Ask @anafrandooo123:

__for this evening 🌸🖤

E N G Y
في برنامج قديم ونادر لمفيد فوزي مع عمرو دياب سأله : إنت ليه طلقت شيرين رضا ؟
إبتسم عمرو وقاله : قسمة ونصيب .. رد مفيد فوري عليه وقاله : قسمة ونصيب دي عبارة سينمائية خالص إنما أنا عاوز إجابة .. الطلاق سره الحقيقي إيه ؟
جاوبه عمرو وقاله : سره الحقيقي إن لازم يبقى فيه ريس في البيت .. ريس واحد للمركب .. مش ممكن يبقى فيه اتنين عشان هتغرق .. فأنا فضلت أبقى لوحدي
ودي كانت الإجابة القاطعة اللي وضحت شخصية شيرين رضا كزوجة عاوزة تتريس ومبتقبلش المشاركة وعاوزة تنفرد بالقرارات .. وهي دي نقطة الخلاف الحقيقية
دايما بقول الحياة الزوجية مشاركة .. تفاهم .. محبة وود .. ولازم الزوج يشارك مراته معاه في قرارته .. وياخد رأيها ويدرسه بعناية كمان ويسمع منها .. لكن بعض البنات بتفهم الكلام ده غلط وبتبقى عاوزة تقلب المشاركة دي نوع من أنواع المريسة .. وإن لازم كلامها هو اللي يمشي ولو معملتش كده يبقى إنت بتلغي شخصيتها ومش حاببها وشايفها نكرة وأشياء من هذا القبيل
الزوج هو العمود الفقري للبيت .. والست هي الرئة بتاعته .. والعمود هو اللي بيبقى شايل كل حاجة فوق كتافه .. والراجل بطبعه قيادي .. والقيادة بتفرق كتير عن الإدارة ..إنك تبقى قائد غير إنك تبقى مدير .. القيادة فن ومشورة وسماع لآراء وأفكار وذكاء .. وده اللي بيعمله الراجل الذكي مع مراته .. انه يشاركها معاه وده يبقى قمة النجاح ودعم الست وانه يخليها تحس بذاتها .. لكن محدش طلب من الست إنها تكون ريسة البيت في وجود الزوج .. مينفعش .. لا فسيولوجيا ولا نفسيا ولا جسديا ولا شرعا حتى ينفع .. الست ليها مشاركة فعالة باعتبارها شريكة أصيلة مع الزوج وده حقها .. أما إنها تكون صاحبة قرار منفردة يخص البيت في وجود الزوج معتقدش إن فيه زوج يقبل كده
يا معشر الستات إنتوا مش نص المجتمع إنتوا المجتمع كله ..وسبب بقائه واستمراره .. فمتخلوش البرامج تلعب في دماغكوا ولا مذيعين عاوزين تفاعل يدمروا حياتكوا ويقلبوا الغلط صح والصح غلط

