Ask @ali2013ali:

20حقيقه عنكم ...

FATOOMA
١- علي ٢١ سنة👨، ادرس كلية الصيدلة الأكلينيكة، دكتور صيدلي💊💉
٢- انسان مرح ودائماً اضحك وامزح 😀،حتى وانا كنت من الداخل حزين💔
٣- وقت الشغل شغل ،م عندي شيكا ميكا👳🙏
٤-ما احب الكسل ، واتضايق اذا شفت غيري يشتغل وانا بس مكتف يدي 😑
٥-بعض الاحيان اتفلسف ، واجادل😶
٦- احاور الشخص شفته عنيد ومتعصب لرايه،اتركه او اجلس اسلك له 😶
٧- احب التصوير 📷😘
٨- اهلي واصدقائي هم مرئاتي👪
٩- انسان بارد او فاچ ع قيلتكم ❄️⛄️
١٠- اهتم بنفسي ولبسي بشكل مو طبيعي، يعني عاديے ف اليوم ابدل ثلاث مرات 😁❤️، وخصوصاًاهتم بستايل شعري 👨
١١-مشكلتي م انسى اي موقف يحصل بيني وبين اي شخص 😑
١٢- شخص اشوفه يذم فيني وهو عنده نفس العيب وينكر هالشي، اتركه، لاني أؤمن انه راح تجي الايام لتبين من الصح وراح اذكره وقتها 😊
١٣-احب الهدوء 😌، واكره الأزعاج جداً جداً جداً، خصوصاً وقت النوم😴
١٤- احب اني اكون متفوق ومتميز في كل شيء ⭐️
١٥- اذا متضايق من شي ، انام 😑💔
١٦- انساااااان كتوووم😶
١٧- احب الطبيعة 🌿، والحيوانات الأليفة 😭😻
١٨-لسان 😼، م اتحمل احد يهزأني او يغلط علي واسكت
١٩-خدوووووووم بالمره، ويمكن استغني عن اشياء بس عشان اخدم واحد عزيز علي ☺️
٢٠-احب الطلعات والفله وكذا 💃🚶❤️،وشسمه اموت ف الباستا 😋

View more

ماهو الحُب ؟

الحُب هو كمياء متوافقة بين قلبين 💗، ومتى م شعر الشخص انه يرتاح مع هذا الشخص والشخص الثاني كذلك يبادله نفس الشعور هذا هو ابسط درجات الحُب. الحُب مضلة واسعة تضم تحتها اشياء كثيرة ابرزها: الأهتمام المتبادل💑، التنازل والتضحية👼🏻، الاحترام والتقدير🙏🏻، وكُل شخص يتسابق لإفراح الطرف الثاني 😄🌷وغيرها ❤️
" كُن على علم بأنه الحُب هو أنت تحُب الشخص لقلبه لا لشكله المتغير مع مرور الزمن💜✋🏻"

View more

لـ عَ لّ يٰ الگيعييوت 😿🌀🔰؛

راح اتكلم عن عادة منتشرة في مجتمعنا وبين الاصدقاء ✋🏻👨🏻👧🏻
.
.
كثير في جمعاتنا نشوف شخص انه همه فقط انه يمسك شخص ويجلس يمسخر فيه 😑علشان بس يضحك ربعه او يمكن يدري انه هذا الشخص يعصب من شي معين 😕فَ يجد الاستمتاع في انه يرفع ضغطه وينرفزه لنفس الهدف " اضحاك أصدقاءه"✋🏻💔، اناا م اتكلم عن المزح العادي الي يحصل بينا وانه كذا الشخص الثاني يدري بأنه نمزح معاه😄. انزين واذا ضحكنا عليه شفيها❗️
🔹لانه بسببك يمكن تتسبب له بأشياء لا يُحمد عقباها ( فيه ناس ماتت بسب هالشيء( يصير عنده ضغط ويرتفع.....)! وفيه ناس بطلت تتكلم!😑) ويمكن يطلع من المجلس معصب وهو ويسوق وتتسبب له بحادث💥🚘
.
.
.
💡يمكن نستصغر اشياء ولكن عواقب هالاشياء وخيمة ✋🏻

