انا بكيت ف موقف ما ينفعش ابكي فيه وقدام ناس ما ينفعش قدامهم اعيط اعمل اي مش قادره انسي
مع اني اصلا ما ببكيش ف العادي
اولا مفيش حاجه اسمها مببكيش انت بشر و من حقك انك تخرجي انفعالاتك اول بأول و الا التراكمات هتخرج مره واحده بشكل مؤذي ليكي قبل الكل، ثانيا طالما الموقف عدى حاولي متفكريش فيه خلاص راح و عدى حلو او وحش انت انسي و ثقي ان محدش معطي الموضوع نص الاهميه ال انت عاطياهاله ده لو مكنوش نسيوه اصلا دلوقت و انت بس ال تاعبه دماغك بالتفكير فيه?
سؤال للنقاش :-
هل شرط يعني ان الدكتور يتزوج دكتورة ؟
او بمعني تاني ليه فيه فكرة منتشرة كدا ان الدكتور لازم يتزوج دكتورة واي الحكمة من الفكرة دي اصلا ؟
اولا مش شرط، ثانيا الفكره كلها ان محدش هيحس بيكي الا ال شبهك مش هيحس بتعبك غيره مش هيحس بالمعاناه ال مريتي بيها غيره مش هيتفهم سهرك و بياتك بره غيره مش هيتفهم ان ممكن حد يدق بابك في اي لحظه لعلاجه غيره مش هيقلل منك و لا من تعبك لانه مر بيه زيه زيك.. مثلا مش هكون دكتوره مشغوله معظم الوقت و اتجوز واحد شغله بيخلص بعد ساعتين هيبقي فاضي و انا مش معاه مظنش ابدا هنرتاح كده، و عموما كده كده النصيب لما بيجي بيقفل كل أبواب المنطق و العقل? المهم الزوج الصالح ال يراضيك و يفهمك و ياخد بإيدك للجنه♥️
انا الل مرتبطه بيه كل يوم مش بيسيبنى غير اما يعمل معايا حاجات مش تمام و كل يوم ببقا مقرره مش هعمل كده و هو بيستدرجنى و مش بحس بنفسي غير وانا بعمل كده وحاولت ابعد عنه كتير وهو مش بيبعد عنى نهائي و اتقدم اكتر من مره و بابا رفضه ، اعمل اى ؟ و ابعد عنه ازاى من غير م اجرحه ؟؟
هي بادئه معايا كده?? طيب ماعلينا.. حضرتك هتعرفيه ان كده حرام و غلط و شيء ميرضيش ربنا و لا يرضي عباده و لا يرضي اهلك و لا يرضيه هو لو كان بيحبك بجد و عاوزك زوجه ليه.. ال بيحب حد هيحافظ عليه من نفسه قبل أي حد.. و طالما هو عمل معاكي اي حاجه حرام و لو مجرد نظره يبقي ده مبحبكيش و لا هيحبك لانه محافظش عليكي من نفسه و شيطانه... دلوقت انت تعرفيه انكم لازم تقطعوا كلام مع بعض تماما و تعمليله بلوق بلوق بلوق ف كل حته كما قالت رضوي?.. لو عاوزك بجد يجي بيتك و يطلب من أهلك مره و اتنين وألف لحد ما يتقبل غير كده ملوش داعي الكلام معاه لانه مش هيزودك الا زعل و حزن و قله ثقه ف نفسك و تضييع ثقه اهلك ليكي.. عفا الله عنا و عنكي❤️