ما هو تقييمك حضرتك للاستاذ مينا اسعد كامل استاذ الدفاع لاهوتى ؟وما هو اسلوبه فى المناظرات ؟

طبعاً أنا لا أقصد عدم الاحترام, لكن لقب "أستاذ" أكبر من أن يُطلق على أسعد كامل
أرجو مُراجعة إجابة السؤال التالي:
مُمكن أعرف رأى حضرتك في هولي بايبل؟
http://ask.fm/alta3b/answer/103415587609
لأنهم شبه بعض جداً, لكن يمكن أسعد أفضل شوية من ناحية البيان والشرح
يعني مُستواه أعلى قليلاً, لا لشيء إلَّا لأنَّه أفضل في أسلوب كلامه وطرحه, مش أكثر
لكن هو نفس المنهج: الرَّدّ لمُجرَّد أن يُقال: قُمنا بالرَّدّ, بغض النَّظر عن صحَّة الرَّد, أو مُستواه العلمي!
أنا ناظرت أسعد ثلاث مرَّات تقريباً, وناقشته أكثر من مرَّة!
هو بيحاول يدرس أفكار الشَّخص إللي هيناقشه أو يناظره من قبلها
بحيث يطرح أفكار خصمه ويحاول يرد عليها من قبل ما خصمه يتكلَّم ويطرح أفكاره بنفسه!
بيحاول كثيراً إنه يسفِّه ويتفِّه من الرأي إللي بيتبناه خصمه, وبيحاول يستهزئ بالرأي ده!
بيحاول يهدم فكر خصمه بأي طريقة, حتى لو طريقة الهدم مُمكن يُستخدم في هدم إيمانه شخصياً!
يعني بيحاول يردّ بأي طريقة, حتى لو الطريقة ديه مُمكن تُستخدم ضدَّه, ملوش فيه! المُهمّ يردّ عليك!
طبعاً هو مُعظم نقاشاته صوتية, معرفلوش أي كتابات أو أبحاث أو ردود مكتوبة!
وهو مثله مثل باقي زملائه في مجال اللاهوت الدفاعي, علمهم انتقائي, بيختار ما يخدمه فقط!
كونه "أستاذ اللاهوت الدِّفاعي" ده يُعتبر منصب شرفي!
لأنه بيدرِّس في معهد دراسات الكتاب المُقدَّس التَّابع للقُمُّص عبد المسيح بسيط أبو الخير
يعني هو واخد المنصب ده, أو بيشرح في المعهد ده, لا لشيء إلَّا لأنّه تلميذ القُمُّص عبد المسيح!
معلومة على الهامش:
بما إنه ظهر على التلفزيون, وبدأ يستخدم إسمه الحقيقي, فهو مُلتزم الأدب!
لكن من خلال مُطالعة تاريخه في المنتديات المسيحية والبرامج الحوارية ستجد غير ذلك!
هو يُعتبر واخد دور المُدافع السوبر مان, الذي يرُدّ على أي شبهة حول المسيحية!
كان بيدخل في ردود على مسائل خاصة بالنقد الكتابي وعلمه في المجال ده معدوم!
طبعاً ده مش حاله هو لوحده, لكن ده حال مُدافعين تانيين كثر!
أعتقد إن كلامي ده يكفي!
للمزيد من الأسئلة والأجوبة http://alta3b.wordpress.com/faqs
شكراً على سؤالك, ولا تنساني من صالح دعائك

The answer hasn’t got any rewards yet.