☆ هيبتا :- ● ده ? إختصار بسيط لرواية هيبتا.. اللى معظم الناس بتتكلم عليها ? ○ بتتكلم عن سبع مراحل للحب :-1- #مرحلة_البداية ☺ هي أحلي مرحلة ف أي علاقة و هي الشغف و اللهفة و إنك عايز توصل للشخص دا بأي طريقة , و ساعات بتبقي البداية موت لعلاقات تانية كانت علاقتهم بتتخنق
2- #مرحلة_الجنون ☺ في ناس بتحب تسميها " السحر " و هي حاجة ملهاش أي علاقة بالمنطق .. بتحس إنك مش ف وعيك , إنك ماشي ورا صوت كإن النداهة ندهتك بالعشق ..
3- #مرحلة_الحلم ☺ المرحلة دي اللي بيبدأ فيها طرف بالإعتراف بالحُب و من هنا تبدأ الاحلام و إنهم عايزين يكملوا مع بعض , المرحلة اللي بيوصل فيها العشق لقمة قوته و عنفوانه و اللي بيدمره هو الإنتقال لمرحلة الوعد
4- #مرحلة_الوعد ☺ الفيروس اللي قادر يقتل أي علاقة , و هو الإحتياج .. الاحتياج من اخطر مراحل الحب . اما تظهر احتياجك للشخص الى بتحبه وهو ميقدرش بتحس ساعتها انك اتعريت قدامه وبتبقى ضعيف وساعتها بينهار الحب ده .. لما تحس إنك محتاج لحبيبك و متلاقيهوش بيسد إحتياجك بتكرهه رغم إنه له أسبابه المُقنعة لكن قلبك مش بيقتنع بيها .. يعني مثلاً مروي مقتنعتش إن شادي وجعه و سكوته بسبب الظروف اللي مر بيها , و هو مقدرش يقتنع إن قدرتها إنها تبسطه و محاولتها إنها تهون عنه مش هتستمر للأبد ف اتدمرت علاقتهم
5- #مرحلة_الحقيقة ☺ ف المرحلة دي بيعرف الشخص إن الطرف التاني شخص زيه عادي جداً مش ملاك .. و بيبدأ يشوف فيه عيوبه و هنا تبدأ مرحلة إنك هتتقبل العيوب أو الشخص هيحاول يغير منها عشان ميخسركش او كُل واحد ينسحب و العلاقة تتدمر .6- #مرحلة_المقاومة ☺ دي أفضل مرحلة بالنسبة لي و هي مرحلة المقاومة , إن الشخص بيقاوم نفسه و بيقاوم عيوبه ف سبيل عشقه , إن هو مش عايز يخسر الطرف التاني ف بيحسن من نفسه , إنه قبل ما أي مشكلة تكبر يقول " انا هقاوم " و بكلمة صغيرة الموضوع يهدي .. ● أهم حاجة ف مرحلة المقاومة ( الصراحة - الإحتواء - التضحية - الصفقة ) .. يعني الصراحة إنك تعترف بعيوب الطرف التاني اللي بتضايقك , الإحتواء انك تحتوي غلطاته دي و تحاول تصلح منه من غير ما تحسسه إنك بتعمل فيه جميلة او تحسسه بالذنب .. التضحية إنك تتنازل عن حاجة , و الصفقة إن هو يتنازل عن حاجة ف المقابل .7- #مرحلة_الهيبتا (الحياة حلوة) ☺ لما توصل للمرحلة ديه.. يبقي أنت تستاهل حلاوتها , أنت عافرت عشان توصلها زي ما بيقولوا " محدش بياكلها بالساهل " .. المرحلة دي بتوصلها لما بيكون كُل همك متخسرش اللي بتبحه و تشوف نظرة رضا ف عنيه ? و هنا بتبدأ تحلو الحياة.اللي #هتستفاده✋ من القصة ديه.. إن أنت ? مُمكن تعيش عُمرك تدور ع الحُب بس هتلاقيه لما تفقد الأمل ف نفسك و فيه ? هتلاقيه و انت ع حافة الإنتحار ف ينقذك من موت مُحقق .. الحُب ? قادر ينقذ أرواح من الموت .. أنك لما بتحب بجد و بتتحب بتحس إنك اخد اكتر من حقك ف الحياة , اللي بيحب مش بيجرح بالعكس بيعمل المستحيل عشان يبقي مثالي ف نظر اللي بيحبه #الحُب ? هو إنك تتقبل عيوب اللي بتحبه بس مش مُضطر تستحملها , #الحُب ? هو إنه يغير من عيوبه عشان مش عايزك تخسره , #الحُب مش تملك و إنك تحاول " تطّبع " طبعه بحاجات مش فيه .. انت حبيته زي ما هو كدا يبقي تكمل كدا مش تخلق منه شخص ع مزاجك .. ● بإختصار شديد " #الحُب مش تعويض نقص , #الحُب إكتمال روح " ..