View more

قٌل مَ شِئت

راح اتكلم عما يسمى بالحرية الشخصية🔕
.
.
مفهوم الحرية الشخصية في هالزمن الحاضر تشوه وصار كثير منه ياخذ هالمصطلح كمبرر لأي فعل يفعله❗️ البنت 👧🏻 تلبس لك عباية كانها سجادة ايرانية وتسألها حرام 😶💔تقول لك لا ذي حرية شخصية 😑✋🏼، الولد 👦🏻 يتشبه بالنساء 👨🏻👈🏻👩🏼من لبس والخ وتسأله يقول لك اسمح لي لا تتدخل هذي حرية شخصية! وغيرها من الأمثلة التي تشمل المجاهرة بالمعصية او اتباعنا لأهوائنا تحت مظلة الحرية الشخصية ✋🏻،هذا لا يندرج اصلاً تحت أي مسمى من مسميات الحرية الشخصية👌🏻 مدام انه يمس الدين 🙏🏻! باختصار الإسلام 🌹وضع ضوابط واسعة جداً ومتعددة لتعيش بحرية فلا تشوه دينك بفعلك سذجات تدرجها تحت مفهوم الحرية الشخصية ✋🏻
.
📍باختصار الحرية الشخصية ليست مبرر مقنع لفعلك المعصية 🌑، قد الناس يتقاضون عن هالشيء بإنك تبرر لهم عملك المعصية بمفهوم "الحرية الشخصية" ولكن لا تنسى انه هناك ربُ يحاسبك ✋🏻

View more

بمآ اني مقبله ع الجامعه🌞 ف ابغي كل شخص يتكلم عن التخصص اللي يدرسه وشنو الاشياء اللطيفه فيه؟ وشنو الاشياء السيئه؟ واذا تخرجتوا شنو تصيرون؟ ب اختصار ابغي نبذه مُفصله اذا ممكن🙄💗

#كلية الصيدلة الإكلينيكية💊💉
الدراسة عبارة عن ٦ سنوات (سنة تحضيرية+ ٤سنوات في الكلية+ سنة امتياز) الدراسة تتركز على الادوية💊 ورعاية المريض 💉🏥 واشياء عن تحضير الأدوية والخ
#مميزات الكلية:
١/ انها جداً مرتبة ومنظمة من حيث الجداول والمواد والخ⏰
٢/ يمديك تشارك في بحوث مع الدكاتره والخ، يعني شي حلو تبحث وتسوي تجارب🔬
٣/ فيه نهاية كل سمستر فيه تقيم للدكتور ولمادته، واذا اخذ تقيم سيء، الكلية تنذره وتعرضه للمسائلة!
📄
٤/ نظام الكلية حلو، عندك تطبيقين في الصيفي ( مره في صيدليات الدواء ومره في المستشفيات)
٥/ شهادة الكلية معتمدة دولياً من كندا وامريكا ( يعني شهادتك تقارن بالي متخرج من امريكا او كندا)🇺🇸🇨🇦
#عيوبها:
١/ الدكاتره م يراعون الطالب، انه ضغط عنده ولازم نخفف عليه، ضغط ضغط بالمره كل دكتور يطلب اشياء اكثر من الثاني😑💔
٢/ من بعد السنة الثانية، م راح يكون عندك اجازة صيفية، راح تطبق في كل صيف مثل م ذكرت😊
٣/ اغلب المواد يبي لها شغل كبير و تعب 💪🏻
٤/ الجداول الدراسية الكلية هي الي تحطها مو مثل باقي الكليات فيه اكثر من دكتور للمادة الوحدة
٤/ اغلب المواد حفظ( فيه بعضهم يُحبذ هالشيء وفيه ناس لا)
#اماكن العمل:
١/ المستشفيات🏥:
-تشتغل في الصيدلية الداخلية للمستشفى، وتحضر ادوية والخ...
-ممكن تكون مع الدكتور في ما يسمى بالراوند وتضبط الجرع للمريض وتقترح ادوية افضل وتشوف تعارضات الادوية
-ممكن تعمل في وحدة العناية المركزة ايضاً
٢/ مصانع الادوية بانواعها💊
٣/ يمديك تصير معيد في الكلية
٣/ وممكن تكمل دراسة وتتخصص كدكتور متخصص

