مع رغبة البنت لو حابه تشتغل أكون داعم ليها جدا ومرحب بكدا علشان هى اتعلمت زيى وانصرف عليها كتير أوى علشان يبقى ليها قيمه وتتعلم وتفيد الناس بتعليمها بعد كدا مينفعش أقتل طموحها ولا أكون حمل عليها لكن لو حابه تقعد ومش حابه تشتغل واكتفت باللى وصلتله خلاص دا حقها برده وقرارها فوق راسى
من احسن القرارت الي ممكن تاخدها في حياتك انك متزعلش على حاجه اكتر من ساعه، ستين دقيقه معاك تلم فيهم اعصابك وترتب دماغك وترجع لطبيعتك والدنيا تمشي..وتولع كل حاجه تزعلك.
بصى فيه جو كدا إبن ناس أوى لما بكون فى الكافيه وماتش شغال بالليل والجو بيمطر خفيف ونسمة هوا ببروده كدا أو لما الجو يشتى جدا وتمطر وأطلع أولع نار كدا وموسيقى هاديه ونشوى حاجه مع لمة الصحاب كله نايم وإحنا سهرانين
يامن أهواك ولا تدرى ورمحت وراك على الكوبرى 😂 اتغزل إيه بس أنا مبعرفش أعبر يا جماعه والله لما بحب حد بثبت لك بمواقف التعبير عندى مبيطلعش غير لو حد قريب منى جدا
مفيش عباده أصعب من الصبر بالنسبالى إن الدنيا تتهد فوق دماغك فجأة وتقفل عليك من كل ناحيه وبالرغم من دا تصبر و ترضى بقضاء الله و قدره دى عباده غاية ف الصعوبه و تتطلب إيمان بالله قوى جدا إنك تصبر على إبتلاء متعرفش سببه ولا حله إنك تصبر على دعوه متعرفش إمتى هتتحققتصبر على مرض على شخص على رزق فكرة الصبر نفسها إختبار صعب للنفس فاللهم بحجم صبرنا على همومنا ارزقنا بفرحه تسعد قلوبنا 🖤
فيه مثل إنجليزى بيقول "لا تصارع خنزيرا فى الوحل فـ تتسخ أنت ويستمتع هو" يعنى متتناقش ومتتعاملش ومتتكلمش ومتبررش ومتشرحش لحد مش شبهك ومش شبه مستواك سواء الفكرى أو الأدبى أو الأخلاقى