السلام عليكم :هل "الخمسيين" طائفة مهرطقة "لدى الأرثوذوكس والإنجليين "وهل لك بحث حولها ؟ محتاجة اسماء كتبفى نقد عقيدة الارثوذوكس للإنجليين المعاصرين؟ هل الطلاق لعلة الزنا لدى الارثوذوكس فقط ام لدى غيرها وما الدليل على نقض هذا الامر؟ ومن تنصحى بمتابعته من طلبة المقارنة الاديان؟وجزاكم الله خيرا

وعليكم السلام ورحمة الله وبركاته
س1: بالنِّسبة لوجهة نظر الأرثوذكس, طائفة الخمسينيين تُعتبر ضمن طوائف البروتستانت, والبروتستانت هراطقة كُفار خارجين عن ملة المسيحية بالنِّسبة للأرثوذكس والكاثوليك كمان
بالنِّسبة للبروتستانت أو الإنجيليين فهما طوائف كثيرة جداً جداً وعلى حدّ علمي هُمَّا مش بيكفروا بعض في حدود المسائل المُتَّفق عليها والتي كانت أسباب الثورة البروتستانتية
أنا للأسف الشديد معنديش بحث عن الخمسينيين لكن هتلاقي اقتباسات عن الطوائف المسيحية المُعاصرة في ملزمة: العقائد المسيحية الأرثوذكسية - الملزمة الثانية
http://alta3b.wordpress.com/2012/12/19/masdogma-2
س2: بخُصُوص كُتُب للبروتستانت تنقض عقيدة الأرثوذكس, فأنا للأسف الشديد مش متذكِّر إني مرِّيت على أي كتاب بالشكل ده, رغم إني أعرف كتب كتير العكس, لأرثوذكس ينتقدوا عقائد البروتستانت والكاثوليك كمان, أنا أعرف اقتباسات في كتب للبروتستانت فيها تلقيح على عقائد الأرثوذكس, لكن معرفش كُتُب, على العموم في مجموعة كتب الدكتور حنين عبد المسيح, رغم إنه مش منضم للكنيسة الإنجيلية بشكل رسمي لكن هو مُنشق عن الأرثوذكس وعمل أكتر من كتاب في نقد بعض عقائد الأرثوذكس
عبادة الأصنام في الكنيسة الأرثوذكسية http://eld3wah.net/play.php?catsmktba=4871
بدعة الرهبنة http://eld3wah.net/play.php?catsmktba=4872
بدعة كهنوت الإكليروس http://eld3wah.net/play.php?catsmktba=4968
بدعة تأليه العذراء وعبادتها في الكنيسة الأرثوذكسية http://eld3wah.net/play.php?catsmktba=5401
س3: الأنبا بيشوي قال في كتابه: مائة سؤال وجواب في العقيدة المسيحية الأرثوذكسية, إنَّ الكاثوليك مبيسمحوش بالطلاق خالص, لأي سبب, ولا حتى عِلَّة الزِّنى, وده المشهور عند العامَّة بعبارة, زواج كاثوليكي, يعني لا فكاك منه ولا طلاق بعده!
أنا بيِّنت قبل كده إن في سوء فهم للنصوص الكتابية من قبل المسيحيين المُتمسكين بمسألة أنه لا طلاق إلَّا لعلة الزنى, لكن الحقيقة المُشكلة مش في الطَّلاق, المشكلة في الزواج الثاني, المفروض حسب النصوص الكتابية, انت ممكن تطلَّق زي مانت عايز, لكن ملكش زواج مرَّة ثانية, ده مفهوم النصوص الموجودة في مرقس, حتى حسب مرقس المرأة ممكن تطلق زوجها! (مرقس 10 / 11-12). يبقى مرقس عنده لو اتزوجت, ممكن تطلَّق لكن ملكش زواج مرة أخرى, لو تزوجت بأخرى تبقى بتزني. في متَّى بأه, أضاف عبارة "إلَّا لعلَّة الزِّنى", وده مش معناه إن ده شرط الطلاق, لأ, ده شرط السماح بزواج مرة ثانية, ويكون زواج صحيح مش زنى (متَّى 5 / 31-32)
س4: أنصح بمُتابعة الإخوة الأفاضل التاليين العاملين في مجال مقارنة الأديان حتى الآن
الدكتور الصارم https://www.facebook.com/profile.php?id=100006287104297
الأخ وسام https://www.facebook.com/Didat.AB0Islam.Wesam
أبو عمر الباحث https://www.facebook.com/elbaheth
أحمد سبيع https://www.facebook.com/one1.or.three3
الحاخام المسلم https://www.facebook.com/rabbi.muslim
عطية عبد الغني https://www.facebook.com/crossburner
أحمد شاكر https://www.facebook.com/profile.php?id=100005954077820
طارق عزّ الدِّين https://www.facebook.com/profile.php?id=100002441395282
وبشكل عام مُتابعة مُنتديات حُرَّاس العقيدة http://www.hurras.org/vb/forum.php
وشبكة ابن مريم http://www.ebnmaryam.com/vb
لا تنسوني من صالح دعائكم
غفر الله لنا ولكم