موقف حصلك في حياتك كل ما تفتكره يخليك تضحك 😂😂

هُم كتير 😂😂
بس خليني احكي ع فترات 😂😂
_وانا 6 سنين جيت بقدم طبق عنب لخالتي جبتلها طبق كبير اوي *صحن 😹* وانا ماشية مبسوطة بنفسي اتكعبلت ف السجادة ووشي وقع ف الطبق 😂
_وانا 8 سنين رحت مشوار مع امي و لفينا الدنيا كلها و الناس كانت بتبصلي و تضحك و انا كنت طايرة 😂 اكتشفت اما رجعت اني لابسة شبشب فردة و فردة واحد بتاع خروج و التاني شبهه بالظبط بس بلاستيك 😂
_وانا 12 سنة كنت لسة بتعلم البس خمار و مكنتش بحط دبابيس خالص المهم و انا ماشية حاسة بطراوة ف قفايا لما روحت اكتشفت ان التربيعة بس اللي ع راسي و الخمار اتزحلق و نزل و قفايا باين 😂
_ف نفس السنة صاحب اخويا شاط الكورة الكفر ف حضني و علامة الكورة طبعت ع الخمار 😂😂
_في اولى اعدادي بقا الهوا خد الخمار و طار الحمدلله و جريت وراه .. اتمني ان ميكنش حد شافني ساعتها *ابتديت احط دبابيس بعد الواقعة الهباب دي
_في تالتة اعدادي قاعدة ع الديسك ومسمار شبط ف دريل المعهد بنط بكل ثقة دزززززز ... الدريل من الوسط للأخر خياطه اتفكت وللاسف كنت لابسة تحته بنطلون احمر 😂😂💔
_في تانية ثانوي كانت الدنيا طينة من المطرة و انا مروحة متكسرة و مش حاسة بنفسي الا ورجلي الاتنين خدوني زوحليقة ف الشارع و فضلت قاعدة مش مستوعبة لحد ما واحدة ست جت قومتني 😂
انا بقول كفاية كدة 😂😂
+2 answers Read more
بِـنْـتُ أَبيـهَا {لأجلِكَ}@Mohammed592