علي حسب العيلة لو ناس تأمنيهم علي نفسك ولا تخشي علي دينك او مشاعرك شيء وسطهم وعارفه انه مهما جري من خلاف هيصونو الود توكلي علي الله دول هيبقو شيء سعيد ف حياتك وأفضل من لو اخدتي شقة لوحدك اما لو التمستي فيهم شيء يوحي انهم ممكن يفرضو سيطرتهم عليكي ويتعبوكي نفسيا او يحملوكي مالا طاقة لكي به اهربي طبعا لأن دا هيكون فيه مفسده لدينك وحياتك كلها وبدل متبني بيت هتبني مرار !!
متقوليش خليكي انتي الشخص المبادر وروحي احضنيها علطول كتري البوس ف الرايحه والجاية مرة ايدها مرة رايها مرة خدها وقوليلها شكرا يا ماما واحضنيها ف الرايحه والجاية واما تبقي فعلا محتاجة تعيطي ف حضن حد هتروحي تحضنيها وهتلاقيها مستوعباكي وبتحاول تعرف مالك خدي بالك دي متجربة ومفعولها أكيد ان شاء الله ربنا يباركلك فيها يارب
شرعا مطلوب منك تطيعي زوجك في كل ما يرضي الله وما لكي به طاقةلو هو طلب منك خدمة باباه او مامته وانتي تقدري علي دا اخدميهم وربنا هيجازيكي خير ان شاء الله علي طاعة زوجك اولا ومن ثم علي رحمتك بحد كبير في السن لأن دا معروف عظيم عند ربنا ولو مطلبش منك اخدميها طلما في مقدرتك دا سيعلو مقامك عند ربنا وعند زوجك وهقولك حاجة ربنا ميحوجكيش لحد وانتي في سنها اما لو مش في مقدرتك وعندك ما يمنعك فزوجك مأمور هو بخدمتها او انه يستأجر حد يقوم بطلبتها ويرعاها وانتي صليها بالزيارة علي الأقل
صلي وادعي واستغفر وأي طاعة تقدر تعملها اعملها واستغفر تاني وادعي كتير ربنا يسامحك ويتجاوز عنك اوعي تيأس من رحمة ربنا او تفكر في خطة او طريقة ترجعك ليه ربنا مش محتاج منك غير قلب تائب محب وبس اعمل كل طاعة تقدر عليها وربنا يوفقك ليها من غير خطط ولا أسئلة ارجع ازاي!
والله انا شايفة ان اي حد وصل ٢١ سنة ولسه بيفكر يرتبط عقله صغير وغير ناضج لأنه بالإضافة إلي ان الموضوع حرام فهو مضيعة للوقت والمشاعر فلما شخص يوصل ٢١ سنة وبقا اسمه راشد ومسئول يقولك نرتبط يبقا لسه عقله صغير الناضج قدامه اختيار واحد للإرتباط وهو الخطوبة والزواج لكن لعب العيال دا مش هيرضيه