انا فرحي كمان سنه وشهرين في كليه طبيه شكلي حلو بس عندي مشاكل كتير شعري مش حلو و كمان مشعره بغزاره و كمان عندي حبوب في أماكن في جسمي و انا من عيله حالها مش اد كده وعلاج الحاجات دي غالي اوي والمشكله خطيبي نضيف و مكتئبة علطول ومبنمش من القلق والزعل وخايفه اتجوز وبفكر كتير افشكل ومتجوزش اعمل ايه 😭
سبها ع الله يدبرها افضل مما تتخيل ❤
ممكن تكلمي خطيبك انك محتاجة فلوس عشان تروحي للدكتور ومش لازم توضحيله انتي بتشتكي من ايه بالظبط
الحلاوه حلاوه الروح مش الشكل ولا الجسم💚
اشتغلي في الإجازة والمبلغ ده روحي عند دكتورة تجميل شاطره ظبطي وشك وشعرك والامور دي هي بتبقى عرفاها وهتساعدك بسهوله ابداي من دلوقتي قبل ما الدراسة تبدأ وخليكي دايما واثقه ف نفسك إنك تحسي انك أقل منه ف الجمال دي في حد ذاتها كارثه ومعظم العرايس كده وكلوا بيحلها عادي مش مشكله يعني لو إنتي من مدينة نصر وتعرفي دكتوره شهيره الغلبان دي كويسه جدا هتظبطك😅💙 ومبارك مقدما يا عروسه 😘
بصي خطيبك ده لو بيحبك يبقي يحبك بعيوبك ال انتي كارهه نفسك بسببها اصلا والا ميستاهلش انك تتجوزية.. انتي مش برجل واحدة عشان تبقي خايفة كده ال بتقوليه ده عند بنات كتير وهو لازم يتقبلة لو عايزك لشخصك اصلا فاهمة قصدي.. انتي حلوة واوعي ثقتك ف نفسك تتهز
كلميه وعرفيه الصراحه حلوه متخبيش عليه عرفيه وشوفي ردت فعله ايه نحن لم نخلق كاملين ..ولم نخلق للبحث عن الكمال ..كلنا عندنا عيوب الكمال لله واحده خليكي صريحه معاه اهم حاجه ....
انا من رائيى متقلقيش لان هى مش بالشكل ولا بالكلام ده كلو اهم حاجه شخصيتك وخطيبك لو كويس وبيحبك هيقبلك كده والمفروض تعرفى لو مقبلش كده يبقى مش بيحبك ومتتجوزهوش بس لو قبل يبقى بيحبك ومش هيفرق معاه ده كلوا
