يراك تُسئ الاختيار وتأخذ الطريق الخطأ ... فيُسلّط عليك الحيرة ... فتتردّد.... ثم تتردّد ...وتسأل وتفكّر ولا تجد الراحة ...فتتردّد أكثر ...فتتوقف ...ثمّ يُلهمك طريق آخر لم يُكن في الخاطر ....فتدخله في بادئ الأمر عن غير اقتناع ...فتُسلّم وتستسلم ...فيكون فيه العِوض والخير التام لك...🌸
_اتكلم مع ربنا لحد ما عينك تروح في النوم! _الجمله دي عاديه...بس لما بدأت أطبقها في يومي حسيتها ، يعني تتخلي عن فكره إن الكلام مع ربنا في الصلاه بس ،لا دا وانا ماشيه ،وانا قاعده ،وانا لوحدي ،وانا وسط الناس ،وانا علي سفر عماله اتكلم مع ربنا جوايا...بستخيره...بقوله ناويه اعمل اي...بحكيله عن الخطه اللي غيرتها وهو أعلم...بشكيله تصرف ضايقني...بحكيله عن الضغوط اللي انا فيها وعلي حاجه قلقانه منها...بقوله عن فلانه اللي زعلتني او الشخص اللي خذلني...بستغفره اول بأول عن غباء تصرفاتي...بدعيه بتفاصيل صغيره اووي لو حد سمعها هيستغربها... إنك تتكلم مع ربك ٢٤ ساعه ف ال ٢٤ ساعه وتختم كل مره كلامك بإنك واثق انه مش هيضيعك ،وانه سندك الحقيقي ،وتضحك وتطمن...ساعتها نسبه الشكوي هتقل ،وهتلاقي نفسك مرتاح، والإشارات من ربك هتلاقيها كتير...كتير اووي ،الحاله دي ممكن نسميها:- "الإستغناء التام بالله "💙