ربما لو سألتنى اليوم عن الحب لن تجد تفسيرا واضحا، لكننى سأخبرك شيئا ، أتعرف كيف يسقط المطر على الأرض الجافه فتبتل ثم ينمو العشب والزهر فتسكنها العصافير والفراشات ؟ هكذا كان حضورك ، وكذلك كان قلبى تماما❤️ .
عارف شعور إنك تعبت جدا من المشى فى طريق ما وعاجز عن الوقوف وفى نفس الوقت خايف من إنك تتساب أهو دا إحساسى ناحية الحياه كلها أيا كان المكان اللى بكون موجود فيه علاقه/شغل مفيش شعور بالراحه والأمان والإستقرار فغصب عني بحس دايما إنى فى المكان الغلط كل الأماكن دى مش بتاعتى أنا مجبر على إنى أخوض حرب الرضا طول الوقت لدرجة إنى بقيت أحس إنها مش حرب أصلا حتى دى رضيت بيها.
جماعه إبقوا نقوا صحابكم اللى لما تغلطوا يقفلوا ف وشكم ويزعلو ويقفوا ويشدوا معاكم عشان مصلحتكم إنما الحنين دائما وأبدا ده اللى لو خربت الدنيا يضحكلك ويقولك ولا يهمك إغلط عادى سيبوكوا منه ده بيخدرك بحنيه زايفة بتديك لامبالاه بإختياراتك وغلطاتك فى الحياه
مستحيل مشاعرك تفضل ثابته لنفس الشخص طول العمر يا هتزيد يا هتقل وفى كل مره هتحسها بشكل مختلف لو إنت بشخصيتك الحاليه رجعت بالزمن لعلاقه سابقه هتستغرب إزاى إنت كنت بتحب الشخص ده وإيه اللى شدك ليه العلاقات الطويلة أبطالها عرفوا يتأقلموا على تغييرات بعض ونادر ما هتلاقى فى الدنيا أبطال
مره عملت قفله فى الكهربا فى البلد كلها 😂 كانت أسلاك الكهربا زمان مش مطليه مسكت بوصتين ربطهم فى بعض ولمست سلكين لبعض أى نعم كنت هموت من كتر الماس والكهربا اللى كانت حواليا بس ربنا ستر يومها أخدت كف من بابا ممسكتش بعدها بوص أصطاد سمك حتى 😂