View more

مشاعر من قلبك لاحدهم .... ❤

حقيقي الخبر كان مؤلم جدا بالنسبة لي لأني حبيت هيثم اوي ...
هيثم زكي كان بالنسبة اللي حالة اتعاطفت معاها انسانياً قبل كونه ممثل ..
حظه في الدنيا قليل اوي .. معاش مع امه العمر الكافي وماتت وهو صغير .. ابوه وشغله كان واخده منه ومشبعش منه لحد ما راح يحصل حبيبة عمره هالة فؤاد .. وكأنه هو كمان مستحملش أكتر من كدا عشان يبقي معاهم وجنبهم ..
شعور محزن جداً .. شاب ملحقش يكونله ابن يحمل اسمه ، اسمه اتقطع واسم احمد زكي محدش هيحمله من بعدهم وكأنها حدوته مش هتفضل إلا ع لسان الناس ..
مات ومحدش جنبه .. محدش لحقه ، ولا لحق يوديه مستشفي او اي حته
انتفاضت الممثلين ع الخبر وكأن أحمد زكي مات تاني ..
هيثم اعماله تتعد ع الصوابع .. ودا لانه ملحقش ابوه كتير ..إلا وكان زمانه من ضمن الممثلين الشباب المشهورين اوي واعمالهم كتير ..
لكني بعتبره كبير .. كبير لانه عانى جدا .. اتحاسب اكتر ما اتجامل او من اي كلمة حلوة اتقالتلوا ..
هيثم عانى من كونه ابن احمد زكي اكتر من كونه استفاد .. لان احمد زكي كبير أوي ..
اتظلم بالمقارنة طول الوقت .. لدرجة ان الناس كرهته لانهم عاوزين منه احمد زكي مش هيثم ..
بدأ بحليم .. وظروف الفيلم كانت صعبة وشايف ان كبداية وظروف الفيلم وكل حاجة تقول ان ادائه مقبول جدا ..
البلياتشو فيلم مخدش نصيبه في السينما لكن كان ليه جماهيرية كبيرة لما اتعرض ع التلفزيون ..
هيثم كان بيقعد فترات طويلة بين كل عمل وعمل من كثرة الانتقادات..
هيثم استني حد يقولوا ناقصك كذا او كذا انما الكل كان بيقول ناقص تبقي احمد زكي وتبقي ممثل شاطر ..
دوره في السبع وصايا كان روعة الروعة بجد واتحب جدا .. وفي سكر مر كان لطيف وكلبش من الناس اللي نزلت بوست بتشيد بأدائه ..
لكن ازاي منسفش ومنهاجمش .. نهاجم واحنا مش فاهمين .. نحكم بالوحش مش عشان هو وحش بس عشان غيرنا حكم بدا ..
كان بيستعد لكابوريا 2 واللي كنت اتمني اني اشوف عمل زي دا .. رغم كم الانتقادات اللي خدها بعد الخبر قبل ما يبدأ اساسا واللي كان هياخدها بعد بردوا ..
هيثم ديماً كان بيستخبي انه ابن احمد زكي وبيخاف من المقارنات لأنه عارف الفرق الكبير مش بينه وبين ابوه بس لا .. دا بين احمد زكي واي ممثل ..
هختم كلامي بجملة اللي تابع هيثم في برامج ولا ركزله في مشاهد بسيطة هما اللي هيفهموها كويس ..
هيثم كان بيبعد عن احمد زكي..لكن لو كان فكر يقرب منه كان هيبقي اقرب واحسن من ادي أحمد زكي ..
الله يرحمه ويغفرله ويسكنه فسيح جناته ❤

View more

__Night🖤__

Menaa
هو الموضوع بيبدأ بالوهم الخالد عبر التاريخ عندنا في جملة " اتعب في الثانوي هترتاح بعدين "... لا انت مضحوك عليك انت هتتعب فيها و قبلها و بعدها عشان مفيش نجاح هييجي بسبب تعب في مرحلة معينة و خلاص كدة انا عملت مهمتي
عارف ايه المشترك بين التلاتة دول غير إنهم مصريين ؟ إن ولا واحد فيهم تعب في ثانوي و لا في التعليم كله اساسا بس وصلوا و نجحوا عشان الحياة العملية مش مذاكرة و سهر للشيتات و تطبيق عشان كويزات فيه فرص هتستغلها صح هتنجح ايا كان المجال اللي هتنجح فيه
حد هيقول هتساوي اللي بيلعب كورة في اوروبا بسرسجية اه هساوي عادي عشان راح و لا جيه هو لعيب كورة مجرد اداة ترفيه زيه زيهم
فكون انك بتقول يا خسارة تعليمي عشان واحد زي ده جاب عربية عينيك بتلمع لما تعدي جنبك فده مش ذنبه ده ذنب اللي اقنعك ان تعبك في التعليم هتتكافئ قصاده بالدهب و الياقوت ... النجاح مش مذاكرة العالم مش مثالي و الظروف اللي مستنيها تبقي مثالية عشان تنجح مش هتحصل فزي ما هما مسكوا فرصتهم دور انت عليها و لوم اللي اقنعك ان كل ما شهادتك بقت عالية كل ما فلوسك كترت

View more

نفس الهدف احنا مخللوقين لبعض خلاص🤣🤣🤣🤣

علي فكره مش بهظر انا بعمل خطه لاي حلم ف حياتي عشان اعرف احققه، الفكره مش ف انك تحلم الفكره ف انك ازاي هتحقق، ناس كتير عاوزه تبقا اغنياء بس محدش عارف هيحقق ازاي ف تلاقيه بيخبط لغايه مايفشل ويقول الموضوع طلع صعب، لا الموضوع مش صعب انت اللي ماخططتش صح واشتغلت بالبركه، انا عامل خطه لابني المستقبلي وراسمله طريق عشان يبقا لاعب كوره مميز زي مو صلاح مش زي مروان محسن لامؤاخذه😂

