الاغتصاب في الدولة عقوبته السجن المؤقت لكن إن أدت الجريمة لموت المجني عليه الإعدام يكون حق على الجاني ؛ أما اذا كان الاغتصاب لطفلة يقل عمرها عن ١٤ الإعدام هو الحكم أتوقع 🤔
تسلميين حبيبتي الله يبارك فيج وينفع بج 💚💚💚 وانا ييت مخصوص عشان اخذ رايج الله يوفقج ويسعدج
ربي يسلمج ويحميج من كل مكروه ويسعدكم .. الغالية العرس مب مواقف تضحك أو قربج من شخص فترة وعقب ابتعد عنه لانه ما عيبني رأيه أو تجادلنا في أمر وخلاص انهي حياتي كلها وابتعد !! حطي في بالج انها عشره عمر وتصبرين وتتفهمين كل حركة تكون منه ومن ناحيته نفس الشي .. حياتكم الحينه عباره عن حبل ان كلكم شديتوا وعاندتوا فنفس الوقت بينقطع الحبل وبيتناصف ، ان شد شخص بينكم الطرف الثاني لازم يرخي وان شد وإنني على حق تريي عليه لين يهدأ وعقب ناقشيه عشان تستمرون وتوصلون لايام حلوة وترضيكم بذن الله 👌🏻♥️
تسلمي ،، خطيبي قالي ما يباني اشتغل بعد الزواج ☹️ وهو يعرف اني ادرس عشان اشتغل طبعاً .. شديت حيلي فدراستي وايد معدلي عاالي واحب تخصصي واتمنى اشتغل حاولت اقنعه باي طريقه وماصار قلتله على الاقل نجرب واذا قصرت فحقك مستعده اطلع .. مع العلم تزوجنا عن حب وما اقدر اخليه عشان هالسبب
يسلمج ربي ويحميج من الشر .. فالبداية ( اول فترة للزواج أو الخطوبة ) عن نفسي اايد فكرة إنج ما تشتغلين، لكن عقب الزواج عقب فترة معينة لو عادي عنده تشتغلين يكون شي طيب .. انتي شوفي رأيه وناقشيه لا تفرضين رايج وانه شعنه ما تباني اشتغل ؟! تخبريه عن السبب بأسلوب وشوفي رأيه فالشغل بشكل عام هل الرفض بسبب المكان ولا التخصص لي انتي تدرسينه .. ان ودرتيه لهالسبب حرام وغير عن جذه بتكون عقليه يأهل أني ابتعد عن نصيبي لان تجادلنا فموضوع ممكن انه يتم عقب فترة من الزواج .. اذا تبين رايي شوفي رأيه وأسبابه واستخيري بموضوع الدوام ما تعلمين شو يستوي وعقب فترة ردي شاوريه عالدوام عقب ما تفهمين عقليته وفكره أكثر من هالناحية .. وما بقول غير عسى الله يوفقكم ويحميكم ويبعد عنكم كل عين وحاسد ومكروه والله يسعدكم ويخليكم لبعض ي رب 😭♥️♥️