@AmiraMostafa_97

Amira Mostafa

Ask @AmiraMostafa_97

Sort by:

LatestTop

مبروك التكليف التأمين الصحي بالجيزه، رغبه اولي 😊💪 💎

الله يبارك فيك
شكرًا ليك 😊
وربنا يكتبلنا الخير جميعًا ويراضينا بيه

Related users

ايه ياميره حابب اعرفك بجد

ماهو حضرتك ماوضحتش حابب تعرفني ليه
لإنه مبدأ التعارف بالنسبة لي من غير ضوابط رسمية ده مرفوض
سواء كان التعارف ده على أرض الواقع أو السوشيال ميديا

+ 1 💬 message

read all

جماعه ممكن اخد رأيكوا ف حاجه علشان للأسف مفيش اصحاب ☹️ انا دلوقتي متقدملي عريس انا مش عارفاه عموما بس اهلي شايفينه مناسب وكويس وبيقولولي اقعدي معاه انا مفيش حد ف حياتي بس مش حابه اقعد مع حدوحاسه انه لسه بدري ع الجواز وخايفه يكون زي مااخويابيقولي بضيع حد كويس من ايدي لمجرد كلام مالوش لازمه اعمل اي

احساس إنه لسة بدري ده بيبقى إحساس طبيعي عشان المسؤولية كبيرة وتخوف
فاسمعي كلام أهلك واقعدي معاه وبعدها صلي استخارة وشوفي إنتي مرتاحة لإيه
وعامةً لو فيه حاجة من نصيبك هتاخديها ولو الحاجة راحت يبقى مكنتش نصيبك من الأول

فكره ان البنت ترتبط بشخص قدها في السن عادي ولا يعتبر كده عيل؟!

عادي
وإن كنت أُفضل إن يكون فيه فرق سن

ربنا يعوض صبرك خير 💖

أكتر دعوة محتجاها والله
آمين من كل قلبي

فساتين سك ولا واسعة؟

بصي أنا عارفة إن الفساتين الصك بتطلع الشكل جميل
بس البسي فساتين واسعة التزامًا بأمر ربنا وهتبقي جميلة برده ❤

يعني ايه مجاهرة بالمعصية؟

يعني ببساطة إن الواحد يعمل ذنب بينه وبين نفسه وربنا يستره عليه، ويروح يقول أنا عملت الذنب الفلاني بنوع من عدم الإستحياء

نفسي اتجوز

ادعي ربنا إنه يغينك بحلاله عن حرامه وبفضله عمن سواه
وفيه دعوتين العلماء ذكروهم للي عاوز ربنا يكرمه بالزواج هما دعوة سيدنا موسي "رب إني لما أنزلت إلي من خير فقير" ودعوة سيدنا ذكريا "رب لا تذرني فردًا وأنت خير الوارثين"

لو بتحن لشخص و انت مع شخص تاني ، يبقا دا اسمه اي؟

هو مفروض ميحصلش
بس ساعات وقت الخلافات بالذات اللاوعي بيقارن بين الإتنين فممكن وقتها يحس بالحنين أو يحس إنه لو كان التاني موجود مكنش هيعمل كده
وده بيبقى أحد أساليب خداع الذات
فمفروض الإنسان ميصدقش الإحساس ده ويبقى مخلص للي معاه وميخنهوش حتى بالتفكير
وطالما قرر يكمل مع حد يبقى يرمي أي حاجة كانت قبل الحد ده
احترامًا لنفسه واحترامًا للي معاه
ولو مقدرش وفضل شعور الحنين ده مسيطر
يبقى مفروض يراجع نفسه لإنه بنسبة كبيرة هو كده بيستبدل شخص بشخص ومعندهوش شعور صادق أو حقيقي تجاهه

ليه بنحاول وإحنا عارفين إنه مينفعش ..؟

islamnasf’s Profile PhotoIslam Nasf
عشان بيبقى عندنا ظن إن يمكن المحاولة دي تجيب نتيجة
وعشان للآسف الإنسان بيحب الحاجة الصعبة اللي بيبذل عشانها مجهود حتى لو المجهود ده هيآذيه المهم إنه ياخد اللي عاوزه
وده سوء تقدير للذات
فيه فرق بين إن الانسان يعمل اللي عليه لحد آخر لحظة
وبين إنه يستنزف نفسه في حاجة عارف إنها مش هتجيب نتيجة