View more

لـ علي✨

📍المُجتمع ونظرته الخاطئة للزوج 👨🏻
انا م ألوم الشخص الي يقول انه الرجال عديمي الرومنسية والاحساس 🙂💔! ليش 😨💔؟
لانه مجتمعنا هو السبب 😑☝🏿️في خلق هالفكرة او هالمعتقد، فصار اذا الزوج دلع زوجته والخ قالوا اوه خرووف 🐏< فصار اغلب الشباب م يطلع هالشيء ويحاول يخفي شقد يحب ويعز زوجته 👩🏻خوفاً انه يقولون عنه خروف 💔! واذا مثلاً فاجئ زوجته بشيء ف مطعم والخ < قالوا عنه اوه شنو قلة ادب هذي😶🖖🏿💔!! واخر شي مسمى الزوج عندنا مشوه او مخدوش بالأحرى! عندنا كلمة زوج تعني انه لازم يكون متعصب وشاد ع زوجته ومو معطيها حقوقها عشان يُطلق عليه مسمى زوج 🙂💔
# م اعمم انا انه كل الشعب كذا، بس الاغلب صراحةً!
# مجتمع جاهل ومُتخلف !

View more

موقف مضحك صار معك بالجامعه

طبعاً الموقف كان أيام القبول 😹💔، الزبدة الجامعة طلعوا دفعة أولى ولا انقبلت فيها 💔، قمت قدمت ع البترول وقلت خلاص م فيه الا اني ادرس هندسة 👷🏻🏡، الزبدة الدفعة الي بعدها جاني قبول 😻، وقمت بسرعة سحبت اوراقي وطبعت نسخة من الشهادة< هذا الصبح ☻ ، عشان اليوم الي بعده اسلمهم للبريد < وهذا طبعاً كان اخر يوم للتسليم 😟، الزبدة رجعت البيت واشيك انه اوراقي كاملة 🚶🏻، الا م أشوف الشهادة الأصلية 😳💔، وينها ومدري شنو خلاص اشوي وبصيح 😂💔، قمت ادور وعفست البيت مب موجودة وفي المكتبة بعد مب موجودة 😭💔< قلت عزى الله راح عليا القبول وقمت اتخيل شكلي بالرقوق 😂😂😂💔، من المأساة الس فيها انا 😪💔، طلعت بره الشارع مرة ثانية < مدري شنو الي خلاني اطلع ثانيه 🚶🏻، الا واشوف الشهادة 😻💔، واطير من الفرح وتوني بروح اخذها الا جيرانا يمر بالسيارة ويوطي عليها 😂😂💔< كسر قلبيا قلت لا خلاص طار المستقبل 😪💔، واقوم اخذها واشوه م انشقت بس عليها طبعة كفرات سيارة 😹💔، وقمت بشويش خذت كلينيكس وبللته بالماي ودعشتها لما راح اشوي من الأثر 😹💔، وبس 🚶🏻💔
#متشوق اني اشوف شهادتي الاصلية وعليها طبعة السيارة 😂😂😂💔

View more

+'،أكـتب ماتُـريد؛🎧🔑🌸||'

♤...محمودوهه...♤
راح اتكلم عن موضوع الحُب💑
#الاغلب ماخذ هالموضوع انه م فيه حُب صادق، وي زينه اذا صار موجود من يلاقي بنت تفهمه وتحبه وتقدره هالقد، ولكن من كثرة غفلة الشباب عن معنى هالحب نتج عنه تدهور ثقة البنت بالشاب ويمكن العكس، باختصار اذا كان يحبك راح يجيك عن طريق الحلال وراح يضحي ويستغني عن اشياء لديمومة هالحب المنتهي بالزواج، غير هذا الشيء انتي مو مجبورة تضلين معاه لانك جالسة تقصين ع نفسك وتأخيرن قطار الزواج عليك!👌🏻💜

View more

اذا كنت تعرف القراءة والكتابة ولا تقرأ الكتب، فما الفارق بينك وبين الشخص الأمي الذي لم يتعلم القراءة أبداً.

