في حياتك الباقية
🤐🤐🤐🤐🤐🤐🤐🤐
حصلي موقف غريب موت
كنت في صلاح الدين ومافيش أي حد خالص في المدرسة غيري أنا وبنتين صحابي وأنا قاعدة في النص
وبنت تاني فجأة جات ناحيتنا ووقفت في وشي وفضلت مبرقة وباصة في عيني بثبات رهيب فبقولها: " ايه؟ " ردت قالت: "ايه؟" .. قولتلها: "إنت جاية ناحيتي وباصالي فبسألك عايزة مني حاجة؟" قالت لا أنا جاية بس وراحت لافة راسها وماشية.
وهي بصالي كنت حاساها هترفع ايدها تضربني ودا نفس إحساس صاحباتي من بصتها إنها جاية تخبطني بحاجة مش حتى تتخانق.
وبعدين واحنا طالعين فضلت ماشية ورانا وكل شارع تستخبي ورا حيطة وتطلع راسها وأنا أبص عليها آلاقيها بتبصلي وتضحك ضحكة أشرار المسلسلات وتفتح الشنطة كإنها هتطلع حاجة وفضلت كدا لحد ما عرفنا نخلص منها.
وبجد إيه دا؟😂
+ 5 💬 messages
read all
رجعت في الأسئلة لورا لقيت ذكريات جميلة ..
أيام صعبة حلتها ذكريات الناس الل كانت مآنساني..
آخ منك يا دعاء بتختاري الوحدة كل مرة..
عاش💗
زي النهاردة الشهر الل فات دخلت مسابقة برزنتاشن ساعد وفي أثناء المسابقة تعبت جدا من كل النواحي نفسيا وجسديا .. بوؤي كان فيه major aphthous ulcer و herps ومكنتش باكل فضغطي كان بيوطى ومكنتش بنام وجالي برد كان أهلي والمعيدين والعمال وزمايلي في الراوند والتمريض وإصحابي والبيشنتس بيدعولي أخف منه. كان البيشنت يدخل متعصب يلاقيني بكح جامد أصعب عليه يهدى ويقولي ألف سلامة يا دكتورة ما تاخدي أجازة.. وفي معيد كان يقعد يقولي دي مثال الل هتموت مرة من كتر الحربأة ع الحالات😂
نرجع للمسابقة أديت فيها أسوأ آداء ممكن أأديه في حياتي وندمت وزعلت وحسيت قلبي وجعني لدرجة انعزلت كذا يوم وحسيت بفشل في كل حالاتي وحياتي وكرهت كل حاجة
وفي آخر اليوم زميلتنا أغمى عليها وديناها المستشفى وأنا حرفيا وقتها كنت بموت وماسكة نفسي بالعافية علشان ما نقعش إحنا الاتنين في المستشفى وأنا أول مرة أدخل مستشفى حكومي أصلا والأجواء بالنسبالي كانت مرعبة ومش معانا حد من أهلنا وخايفين وأنا أكاد أجزم وقتها إن ضغطي كان في حدود ٧٠ ع ٥٠.
من وقتها وأنا اتغيرت بشكل مكنتش أتخيل إني أتغيره
بقيت حريصة وخوافة جدل بخاف آخد قرار أو أغامر وفقدت أهم ميزة عندي وهو حسي للمغامرة. وع ما أعتقد إني فقدته لنهاية عمري. رغم بساطة الموقف. بس حسيته الموقف الل فوقني.. حد فاهم حاجة؟View more
+ 1 💬 message
read all
هو مين عظم في نفوسنا قيمة العلاقات البشرية كدا؟ بجد؟
أنا عارفة تأخير الجواز هو السبب الأكبر في دا.
بس ليه إحنا من ورا المعاناة دي بندمر نفسنا بالعبط دا؟
تلات أرباع مشاكل العلاقات بسبب إنها برا إيطار الشرع والحلال
وتلات أرباع مشاكل جيلنا هي علاقات.
والحل بسيط أوي أوي إن الإنسان يفكر نفسه إنه الصح دينيا هو الصح في التصرف بتاعي..
يعني عايز أحب؟ أخطب.. فأحب.. فأتجوز
مش لازم أمشيها حب .. خطوبة.. جواز
يا ريت بعد المعاناة دي نربي ولادنا صح. نخليهم قد المسؤولية بدري ونجوزهم بدري. علشان ما نوجعهمش بالجري ورا احتياجات وإجابات بدهية أصلا..
...
عموما بالنسبة لصاحب السؤال أعتقد إني كبرت الموضوع شوية
بس يعني أنا حسيت إني عايز أرد
ولا كإنك شوفت حاجة.. فكك.
إمممم؛ أعتقد أتذنب طبعا. علشان سقوط عند أمي دي معناها عقاب كبير جدا. :')).
+ 29 💬 messages
read all
اليوم ولأول مرة منذ زمن أبكي هذا البكاء المرير لله. رجوته وتحدثت إليه كثيرا. وفي حديثي لله أخرجت كل ألم وبعد انتهاء الحديث قلت يا رب إن كان كل هذا الألم قبالة صحوة القلب هذه فإني أسامح الألم. وأسامح وأحب كل طريق مررت عليه فأبكاني. الحمد لله على نعمة الإسلام..