@amrrhadhoud

AMr R. AbdAllah

Ask me anything Follow
Ask @amrrhadhoud

Sort by:

LatestTop

نجيب اول عميل على خمسات ازاي ناشرة الخدمة من فترة ومفيش عروض وموثقة الحساب

معنديش فكرة أنا مشتغلتش Freelance ومعنديش خبرة مع النوع ده بس ممكن تاخدي لفّة في إنستجرام أو تيك توك أو يوتيوب هتلاقي كتير بيتكلم في الموضوع ده .
1
Liked by: 死神 The Terrible But Not Ivan

Related users

Muhamed162’s Profile Photo 死神 The Terrible But Not Ivan
amrrhadhoud’s Profile Photo AMr R. AbdAllah
ProffMuhammad’s Profile Photo Muhammad Mamdouh
Aryal0’s Profile Photo حنين مطفية
nonnnn_8’s Profile Photo Marbella⁦♡
shahenazahmed31’s Profile Photo şħάħέήάž ..♡
AmeerAli524’s Profile Photo AMİR أم͠ي͠ر ‏
ebtsamerman’s Profile Photo إبتساآم❤
erenyromany9’s Profile Photo Not Ereny Anymore
hiitisahd’s Profile Photo ahd
AbdullRaahhmaan’s Profile Photo عبدالرحمّن.
rofydarofa7’s Profile Photo رُفيدة.

Drop a thought :

whatafterthis321’s Profile Photoٰ9.
ملاحظ تطوّر وتغيّر جذري في شخصيتي ونزوع نحو نسق حياة هادئ وخالي من المناوشات والصراعات صفرية المحصلة كنت لفترات طويلة عاطفي ورقيق وجلدي كان سهل الخدش وبهتم بشكل أو بآخر برؤية الأخرين وتصوراتهم عني ، حاليًا اكتسبت جلد سميك صعب الخدش ورؤيتي لنفسي ولأفكاري ومشاعري مختلفة تمامًا وثنائية الثقة والحب جنبًا إلى جنب كمحركات رئيسية في حياتي، الثقة في النفس بالإجتهاد والعمل وإستغلال نعم الله من عقل وصحة وحب وتقدير شديد للنفس وللآخرين من حولي ، اندفاعي انعدم تمامًا وبنسحب تمامًا من أي حاجه بتسبب قلق ومشاعر سيئة ، بقيت انتقائي في اختياراتي لأصدقائي وبقيت حذر ف تعاملاتي لأن كنت بتعامل بنقاء وبقلب طيب ولكده ديمًا كنت بستقبل صدمات ، كان صعب ومستحيل أنهي علاقة خصوصًا مع الأشخاص ال بيني وبينهم رصيد من الذكريات والمواقف ، حاليًّا بختار راحتي مع أشخاص مريحين ، ومبسوط بدرجة عالية يعني .

+ 2 💬 messages

read all
3
Liked by: حنين مطفية رُفيدة.

بتشبه اوي ممثل مثل مع اماندا بينز في فلم Sydney white

مكنتش عارف الفيلم وبصيت الى ريفيو سريع بس لو بتقصدي تايلر فأعتقد مفيش أي تشابه .. هو وسيم جدًا وملامحه مختلفة ولون بشرته وفتلة شعره.

+ 29 💬 messages

read all
2
Liked by: حنين مطفية ٰ9.

لو فيه عريس متقدملي وعاجبني أوي ومفيهوش غلطة حرفيا وأهله كويسين جدًا بس جيت أراقبه و أشوفه عامل فولو لمين عالسوشال ميديا لقيت متابع نسوان كتير ورقاصات و بيعمل لايكس ل بنات لابسة دريسات مكشوفة ورجليها كلها ظاهرة هو كده طبيعي بس الكلام دا قبل ما يتقدملي هل فيه أمل يتغير بعد الخطوبة ويغض بصره

