يـتـبـــعـ ؛

گـمشة مارشميلو ,Aya Alabbadi ♪
بتحاول تكسر حواجز ومبادئ انت كنت حاططها لحتى ما يقدر حدا يوصل لقلبك ويأذيه✍ بس كل ما تيجي تكسر حاجز تطلع انه صارت شغلات ما عم تخليك👀 طبعا ع قد ما بتكون خايف تخسره بتبلش تختفي العفوية من حكيك، لحتى ما تغلط فيه وتحاول ما تبعث كثير خوفك من انه رح يمل منك ✍بتصير تدققو لبعض ع اي كلمة واي اشي الثاني بعمله حتى لو كان سمايل رح تصير تفسرله معاني من راسك وكان يقصد هيك وحكى هيك وغير الغيرة اللي طبعا بتولد الشك..🔕💔
بيوم رح تعرف لي كل هالتردد كان عندك ولي كل هالخوف اللي ما عم يخليك تكسر حواجزك وتتقرب اكثر من الطرف الثاني✍ اللي طبعا كان سبب هالخوف هو افعاله الطايشة بيوم بتحسه بيحبك وبيوم ولا كانه بيعرفك محيرك ع طووول ما بتعرف هو بيحبك ولا كذب🔕ولو سالته بيأكدلك حبه بس تعرف بعدين انه هاذ كله ما كان حب ابدا كان مجرد حب تملك للطرف الثاني اللي كان بفرجيك ياه، الحب☝️ وانه انت شي مهم بالنسبة اله☝️ ما كان غير حب تملك ولا بيعرف الحب بشي💔. هون ما بتعرف انت وين ولا شو عملت تايه، رجع الخذلان وجعك مرة ثانية، وملامح الخيبة ما بتفارق عيونك، ما بتعرف اللي عملته صح ولا غلط🔕 بتسال حالك مليون مرة انا وين غلطت غلطت اني حبيت ولا اني رجعت وثقت🔕 مع هيك بتحاول تتقبل الصدمة بتداريها من هون وهون ولانك ما رح تنسى وبتتذكر كل وعد عطيته لتضلك وما تروح✍ بتررجع علاقتك لصداقة لحتى تحافظ ع الشي الحلو اللي كان بينكو لو حتى كان كذب☝️بتحاول تحط براسك مية عذر اله بس لحتى تخفف من بشاعة الصورة اللي نرسمت عنه☝️. صحيح رجعتو بس هالمرة صداقتكو باردة، بتحسسو بعض انكو ملزومين لتسألو عن بعض🔕ما بتعودو تحكو الا اذا في مناسبة بينكو☝️ ببلش الرد المتأخر ع اساس انه ما عدتو تهتمو ببعض مثل قبل ولا حدا هامو الثاني👀 لحتى توصل لمرحلة تقتنع فيها انه ما ضل في مجال لتحافظ ع هيك علاقة لانها صارت ميتة، نهايتها افضل من برودها القاتل🔕 لترجعو غربا ولا كانه بيوم عرفته بعض وما بعود بدك شي غير انك ترجع انت اللي قبل سنة💔
بس رح تحاول ع الفاضي لانه ما رح ترجع انت مع انها كانت سنة💔بس هالسنة غيرت فيك كثير سنة☝️ كانت كفيلة بانها تشيلك وتحطك بنفس المكان...