View more

+1 answer in: “‏سؤال :لو كان عندك هدف واحد بس لتحقيقه ايش بتحقق ؟”

‏سؤال :لو كان عندك هدف واحد بس لتحقيقه ايش بتحقق ؟

انا عندي احلام صغيره حاليا بتتحقق وفي احلام كبيره دي بعد الجواز بقا، بس لو كان عندي هدف واحد فقط هو ان يكون عندي ابن موهوب كوره وانا هوديه اكاديميه الاهلي، وباذن الله دي حاجه ناويها يعني طلع موهوب او مش موهوب هوديه برده لاني مجنون كوره وابني لازم يبقا لاعب كوره غصب عن امه😂

View more

+1 answer Read more

Space 💜

- أبونا
= خير يا إبني
- على فكرة أنا أول مرة أدخل كنيسة، أنا مُسلم
= مرحب بيك أنا الأب "سيربال" ، أي خدمة؟
- كُنت عايز حضرتك تعملي حجاب محبة عايز "نور" جارتي تحبني، و متشوفش حد غيرى.. عايزها ليا لوحدى
= فوق يا إبنى محناش بتوع الحاجات ديي أبدا، لكن أوعدك أصليلك
- يا سيدنا ، يا عم الشيخ يا يا أبونا، الموضوع ميستحملش تأخير
= طلبك مش عندى يا إبني
- طب على فكرة بقى المولد قرب، مفيش إحتفالات السنة دي ولا ترانيم ولا بخور ولا زعف، ومفيش مواكب فى الشارع.. ممنوع التجمهر؛ قانون طوارئ.
= عيب يابنى الكلام ده انت في كنيسة، في كنيسة سانت تريز.
- مش هى ديه بتاعة المعجزات! قولها.. قولها إن مفيش إحتفالات السنة دي لحد أما نور تحب حاتم.. إبن نعيمة.
#هى_فوضى ❤️ #خالد_صالح ❤️

View more

Morning space ✨

D "
ويل سميث في فيلم Focus كان شغال نصاب.
كان الهدف بتاعه ملياردير بيحب يلعب قمار، ويل سميث راهن الملياردير أنه يبص علي ملعب ال American football
والملياردير يختار رقم اي لاعب ف الملعب و صديقه ويل سميث هتقول رقم اللاعب اللي الملياردير اختاره.
(أنت متخيل حد بيراهنك انك تبص ع ملعب فيه كل لاعب لابس تي شيرت برقم مختلف ويراهنك أنه هيقولك ع الرقم اللي انت بصيت عليه !)
ويل سميث وهو بيشرح ازاي كسب الرهان ، هو وضح للملياردير رقم 55 اكتر من سبع مرات خلال اليوم، مره علي باب الاسانسير ومره مكتوب علي جدار في الفندق ومره علي ضهر مشجع في الشارع!
الفكره أن ويل سميث كان بيحشي عقل الملياردير الباطن ب رقم 55 عشان وقت ما يحب يراهن عقله اتوماتيك يستدعي الراقم دا.
دا حرفيا اللي بيحصل مع كل واحد فينا بشكل يومي،
عقلنا الباطن بيتملي ب اللي بنشوفه وبنقراه ، افكارنا هي انعكاس للي موجود في عقلنا الباطن ،فتلاقي واحد بيقولك انا مش لاقي شغل والدنيا مقفله ومحدش بيشتغل غير بوسايط، وتلاقي حد بيقولك انك مهما اجتهدت في شغلك عمرك ما هتوصل.
هما بيقولوا كدا عشان عقلهم الباطن متحاوط ب ناس بتنقل ليهم بشكل غير مباشر أن مفيش شغل وان المجتهد مالهوش مكان.
ف نصيحه "أهرب" من الناس السلبيه اللي دايما بتملي عقلك الباطن ب المشاكل والفشل واليأس،خلي عقلك الباطن مليان ب ناس بتديك أمل عشان وقت ما عقلك الباطن يستدعي مشهد معين، يستدعي مشهد فيه أمل.!

View more

Next