عن الفقد ، تحدّث :

عن الفقد !
.
.
سؤال جذبني عشان أجاوب عليه ، أنا فقدت أبوي وانا ب ٢ متوسط تقريباً وانا آخر ولد وتحتي اختي ، كان أبوي يدلعني وكان اللي يضربني مايخليه ابوي ، واقسم بالله اللي لا إله الا هو إني ماعصيته بكلمه إلا مره كنت تعبان وكان يبغي يروح المزرعه وقلت له تعبان ، والى اليوم و الى بكره أبكي ندم لان مارحت معاه لان حسيت كان محتاجني ، أبوي كان كبير بالسن وكان فيه السكر ، اذا تعب ابكي وياخذوني خواتي يخبوني عشان ماتشوفني امي أبكي على ابوي لان تعبان ، كان بس يناديني انا و امي واحياناً خواتي ، كنت أنسدح بالصاله وافتح باب غرفته عشان اذا ناداني اسمعه ، واشوف ايش محتاج ، قبل شهرين تقريباً شفت الكرسي المتحرك اللي يجلس عليه اذا بطلع اوصله فيه للحلاق او مكان يبغي يروح له ، وبككككيت يوم شفت الكرسي ، عندي الى الحين غترته وللحين ريحه الدهن والعود فيها ، واقسم ب اللي خلق السماوات ان فقدت كلمه يبه ، فقدت اناديه ، فقدت حسه ، فقدت صوته ، فقدت حنانه وطيبته ، فقدت اشياء كككثيره ولما يهاوشني اسكت ، لان ما هاوشني الا انه يبغي مصلحتي ، وكان ياخذني معاه المسجد لان هو اللي يأذن فيه ، اصلي معاه وانا ساجد اسمعه يقول هذا الدعاء ( اللهم وفقني ووفق عيالي وازرع فيهم الخير والبركة واسترني واستر عيالي واغفر لي انك غفوراً رحيم ) ، واتذكر اني امسك يده اذا بينزل من على الدرج واحس ب خشونه يده وتجاعيد السنين ، ابوي كان وحيد امه و ابوه ، يعني ماعني عمات او عمام ، تعلمت منه اصبر مهما يصير لي ، اذا تعب كان يقهر التعب ويقوم ، قبل نشتري له كرسي الصلاه كان يصحى بدون منبه وكان يقوم ويتوضأ ويصلي تحت الجدار عشان يتسند عليه ، مستحيل انسى نبره صوته واهو يناديني ، مستحيل انسى عطره ومسكه اياديه ، والله لو الدموع ترجعه ، راح ابكي بدل الدموع دم ، وكنت اذا ابكي ، اخبي وجهي وكل اشوي اقلب مخدتي لانها تصير بارده من التكييف والدموع وكنت انام بحرقه واقول يمكن عند ربي مرتاح بدل تعب هالدنيا ومرض السكر الي لعوزه ، وبقول لكم والله العظيم مافيه مثل فقد الام او الاب ، واللي امه او ابوه متوفين اللهم يرحمهم واللي ابوه و امه موجودين ، قوم بوس راسهم واحمد الله على النعمه اللي انت فيها ، والله يصبر قلبكم وتذكروا صبر الحوراء زينب عليها السلام على مصايبها وراح تتحملون وتصبرون ، ♡
.
.
.
يبه والله فقدت هالكلمه اقولها لك ، بس سامحني لو عصيتك بيوم ولو اشيلك على راسي ما اوفيك حقك والله يرحمك ويسكنك فسيح جناته يارب ♡
.
.
#عمار سالم البلادي ،

View more

قاسم@qasimalshaiban
سارآ•❥@sara__000
RS ☤ .@m_o7_yas98
مـشــعـل@mishaalbojbarah
SR'♋@sar7med
أمل .@amalamool
ولا شي٢.@fa700
Hedayah AL_Essa@Hud22hu22
فاطمه .@fa_darwish
دوچ@Deemexicano
fatom2li@fatom2li
ريما .@Reema_haj
Next