب بيعمل ايه الجير دا لو انا سيبته مشيلتوش ؟؟
اول حاجه بيساعد على التسوس بشكل اسرع
بيخلى اللثة ديما ملتهبة وكل لما تيجى تستخدم الفرشاة تجيب دم
بيخلى منظر الاسنان مش لطيف
عشان كدا بنقول لازم كل 6 شهور تزور طبيب الاسنان وتعمل جلسة تنضيف
لازم تغسل اسنانك كل يوم وبحد ادنى مرتين يوميا بالفرشاة والمعجون
دى شوية حاجات بسيطه كدا عن الجير
اتمنى تكونو استفدتم حاجة
#معلومة_ع_الماشى

View more

Next