+ 4 💬 messages

read all

اصعب فتره الإنسان ممكن يمر بيها هي فتره الجيش لأن الواحد بيبقي لوحده ومنسي

مش لوحده لإن ربنا معاه
ومش منسي لإن دعوات أهله وأحباؤه بترافقه
هي فترة صعبة فعلًا وفكرة إن الحياة بيبقى أشبه بإنها معمولها pause دي حاجة مش سهلة
بس هتعدي بإذن الله

+ 3 💬 messages

read all

لو حد كذب عليكي بتسامحيه ولا لا

هسامحه آه بس بشرط إنه ميتكررش الكذب ده تاني وأعرف في الأول هو كذب ليه

د. أحمد خالد توفيق اختصر كُل احتياجات الشخص في جُملة: ‏"لا تختارني لأنني الشخص المُناسب أو لأنني الخيار الأفضل، أُريدُ أن أكون الشخص الذي تُصرّ عليه رغم كُل السوءِ الذي تراهُ فيه." 💙

ممم أعتقد إنه العبارة مش لدكتور أحمد خالد توفيق لإنه كتير من العبارات بتنسب ليه وهي مش ليه، وكتير منها بيبقى جاي في سياق قصة أو بيخدم حوار معين وبيتاخد الاقتباس على غير معناه
بس عامةً أنا مش متفقة مع المقولة دي مع احترامي لصاحبها
لإن احنا فعلًا يوم ما بنختار بنحاول نختار أنسب شخص لينا أو اللي نقدر نتوافق معاه "قدر الإمكان" ده أولًا
وثانيًا العبارة فيها نوع من الرومانسية شوية أو عدم الواقعية، لإنه لما أكون أنا شايف سوء في شخص معين وأصر عليه، فده مش هيضر حد غيري ومجيش أغني ظلموه بعد ما السوء ده يطلع عليا
لكن الصح إني أشوف نفسي هل هقدر أتماشى مع العيب ده وأتحمله ولا لأ
لكن الإصرار لفكرة الإصرار في حد ذاتها فده مش صح

جماعه لو حد صاحبك مخاصمك بقاله كذا سنه وجه عزمك ع فرحه هتروح ولا لا

هو لو صاحبي ومخاصمني كذا سنة، فده معناه انه مش صاحبي لإنه مفيش صاحب بيهون عليه صاحبه كل ده
بس هروح الفرح عادي لإن ده الواجب ودي الأصول

الحب ولا الشخص المناسب.

هو مش الحب المفروض بيبقى للشخص المناسب ولا أنا بيتهيألي ؟ 😂

العلاقات مش قسمة و نصيب .. اللقا نصيب .. انما التكمله اختيار.

لا العلاقات باللقا بالتكملة كله على بعضه نصيب وتوفيق من ربنا
بس كأي حاجة في الدنيا لازم الواحد يسعى ويعمل أقصى ما يقدر عليه فيها
كملت بقى أو مكملتش فده توفيق من عند ربنا

تفتكروا التنازلات اللي بنقدمها عشان المركب تمشي ده مبدأ صح

لازم تنازلات
ولازم تبقى من الطرفين
بس مينفعش تبقى عمال على بطال ده أولًا
وثانيًا لو تقديم تنازل اتكرر في حاجة معينة فأعتقد ده يبيقى إشارة لحاجة ما ينفعش نغض الطرف عنها في سبيل إن المركب يمشي

ممكن نقابل شخص يخلينا نحب الحياه تاني؟

هو ممكن آه
بس الفكرة إنه مينفعش نستنى شخص هو اللي يحببنا في الحياة
المفروض إن الواحد يكون عنده اكتفاء ويبقى حابب الدنيا من ذاته
عشان لو الشخص ده مجاش لأي سبب ما أو مشي الحياة متنهارش
يعني ببساطة متربطش الحياة بشخص

Next

Language: English