- نفس الحوار بس للاسف ف معظم الاحوال بيبدأ الحوار حلو جدا وبعدين بزهق جدا جدا وبكون عايزة اقعد لوحدي مع نفسي مع إني بعد كدة بيبقي نفسي اتكلم واسيب ناس جديدة تدخل حياتي بس بمل جدا او زهقت عامًة من الشات وان الشخصية مش بتطلع شبهي بس ف الاخر اكيد ان مش عندي طاقة إني اتعرف علي ناس جديدة ابدا واستني بقا لما اعرف كويسين ولا لا وبعدين بدور ان اعرف ناس تاني ولفي بينا يا دنيا ..😂💔
يجماعة انا قولت هلبس خمار ماليزي بس صحبتي بتقولي لا مش هيبقي حلو عشان انتي رفيعة
بس انا هدفي ان ارضي ربنا ف لبسي
مش مهم ابقي حلوة
مع اني حلوة اصلا 😅😅
حد يقولي هو فعلا هيبقي وحش للدرجة ولا هي عاوزاني كدا عشان ابقي زيها هو بيبقي وحش ع الرفيعين؟ 💔
بصي ف الخطوة دي خاصًة متاخديش رأي حد خالص اهم حاجه نفسك وهل انتِ مقتنعة ب الخطوة دي ولا لا ..لان للاسف ناس كتير بتاخد الخطوة دي وبمجرد رأي من حد " ده مش حلو فيكي - ده مكبرك - ده طافيكي " وهكذااا هتبدأي تفكري انك تقلعيه وترجعي للعادي ف الخطوة مش حلوة لو مش عن اقتنااع .. وحقيقي يعني هي مش بالشكل او سواء كنتي رفيعه او لا يعني مش سبب عشان خطوة تتلغي .. وبعدين اعرف ناس رفيعه وحقيقي تبارك الله يعني ف اللهم الثبات ..💜
الاء هو انتي كويسة ولا مش كويسة شخصيتك متناقضه فشخ وانا مش عارفه احدد ؟
واحده صاحبتي علمتني جملة " غفر الله لي ما لا تعلمون عني .." 💛🌻 ف ابقي غبيه لو قولت اني مش كويسة وابقي اغبي لو قولت أنا كويسة ..اكيد زي ما في ناس بتحبني في ناس بتكرهني وطريقه تعاملي مع الكل مش واحده ولا ف نفس الموقف رد الفعل هيتكرر ف حاجه زي دي تقدري تحكميها انتِ مش انا الصراحه ..✋🏻
هو لية الاهل مش بيحبوا ان بناتهم يعرفوا ولاد مع ان ولادهم بيعرفوا بنات وهما بالنسبة ليهم عادي ؟
هي ايه الاسئلة الغريبة دي ..مش شايفه انه بالنسبة للاهل عادي في حوار الولاد وان في حدود عند الاتنين عادية جدا بس لما بيحصل تجاوزات كل ال بيحصل بيكون من وراهم للاسف ف ده ال بيخلق فرق مش اكتر ثم مبدأ " ان مفيش حاجه تعيب الولد " ده بيسيطر علي تفكير المعظم ..🤦🏻♀️
١- دقيقه جدا ف مواعيدي و بتكون الافضلية ان اكون قبل الميعاد افضل من اني اتاخر دقيقه " الكلام ده لا ينطبق ع الكلية و المحاضرات😂✋🏻 " ..٢- مبحبش حد يفرض عليا اتعامل مع شخص مبحبوش او مش بقبلة نفسيا لو مفيش بينا تعامل لان ف الاخر يا هسيبهم وامشي يا هقعد مع الموبايل ..٣- بحب الروايات جدا وبحس انها ملجأي ف اي وقت ..💙📖٤- غبيه و بضيع فرص كتير بس برجع ادور عليها برضو تاني عشان مبحبش اخسر أهدافي أو اخسر حاجه بحبها..✌🏻