Ask @alaakhalaf547:

بعيد عن الحرام والحلال خالص لان غصب عني ف حد ممكن يكون بيحب حد ومش بيكلمه ف الفون يعني مستعد يكلمه 24 ساعه شات وميرنش خالص فون ..وتكلمه يقولك ببقي مشغول ومبعرفش اتكلم فون بسبب الشغل وليل نهار كدا وبالليل بيقول اخويا جمبي مافيش اي وقت للفوت اصلا حتي لو دقيقه .انا اكيد مش عاوزة اكلمه بس حته المبداء دا

انا مش فاهم حاجة !

View more

وكل سنة وحضرتك طيب وبخير وصحه وسعاده دايما يارب ورمضان كريم عليك وعلى كل حبايبك وربنا يوفقك ف حياتك ويدلك ع طريق الخير والسعادة دايما ان شاء الله

وانت طيب و بخير دائمًا، كل سنة والجميع طيب وبخير وفي سعادة و ربنا يتمم امورنا الجايه علي خير و يحققلنا كل اللي بنتمناه بحق الأيام الكريمه ..

View more

من لا يشكر الناس لا يشكر الله..ف حبيت اشكرك جدا ع مساعدتك ووقفتك مع شخص متعرفوش معتقدش ف يوم احتاجت حضرتك ورفضت المساعدة، دايما لما بلاقيني ف مشكلة بلجأ لحضرتك حتى لو كانت نصيحة كتابية ف حقيقي بشكرك جدا واتمنى من كل قلبي ربنا يسعدك ويحققلك ماتتمنى وربنا يرزقك ب ولاد الأصول ف طريقك والناس اللي شبهك

انتِ اللي ذوقك لطيف ، وتأكد إن لو رجعتلي ميلون مره هكون موجود دائمًا في مساعدتك طالما بإمكاني ، من غير شكر ولا حاجة ، هل جزاء الإحسان الا الاحسان ، ربنا يجبر بخاطرنا كلنا ، آمين ، وشكرًا ليك علي دعواتك ..

View more

هاتلي سبب مقنع يخليك حلو وامور كدة ومش خاطب ولا مرتبط غير انك مصاحب بنات كتير 😂

انت نسيت احتمال آخر ، إن الحب و الارتباط و الخطوبة ده رزق و مفيش علاقة بين كون الإنسان حلو و وقت ارتباطه ، واكيد انا ربنا لسه موفقنيش في الجانب ده ' دعواتك ' واللي للأسف عارف إن كل لما بتأخر الدائرة حواليا بتضيق بالمناسبة فمش مصاحب بنات كتير ولا حاجة :))، لكني علي ثقة في ربنا أنه شايلي الاحسن والأنسب واللي بدون شك هتكون هي الافضل❤️ ، وفي كل مرحلة بكبرها نظرتي ليها بتتغير وبحسها بتميل للنضج و الواقعية اكتر وده بيصعب الامور شوية بس انا فعلا بتمني تكون ملامحها مريحة و روحها فيها دفء بعيدًا عن صخب ومظهرية المودلات الجديدة ، اقدر اعيش معاها في سلام من غير محاولة لاثبات شيء او التفوق علي حد عشان اكون جدير بيها ، طبيعية بالفطرة ومحافظة علي جمالها الطبيعي الي مخلوقة بيه ومتصالحة مع نفسها وقوية وقادره انها تقف جنبي وتساندني وتستند عليا لما تكسر ظروف الحياة اياً منا ...

View more

هاتلي سبب مقنع يخليك حلو وامور كدة ومش خاطب ولا مرتبط غير انك مصاحب بنات كتير

عندي رغبة عارمة فـ إني أحكي معاك مش لأي غرض مُعين بس بحس إنك حد مُريح وخفيف في التعامل كده وكمان عجبني جداً طريقة تفكيرك وتعاملك مع الحياة عمومًا مع إني أعرفك معرفه سطحية جداً جداً

شكرًا لذوقك اللطيف ده ، l have no problem , any time

View more

_

hagar
‏انا يوم بعد يوم بقرب اكتر و ببقي face to face مع حاجات كبيرة كده زي الخطوبة و الجواز و تحقيق الاحلام ، احساسي بيقولي ايه الكلام دة ؟! ، ده انا لسه فاكر ايام ما كانت كل اهتماماتي ازاي اعدي في الميدترم باقل الخسائر ! ..