انا في وجهة نظري:
قراءة الكُـتب أصبحت موضة اكثر من انها تثقيف للشخص !
#كِـثرة ممن تقرأ الكتب وتفكيرهم مُنحط وطفولي ! وهنالك ممن لا يقرأ الكتب وتفكيره وعقله "يوزن بلد" !
مخالطتك للناس وخوضك تجارب حياتيه هو من يصقل ثقافتك وتفكيرك ✋🏻
#الشخص الأمي هو الذي لا يُطبق أو حتى يستفيد مما يقرأ ✋🏻

View more

-

عَ.حُ.
راح اتكلم عن مفهوم او معتقد
خاطئ متداول بينا✋🏻💔
.
.
الا و هو مفهوم انه كل شخص يجيب معدل عالي يعني لازم يدخل طب💉 او هندسة 🔧وضلنا نزرع في فكر الطالب هالشيء حتى إلى م يصير عنده قناعة تامة بهذا المعتقد! وهذا أكبر غلط 😑✋🏻اترك للطالب المجال في تحديد مستقبله ولا نجلس نحكره بين تخصصين او ثلاثة 💔، المجالات كثيرة ومتنوعة 🔭🔬💊💉وعلى حسب ميوله هو راح يختار التخصص الي يحبه مما ينتج عنه في النهاية طالب مبدع في تخصصه ومُفيد لأهله ومجتمعه ووطنه ايضاً!، لا يصير جُل اهتمامنا المصلحة المادية للطالب ✋🏻

View more

ل علي💕:

ولا بُد من الفراق، قد يكون هذا آخرُ لقاءاً بيننا أو قد أعودُ مجدداً!
اولاً استسمح من كل شخص زعلته او ضايقته بشيء 😞💜واتمنى اني كنت خفيف ظل عليكم🙏🏻💙، وأني تركت بصمة جميلة وحسنة في قلوبكم 🌾، والحمدلله كانت صدفة وتجربة جميلة معاكم✨، وكل الي اطلبه منكم أنكم م تنسوني من دعائكم، كونوا بخير💛🍃
#أحُبكم في الله 💙

View more

-

طرق ووسائل لتعزيز المذاكرة في فترة الاختبارات: 📝
١- لا تحسس نفسك انك مغصوب على هالشيء 😑ازرع الطموح في داخلك واجعل التفوق والدرجات العالية هي هدفك 🌟😃
٢- اولاً هيأ المكان المناسب للمذاكرة( م تكون غرفة النوم!💤، جيدة التهويه 💨ويضاً جيدة الاضاءة💡)
٣- قبل م تبدأ اخذ نظره عامه على المادة ومواضيعها🔍
٤-ابدأ بتقسيم المادة إلى اقسام،وبعد نهاية كل قسم راجع هالقسم ولتكن بدايتك بالمواضيع السهلة📈 ( مثلاً: عندك ١٠ مواضيع، قسمها خمسة خمسة ولتكن بدايتها المواضيع السهلة، خلصة الخمسة الاولى راجعها وهكذا)
٤- خل عندك مسودة خارجية وقلم🖊🗒، تكتب م تحفظه حتى لو كان خرابيط بس اهم شي تكتبه وتكرره🚩
٥- استعين بالصور🎆 والفيديوهات🎥
والصوتيات 🎧والخ اذا كنت من الناس الي تركز معلوماتهم بأستخدام هالطرق
٦- اعمل لك تلاخيص، خصوصاً اذا كانت المواضيع متشعبة، عشان هالتلاخيص بتساعدك وقت المراجعة 💡
٧- اربط المعلومات باشياء سهل عليك تذكرها
📍٨- اجعل بين كل ساعتين مثلاً بريك خمس او عشر دقايق تجدد فيه نشاطك🌞
٩- تناول المكسرات مفيد جداً في تعزيز الذاكرة💫
١٠- واخيراً خصص وقت كافي للمراجعة📚، ولا اغلب الي ذاكرته راح تنساه
🔷هذي الخطوات اتبعها ومن واقع تجربة والحمدلله نتايجها مرضية جداً🎗

View more

أشياء تتمنوها في مجتمعكم🐣.؟

Amoon.
اهم شي قلت اشياء 😹☝🏿️، لانه خصوصاً المجتمع السعودي صاير مدري شلون يفشل 😑☝🏿️
١/ يتركون الهمجية عنهم ويتحضرون
٢/ النظافة ، م يصير ابو شكبرك تقط وسخ من نافذة سيارتك
٣/يتركون العنصرية والغباء، إلى الان فيه ناس تسأل سني ولا شيعي !
٤/ يتركون التفحيط ☻
- كلامي بشكل عام -

