@amirahelmy

آميرةُ حلمي ( الفآرِسَة )

Ask @amirahelmy

Sort by:

LatestTop

Previous

ادعيلي بالزوج الصالح الي ياخد بايدي يا اميرة انا بضيع

و هتفضلي تضيعي.
مش بحبطك خالص و الله، لكن انت لو متغيرتيش و سعيتي محدش هيجي يشدك
الكل بيبقى عاوز اللي يشده ، احنا في سفينة حمولتها زيادة ، الي بينجو بس هو الي بيتعلم و يقفز منها بقارب نجاة.
محدش هياخد بإيدك لو انت محاولتيش مع نفسك محدش هيبقى فاضيلك طول الوقت يراقبك.
اكذوبة انا مستني الزوج/الزوجة الصالحة دي فجوة هتبعلكم.

Related users

لسه عامله ذنب قلبي هيموتني مش عارفة انام وخايفة

يا بختك بقلبك، و ضميرك الذي ما زال حيا !الله يجبرك و يرزقك الهداية و التوبة يا حبيبة!
و إليك قول الله الذي شعرت به عند قراءتي لسؤالك و الله (( وَالَّذِينَ إِذَا فَعَلُوا فَاحِشَةً أَوْ ظَلَمُوا أَنفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَن يَغْفِرُ الذُّنُوبَ إِلَّا اللَّهُ وَلَمْ يُصِرُّوا عَلَىٰ مَا فَعَلُوا وَهُمْ يَعْلَمُونَ ))
مالهم ؟؟
(( أُولَٰئِكَ جَزَاؤُهُم مَّغْفِرَةٌ مِّن رَّبِّهِمْ وَجَنَّاتٌ تَجْرِي مِن تَحْتِهَا الْأَنْهَارُ خَالِدِينَ فِيهَا ۚ وَنِعْمَ أَجْرُ الْعَامِلِينَ ))
و نعم أجرك بهذه التوبة يا حبيبة!
- اقيمي ليلتك -

هنا لو سمحتي @@

أولا أمرها خطير و جدا ، لازم تروح لطبيب نفسي كويس ، مش هتتعالج مع نفسها أبدا.
ثانيا، إما أن تصبر معها حتى تتعافى و ترجع لصوابها و تتخلص من هذا المرض ، و تنسى ما فعلت و تعفو و تصلح ، و تبدأ معها من جديدإما لو أن نفسك لن تطيق ما فعلت و ستظل تذكر ذنبها و يلاحقك أمرها ، ف ساعدها فقط بإنك تعرضها على طبيب، و تبلغ الأمر لأختها اللي عارفة و تخرج من حياتها بصمت و مروءة.
و تحتسب عند الله فعلك.

يارب تجاوبي هقعد رؤيه شرعيه مع واحد المفروض اقول ايه ، لانى جربت قبل كده وببقي ساكته جدا او بفتح ف هيستيريا ضحك ومقدرش اسيطر ع نفسي ،، عايزة نقط معينه اتشاور معاه فيها ، وكمان عرفت انو مدخن ودى حاجه مش عاجبانى بس هما اصروا انى اشوفه بردو حتى لو هرفض

مبدأيا ، مدخن وش بيبقى مرفوض عندي.
ثانيا ، صدقيني مش بالتحضير ، كله هستنسي و هتقعدي قعدة الضفدع المطلق 🐸

مش بحبني ؛(

انت لا تحبي ذنوبك.
أما نفسك فهي من صنع الله ، و هي معك مسكينة ،
عامليها بلطف و لين ، روضيها كما يروض الفارس الخيل ليخضع له،
جاهدي في الحق و الاستقامة، ستحبينها حينما تنتصرين عليها، ستحبنيها عندما تفعلي الطاعات و تقتربي من الله، عندما تتدبرين القرآن، اتخذيها رفيقة لا عدو!
هتحبيكي يوما ما .. لما يكون يوما ما هذا مع الله يا فتاة :))!