View more

علاء انا كنت قريبة منك في يوم من الأيام ولسه بعرف اخبارك من بعيد عايزه اعترفلك انت اقوي انسان عرفته وفي كل مره حاجة تحصلك أعرفها عن طريق ناس قريبه منك كنت بروح علي برفايلك وانا فاكره انك في اسوء حالاتك بلاقيك ظاهر بصوره جديدة تبدوا فيها اكتر تماسكا! ازاي دا ؟ ازاي بتتجاوز بقدره رهيبة بترجعك اقوي ؟

كم لله من لطف خفي
- زمان لما كنت في ابتدائي 2007 كان اللي بيطلع الاول او التاني في الصف السادس بمجموع فوق 337.5/350 بياخد لاب او كمبيوتر , كنت دائما الاول في الصفوف الي قبلها لكن تشاء الاقدار السنه دي اني اكون التاني بمجموع 336 وتفرق معايا علي درجه ونصف وماخدش كمبيوتر , زعلت جدا وقتها لكن لما انتقلت للاعدادية استمريت ف المحافظه علي تواجدي في المراكز الاولي وصديقا اخر الي اخد اللاب لم يعد موجودا معانا وقتها حمدت ربنا علي عوضه ولطفه في المحافظة علي مستوايا ..
- لما دخلت الثانوية واخترت علمي رياضه بهدف اني ادخل هندسة بترول وذاكرت ما بوسعي وتظهر النتيجه عكس كل الدلائل بمجموع 97% وملحقهاش ودخلت كليه الهندسة , زعلت جدا وقتها وتمر الايام واكتشف لطف الله وكرمه ف اني ملحقهاش لان سوق عملها شبه واقف من 2011 وفرصها قليلة واني ربنا اختارلي المجال الافضل الانسب لقدراتي ..
- لما كبرت ودخلت الجامعه مكنتش من اوائل الدفعه :D لكن تخرجت وانا فاهم واشتغلت ف مجالي وانا لسه بدرس و سافرت بره مصر وكان هدفي ادخل ال ITI بعد ما اتخرج وكنت بكلم صحابي دائما علية ، تخرجت واصطدمت بمرحلة الجيش وقتها زعلت جدا واني هيعدي عليا مرتين مش هعرف اقدم فيها ولسه هستني بعد ما اخرج من الجيش 6 شهور عما التقديم يفتح وايام بتضيع من عمري لكن تشاء الاقدار علي غير العاده انهم يفتحوا تقديم لتراك Aritifical Intellegence لاول مره وموعد بدايته مع نهاية مرحله الجيش مباشر ، سيبت شغل عشان اقدر اجهزه لكن للاسف معرفتش برده لانشغالي بالجيش، زعلت وقتها جدا لانعدام العدالة البشرية لكن ادركت لطف الله وكرمه وانه شايلي الاحسن ..
- حاليًا خلصت جامعه وجيش وانا لسه عند طموحاتي اللي عاهدت عليها نفسي من وانا صغير سواء وصولي لاحلامي الي راسمها في خيالي او لاختياري الإنسانه اللي هنكمل مع بعض حياتنا واللي بتمني من كل قلبي انها تبقى شبهي ومريحة ، اساندها وتستند عليا واللي هتسعي معايا نوفر حياه نضيفه لولادنا بعيدا عن البيئه الترابيه دي ، حياه كلها مبادئ وحريه نبنيها مع بعض بفضل نجاحها واستنادها عليا - وحاجات كتير انتِ متعرفيهاش عني - لكن علي امل ان يوما ما هتشوفني في اجمل حالاتي مزهر كعادتي
- السيناريوهات غير المتوقعة هي الأفضل عندما ادرك أن خطة الله أجمل بكثير مما خططت له , الأشخاص الذين اقابلهم بالقدر ، الفرص التي تعترض طريقي للخروج من العدم وفي لحظة مفاجئة ، الوظائف غير المتوقعة ، الحب والصداقات غير المنتظرة هي أفضل الأشياء التي تجعلني تشعر بأنني على قيد الحياه ..
- عودة للحياة , تداهمني الافكار عن كام مرة أسات الظن في الله ! وتمنيت علي اللة ! وصارعت الأقدار بين يدي اللة ! وكم من مرة جاءني لطف من الله بمثل هذا فانتشلني من مصير محموم ! ثم اني كم مرة اعرض وانسي ! فما يتغمدني الله الا بلطف منه و فضل , اتسأل مرارا وتكرارا عن كل مرة يضع الله لطفة في كل وقت كنت فية علي شفا جرف من الانتكاس و قلة العزم والشتات , اتسأل كيف يعرف ما اريدة حقا بأصغر التفاصيل بتلك الأمور التي تحاوطني و تشغل بالي عندما تدور بي الايام من حال الي حال أو تقذفني لبؤره من الضجيج الملئ بالصخب الذي يدور ولا ينتهي .. لطف الله و عظم عوضة اكبر مما نتخيل او نتوقع , لطف الله هو الاجمل في اعظم جملة قيلت في الطمأنينة و أن ليس للانسان الا ما سعي "و أن سعيه سوف يُري❤"

View more

Next