View more

- لك يا عيوني✨❤️:

FATIMAH
خلني اتكلم عن الطيبة 😁💕
-ليه الناس الطيبة دايم تنجرح وتشكي حالها من الي حولها!
انا اقوول لك مو عيب انك تصير طيب مع الناس الي حولك بس العيب انك تصير غبي ف طيبتك!
.
.
-حقك ينهظم! عاادي!
- يغلطون عليكك! عاادي!
-كل شي عاادي!
مع الوقت الناس راح تعتبرك لاشيء، تعرف يعني لا شيء! ظلم وراح يظلمونك لانك انت الي بنيت ف انفسهم انه عاادي! وراح يجرحونك بكلامهم ونفس الشي بسببك! واي شي سيء من ناحيتهم انت راح تتقبله وتسامحهم!
.
.
.
#فلا تلوم الناس، لوم نفسك وغيرها، راح يكون صعب ف البداية انه الناس الي تعودوا يخلونك في الهوامش ولا يطقون لك اي اعتبار يغيرون نظرهم لك! اتعب واتعب في بناء شخصيتك!
وسلامتكم حبايبي ❤️✋🏻

View more

تكلّم؛

فيه مفهوم جداً خاطئ ف مجتمعنا 🌐 :
# اذا تكلمنا عن شخص ف غيابه، نقول لا ذي مو غيبة لانه هذا الشيء فيه ! طبعاً هذا معتقد خاطئ ❗️لانه الغيبة انك تتكلم عن الشخص ف غيابه بما هو فيه ويكرهه، اما اذا قلت عنه شي كذب فهذا يسمى بهتان 👌🏻✨.

View more

البحرين ايش الاماكن اللي رحتها وعجبتك ؟احس قليل الاماكن يعني بس اهي اقرب شي شنسوي

- المجمعات، اذا بتطالع سينما وتتمشى ( مجمع ستي سنتر والسيف )
- أمواج
- المتحف
- اسوق بوابة البحرين، هو مثل الاسواق الشعبية
~ وبس ☻

View more

انتون غريبين يالشباب ..تمشون وقولون الشرع حلل اربع واذا وصل الامر لأختك او امك تضايق ليش ؟!

نحنُ نعيش حياة متناقضة ✋🏻
#مو بس ع تعدد الزوجات!
.
-نذم في المكذبين ونحن أولهم
-نتظاهر بكرهنا للظلم ونحنُ مؤيديه
-لا نستساغ المعصية وغضب الرب ولكن ليس للرب عابدين
-ننصح ولكن نحنُ ليس بالنصيحة عاملين
.
.
#معظمنا يعيش حالة نفاق داخلي للأسف✋🏻💔

View more

اخ علي احكي 🌸:

نادِرة♌️
مره سمعتوا عن لُـغات الحُب 😻
.
راح اعطيكُم نُبذة مختصرة عن هالموضوع، فيه خمس لُغات للحُب💫:
١/الكلام: تعبر عن حُبك للشخص بالمديح والكلام الحلو❤️
٢/الهدايا: تهدي الشخص هدايا وحتى يمكن بدون اي مناسبة معينة...💐🎁
٣/تقديم الخدمات: مثلاً توصله مشاوير، تساعده في انجاز عمل معين.....💙
٤/قضاء الوقت: دايم تكون معاه ، وتكون في غاية سعادتك اذا كنتوا مع بعض💑
٥/ الاتصال البدني او الجسدي: تمسك يده ، تحضنه....😌💜
.
.
#طبعاً كل شخص يعبر عن حُبه بلُغة معينة، واللغة الي يعبر عنها مو شرط هي نفسها يستقبلها، مثلاً شخص يقول فلان م يحبني لانه لو يحبني كان يخدمني والخ بس لو تنظر للأمر يمكن تشوف هالفلان دايماً يقول له كلام حلو ويمدح فيه مُعبراً عن حُبه له، وهكذا...💑💚
.
.
.
-عَ لّ يٰ|☤-

View more

Next