واحد قريبي وحصل قبل كدا كلام بينا ..لكن انا بعدت وكل شويه يرجع يكلمنى تانى وانا برضو بجاهد نفسي وببعد.. وهو مش راضي يسبنى فى حالى ومحدش يعرف ..ومعنديش حد يقفلو وبما انو قريبى ف مكتوبيلي ان هافضل اشوفو طول عمرى ! وانا تعبت من كتر الفتن اللى بتعرضلها اول مابشوفو ، فى قالولى لو كلمك تانى كلميه وصديه ؟؟

النوع دا عيل جدا ،
هدديه انه لو مبطلش يدايقك هتقولي لاهله ، عمك ، خالك ، زوج اختك ،
مافيش حاجه معنديش حد يقفله ، اي راجل ف عيلتك تحكيلة و يقفله.
و هتلاقيه بعد لإنه ذي ما قولتلك عيل!
متشليش هم و لا تلتفتي خالص.

علّمني شَيخي ..

amirahelmy’s Profile Photoآميرةُ حلمي ( الفآرِسَة )
وإذا عرَض لك أمران: أحدهما لله والآخر للدنيا، فآثر نصيبك من الآخرة على نصيبك من الدنيا، فأن الدنيا تنفد والآخرة تبقى.
- يا مساكين - !

قولى حاجة لسحر تانى مرة 🙁

يسوقها الله إليّ برسائلها و قلبها ، في الوقت الذي أحتاج ،
سخرها الله لقلبي الصغير ، رغم المسافات فهي قريبة كل القرب من روحي، ورب الكعبة.
سحر و أنا فقط من اناديها بهذا الاسم و إن كنت مقصرة معك تواصلا ، ف اليك دعاء يرفع كل ليلة بإسمك ، فهل يكفي ؟! :)

أميرة . امتا ابقي ظلمت خطيبي في حالة لو انا اللل عاوزة افسخ الخطوبة ؟

لو كنتي فاسخه بدون أي عذر، و كان نيتك من الأول غير جادة و استهزاء و مجرد عاوزه تفرحي بالفستان و يومين خطبة.
غير كدا ، لو بتستخيري و نفسيتك مقفوله و مش مستريحه أو فيه خصله مش قادره تتحمليها و سيء الطباع، فهذا كامل حقك و لهذا كانت فترة الخطبة.

قاعده ف اللجنه و صحابي بيغشوا و انا مبغشش والله بس كان فيه اجابه متلخبطه فيها و كنت هشطبها و لقيتهم قالوا ان الي كتباه و طلعوا صح كان حرام عليا ؟ ولا كنت اشطبها خالص طلاما سمعتها ؟

رزق ساقه الله اليك =D
بس ابقى انصحي اصحابك ان المراجعه بتكون بعد الامتحان مش جوه اللجنه مش فرح بنت اختهم هو 🐸

مخطوبه بس مش بنتكلم فون خوفاً من اننا نقول حاجة تغضب ربنا وملتزمين بحدود الخطبه الحمدلله لكن خطيبي بيقعد فتره كبيره علي ما بيجي عندنا مثلا شهر هل دا طبيعي ؟

غلط ، فترة الخطوبة للتعارف و اختبارات ردود الفعل ع الحدث و المواقف ، اتكلموا و جنبك محرم ، افتعلي معه اسئله عشان متتفاجئيش و يضيق حالك بعد الزواج.
و بردو بدون تعدي حدود و ظبط الضوابط.

اهل خطيبي بيتحكموا في حياتي و تصرفاتي و دايما يقولولي لا كدا مش هتفعي و اتغيري فكذا و دا مش مقبول و قربت اتخنق وانا مبعرفش ارد او اخد موقف

مافيش حاجة اسمها مبعرفش ارد،
دا أولا .
ثانيا انت مش مخطوبة لتحفة أثرية ، اتكلمي مع خطيبك ف النقط دي و عرفيه انتا بتأذيكي نفسيا و هو يتصرف مع أهله و يبلغهم أمرك ،
و لو مأخدش موقف ف انت هتتعبي قدام جدا و هتتأذي في أكثر من ذلك و هيتدخلوا أكتر ف حاولي توازني امورك و تستخيري مرة و اتنين و عشرة و تنظري لأمرك.
و نصيحة ع جنب ، خلي ليكي جانب ناشف شوية و قوي حتى لو سكوت وقت جمع لو معجبكيش الكلام ، المهم يعرفوا انك بتعبري عن الأمور السلبيه و ميتعدوش حدودهم معاكي.

Next

Language: English