فين حديث النهارده؟

عن عائشة أم المؤمنين رضي الله عنها قالت: لَمَّا اشْتَكَى النبيُّ صَلَّى اللهُ عليه وسلَّمَ ذَكَرَتْ بَعْضُ نِسَائِهِ كَنِيسَةً رَأَيْنَهَا بأَرْضِ الحَبَشَةِ يُقَالُ لَهَا: مَارِيَةُ، وكَانَتْ أُمُّ سَلَمَةَ، وأُمّ حَبِيبَةَ رَضِيَ اللَّهُ عنْهما أتَتَا أرْضَ الحَبَشَةِ، فَذَكَرَتَا مِن حُسْنِهَا وتَصَاوِيرَ فِيهَا، فَرَفَعَ رَأْسَهُ، فَقَالَ: أُولَئِكِ إذَا مَاتَ منهمُ الرَّجُلُ الصَّالِحُ بَنَوْا علَى قَبْرِهِ مَسْجِدًا، ثُمَّ صَوَّرُوا فيه تِلكَ الصُّورَةَ أُولَئِكِ شِرَارُ الخَلْقِ عِنْدَ اللَّهِ.
_________________
السيدة عائشة بتقول ان النبي صلى الله عليه وسلم لما مرض مرضه الذي مات فيه ذكرت له بعض نسائه كنيسة شافوا فيها تماثيل فقال ان الرجل الصالح فيهم اذا مات أقاموا على قبره مسجد وعملوا فيه تماثيل وأخذوه للعباده
الحديث صحيح ودليل قوي جدا ان اللي بيحصل في الولد شرك بالله يعني بمعنى أصح مينفعش حد يروح المولد ويذبح هناك دا بيسمى ذبح على الأضرحة بيذلحوا للضريح زي ما الكفار كانوا بيذبحوا للأصنام ويتقربوا بيها
في قرية هنا عملوا مقام جديد بقالهم 3 سنين وسط المقابر والناس بقت تيجي من أخر الدنيا والمشكلة بيطوفوا حوالين المقام زي الكعبة💔😞 دا الشرك بحد ذاته يبقي احنا كمسلمين مينفعش نطلع نروح نعمل زيهم وحتى لو عن طريق المشاهدة فقط لانك طالما روحت هناك تشوف بس كده يبقى شاهدت معاهم وكترت من منهم والناس الضعيفة تاخدها حجة دا فلان راح وفلان عمل وسوى
وممكن حد يسألني يقول لي طيب المسجد النبي دفن فيه النبي صلى الله عليه وسلم وأبو بكر وعمر رضي الله عنهما، هقوله ياحبيب قلبي في فرق بين لما يدفن شخص ويقام عليه المسجد مخصوص وفرق لما يدفن شخص والمسجد يتم توسيعه وتكبيره فيدخل في المسجد وذلك بإجماع العلماء وإن شئت فاسأل علماء الحديث
كل يوم حديث🌸💙
+86 answers in: “الثريد دا هنزل فيه كل يوم حديث من صحيح البخاري بإذن الله🌸❤”