Ask @alsh5anah:

عندي اقتراح انك تعمل جروب للالشخانجية وخصوصا الهارد كور هيبقى كويس لمناقشة الحلقات + انك ممكن تطرح عليه مواضيع معينة محتاج فيها بحث عن مصادر او تلخيصات وده اعتقد هيزود في انتاجية القناة

الفكرة مطروح لكن للأسف ما فيش وقت لإدارته.

View more

صديقي.. بما إنك صيدلي، اللي عاوز يسافر بعد خامسة ع دراسة علشان يهرب من الجيش .. إيه المتاح ويسافر فين؟.. ولو عاوز أكسر الفيزا وأفكس للدراسة وأشتغل إيه ممكن يحصل! لو عندك فكرة.. خلينا نتواصل واتس أو أي حاجة.

Mohamed Afify
للأسف ما عنديش فكرة .. انا الحمد لله كنت مستثنى من الخدمة العسكرية لدواعي أمنية علشان ارهابي وخطر على الجيش المصري العظيم !

View more

معرفش ليه انا حاطك ف ذهني و ناوي أخلع من هنا زيك لما أحقق كذا حاجه هنا ! الغربة بقى مأثرة نفسيا عليك و لا كله محصل بعضه ؟؟

مؤثرة بشكل إيجابي خصوصا لو بلد أهلها طيبين ..
لكن عموما أي بلد أهلها أحسن من بلدنا للأسف .. فأي مكان هايبقى تأثيره إيجابي ..

View more

السلام عليكم ورحمة الله ممكن تعملون حلقة على تونس من إحتلال الإسبان وإنقاذ الدولة العثمانية إلى الإستقلال إلى هروب بن علي إلى ما بعد الثورة. أنا ممكن أسعدكم في المصادر وباراك الله فيكم

في وقتنا الحالي للاسف مش في الخطة .. هاو إفر .. لو في قصة الاحتلال الاسباني خيانات وتواطؤ من مواطنين "شرفاء" فممكن جدا نضيفها للسلسلة !

View more

ان شاء الله هروح معرض الكتاب اشتري كتب ايه ؟ ايه نصايح حضرتك في المعرض ؟

اشتري اون لاين حسب حاجتك والموضوعات اللي تحتاجها في وقتها .. فترة معرض الكتاب بقت موسم للتباهي والتبذير ع الفاضي للأسف ..
ملحوظة: رأيي قد يكون متأثرا بعدم قدرتي على الذهاب للمعرض 😐

View more

عاوز كتب عن الحرب العالمية الثانية وما بعدها وعن الحرب الباردة وسايكس بيكو وتشكل المنطقة العربية ضروري عشان المعرض الله يكرمك

كتاب The peace that ended all peace . أسمع انه لطيف .. قرأت فيه شوية وكنا ناويين نحضر منه سلسلة !

View more

ياريت حاجة كدا عن التيار المدخلي لانو لعب دور كبير مع السلاطين والطغاة والتابعين للسعودية والامارات وماشاء الله في ليبيا عاملين شغل زي الفل

"سلاطين" الدول دي مش محتاجين تيار مدخلي ولا خلافه !!
كله بياكل عيش مش محتاجين مناقشات فكرية!

View more

أنا من جمهورك في الخليج وأريد معاني الكلمات التالية (يتشحتف ، يتدحلب، يبلبع )

ده سؤال عميق قوي !
يتشحتف دي لما واحد يبكي بشدة بصوت ويبقى مش قادر يتنفس من كثر البكاء
يتدحلب يعني يتمسكن ويدعي الضعف والطيبة لحد ما يتمكن
يبلبع يعني يتعاطى أدوية وغالبا يقصد بها مخدرات
هذا والله أعلى وأعلم

View more

انا شغال فى شركة بتصدر مواد تستخدم فى اساسات المعمار لإسرائيل هل شغلي حرام ومرتبي ؟

أنا مش أهل فتوى وما اقدرش اقول حلال والا حرام ..
بس مجرد ما قرأت السؤال قلبي اتسحب وقشعرت !!
ربنا ينجيك يا أخي.

View more

السلام عليكم حضرتك اتكلمت قبل كده على موضوع ال MBA و ان هناك تقريبا 6 أماكن معتمدة ليها فممكن حضرتك تقول لي عليهم؟ و شكرآ لحضرتك

أقول لحضرتك حاجة وما تزعلش مني ؟!
لا هاتزعل..
أكيد يعني مش هاتزعل؟!
طيب!
لو إجابة سؤال بسيط زي ده صعب عليك تدور عليها بنفسك على الانترنت وتقرا بالتفصيل بنفسك عن الأماكن المحترمة اللي بتعمل accreditation لل MBA وتدرس الموضوع كويس قبل ما تصرف دم قلبك يبقى الأحسن ما تضيعش وقتك في حاجة زي دي ..
ممكن أكتب الرد على طول بس قلت فرصة نتكلم سوا .. من غير زعل !!

View more

يا دكترة الأتراك عملوا مسلسل عن السلطان عبدالحميد الثانى و الشخصية دى من الشخصيات المحيرة خالص فى التاريخ الإسلامى يا ريت لو تعرف تعملنا حاجة عنه علشان نعرف نحكم ع الراجل لإن المسلسل مطلعه حاجة عظيمة خالص

وليه يكون كلامي انا صح وهم غلط؟

View more

Next