صعب جدًا أحكّم بشكل قاطع عليه البشر!كائنات معقّدة واخنياراتنا غير مفهومة ونسبية ووارد ترتبطي بشخص يبدو إنه ملتزم أخلاقيًّا وعنده كود أخلاقي ومرجعية دينية وبرغم ذلك ممكن تتصدمي بشكل مرعب وممكن تعرفي ولد يبدو عليه ظاهريًّا انه غير ملتزم وتكتشفي انه رجل بمنظومة أخلاقية قوية .. اختياراتنا الحقيقة مشكوك طول الوقت في صحتها وفي ناس بنحبها ونعاشرها عمر طويل ونتصدم فيهم فمناط المفاضلة إذا إنت مرتاحة وقادرة تتغاضى عن "العيب" ده فممكن تديله فرصة ومتتوقعيش كتير في فترة الخطوبة منه الأمر بسيط فترة تعارف بينكم وأكيد مش هبرر وأقول إن ده العادي عند أغلب الشباب لأنه بالنهاية سلوك مش أخلاقي بحسب مرجعيتك الأخلاقية .
2
Liked by: حنين مطفية ٰ9.

⁰

whatafterthis321’s Profile Photoٰ9.
في رحلة تعلّمي بحقق معادلات صعبة وتقدّم سريع وفهم عميق لكل مادة علميّة أو كورس أو كتاب بعدّي عليه وده بيأكدلي إني صاحب عقل حيّ ونشِط ، نظرتي التحليلية لأعقد الموضوعات وفهمها وقدرتي العالية على الإستنباط بتقول إن في ذكاء وسرعة بديهة واضحة ورغم كوني خارج من تجارب حياة شاقة ومرهقة وظروف نفسيّة وظروف إجتماعية بتقتل أحلامي من المهد لسه قادر أعيش بروح مقاتل قادر أبحث عن قيمة حقيقية أحققها ، قيمة مجرّدة وخالية من النزعة الإستهلاكيّة ، لكن في خط سير حياتي وعلى الضفّة التانية في شئ مقيّدني:بملك قلب رقيق ، أرَّق من الحياة ، وتصوراتي عن العالم والأخلاق أفلاطونية ومثالية ، قلب كان محتاج إحتكاك بالواقع وتجارب حياة قاسية ومشاعر مضطربة وصدمات وخيبات أمل تقوّيه ، قلب طفل كان محتاج يكبر ويواجه العالم بفساده وعشوائيته ويطوّر درع يحميه قلب نبيل كان محتاج يتجرح من أقرب الناس وأحبهم عشان يتعلم ، ولليوم قلب الطفل ده بيؤثر على جودة قرارتي،قادر يعطلني ويحسسني بهزيمة ويدخلني في انفينيتي لوب من الإكتئاب والسلبية وعقلي بدوره بيعيد شريط ذكرياتي قدامي في جزء من الثانية بس أكيد عند نقطة ما هقدر أخلق توازن حقيقي ، وقتها هقدر أقول إن الطفل ال جوايا خلاص قدر يكون رجل صلب.

View more

+ 10 💬 messages

read all
2
Liked by: حنين مطفية ٰ9.

-

whatafterthis321’s Profile Photoٰ9.
"أحيانًا بشوف حيواتنا شبه لعبة الحروف المتقاطعة ؛ ممتلئة بالفراغات ؛ بنحط حرف جنب حرف جنب حرف عشان نطلع بكلمة تدي مدلول يشاور على معنى يحسسنا بقيمة ؛ بازل كبير ومعقد بنحاول نجمعه بملئ الفراغات ؛ بنملى الفراغات بشوية مشاعر ممزوجة بشوية طموحات وأحلام ؛ وأحيانًا بندور على احتياجات ملهاش لازمة عشان نملى بيها الفراغات ؛ وبجد بحس إننا كائنات هشة أوي وضعيفة لأن كل اللف والدوران والبحث هنا وهناك مجرد محاولة هروب من الشعور بالملل مش خوف مش وحدة مجرد شعور بالملل ويمكن الشعور بالملل هو المحرك الأساسي للإنسان مش الخوف ولا الرغبة ولا الحب ولا الشغف ؛ يمكن سيزيف نفسه كان حاسس بملل فقال انا قاعد بعمل ايه؟ فقرر يمعنن حياته ويديلها قيمة بعذابه الأبدي؛ يمكن سيزيف بس كان حاسس بملل؟ويمكن شعوري الدائم بإنعدام جدوى الأشياء مجرد شعور بالملل؟ يمكن هلاقي قطعة البازل الناقصة لو بس اتخلصت من شعوري الدايم بالملل"
17
10
Liked by: حنين مطفية Mayar ﷴ ̨حۡــمۘــدېْۧ Geka ♠️SHADOWS OF NIGHT♠️ leli ABU✘RYA Rahf Masadeh ꪖ 死神 The Terrible But Not Ivan

-

husseinivyy’s Profile Photopew pew!
فخور بنفسي لأني لفترات طويلة كنت بقاوم بصلابة شعوري الدائم بالاحباط والسلبية ، فخور بنفسي لأن برغم مرور أيام صعبة حطمت جوايا تفاصيل حيوية كنت صامد وصابر وبناضل عشان أخلق معنى وقيمة وأعيد ترتيب تفاصيلي من جديد بقدرة غير عادية على المقاومة وبإقبال شديد على الحياة ، فخور بنفسي لأني قادر أحلم في بيئة ومجتمع بتموت فيه أحلامنا من المهد ،فخور بنفسي لأني لسه قادر أقاوم شعوري الدائم بالملل والرتابة بالمحاولة والبحث والتخبط هنا وهناك ، فخور بنفسي لأني عارف إنه مهما توالت عليا الأزمات والعقبات هواجهها وهتخطاها بإيمان شديد بالله وبالنفس ، إيماني بالله وبنفسي كانوا طوق النجاة وخيط النور ال بينورلي الضلمة ، لفترات طويلة كانت كل المعاني زايفة وملهاش قيمة، وكانت الوان الحياة باهتة في عيوني ، وبينتهي لفي ودوراني وبحثي عن معنى بإحساس باليأس واللامعنى ومن طريق مسدود لطريق مسدود لإنحراف عن الطريق ، وعلي الضفة التانية شبح الإكتئاب بيطاردني وبيشوه جوايا كونسبت السعادة و بالتدريج ومع الوقت بتنزوي وبتتلاشى السعادة تمامًا ورؤيتي للأشياء كل الأشياء بتكون واحدة ، مفيش سعادة مفيش معنى ، وشعور كامل بالملل بيقودني للإنهيار والتفكير في الإنسحاب من الحياة وألمها شبه الدايم ألف مرة في اليوم ، والمعادلة بيكون كل أطرافها ونتياجها حزن وفقط ، حزن اتضاعف الف مرة بخسارة صديقة وحبيبة عزيزة على قلبي في توقيت كان صعب عليا واتهزت بعدها كل ثقتي في الأشخاص من حواليا ، خسارة سببت ليا شعور دائم بالوحدة والألم والغضب وشعور اكبر بالسخط والتمرد على التجربة ككل ، انسحاب غير متوقع في توقيت غير ملائم وبطريقة غير مفهومة وكعادة كل القصص الإستثنائية بتنتهي بنهايات مأسوية وبنفضل عايشين على ذكراها وعلى أمل تكرارها وبنفضل محملين بعدد لا نهائي من التساؤلات وبشعور بالخذلان وخيبة الأمل ، لكن بمرور الوقت وبتراكم الخسائر والتجارب كنت بتحول لشخصية أكثر هدوءً وحكمة وبرقابة ذاتية وضمير حي كنت براجع نفسي وأهذبها ، شخصية مدركة انه مهما كان ال جاي عليها صعب ومعقد هيعدي،هيعدي بالصبر والتركيز مش بالصوت العالي والدوشة، هيعدي بذكاء وحكمة وتقل مش بغضب وانفعال ،هيعدي بالفهم والدماغ مش بالعضلات.. هيعدي بفضل ربنا وكرمه

View more

11
Liked by: حنين مطفية Mayar Geka ندي" Rahf Masadeh ꪖ ٰ9. pew pew! Nour عبدالرحمّن.

نفسك في ايه دلوقتي؟

whatafterthis321’s Profile Photoٰ9.
Being dead ,look at the world around you. It’s chaotic, it’s messy, it hurts. When you’re dead you don’t have to deal with it. You don’t have to feel pain. You don’t have to feel heartbreak or misery or grief or anxiety.
2
Liked by: Mayar ٰ9.

Is it possible for science to explain an infinite regression of causes, or is the concept of God necessary for this explanation?

انا لما بجاوب علي الأسئلة ده اوت اوف نو وير بيتقال عني ملحد وتقريبًا محدش يعرف اني جوايا سلفي صغنن وتكفيري*
1
Liked by: ٰ9.

Next

Language: English

4.1

1,266,418 reviews
© Ask.fm 2024