Ask @anastazia242:

Great space 💛

في فترة النت انقطع اسبوع .. لكم أن تتخيلوا يعني ايه لما تكون فاتح 24 و فجأة !!! .....
حقيقي أنا خدت الموضوع كتجربة لحاجة جديدة .. و اكتشفت حاجات كتير مش حاجة واحدة ..
_ اليوم بيكون طوييييييل بشكل انا مكنتش بلحظه ايام ما كان فيه نت
_ كان عندي عزيمة أكتر للمذاكرة على عكس وجود النت بيلهيني
_ جربت قعدة الاهل .. فعلا كانت من أجمل الحاجات اللي حصلت .. اللمة و ناخد و ندي مع بعض ع عكس لما بيكون النت موجود .. بننسى إن لينا أهل !
تخيلوا انا كنت كل يوم بتتأخر فيه الشركة عن توصيل النت كنت بحس اني فرحانة ، الله يوم جديد مختلف مع أهلي ..
والله العظيم والله العظيم لما رجع النت ورجعت ريما لعادتها ، من ساعتها وانا مكتئبة و حاسة بحاجة غلط .. حاجة ناقصة .. انا ف الاول كنت جاهلة سبب الحزن اللي جوايا .. و لما دققت اكتشفت اني ..
بطلت اذاكر باهتمام ..
روحي مفتقدة اللمة بشكل مش طبيعي ..
اليوم بيجري .. انا نفسي بحس اني مش راضية عن نفسي .. بحس اني انسانة مليش لازمة مبعملش حاجة مفيدة
اكتشفت ان الروتين و الملل و الحزن بسبب افتقادي لحاجات كتير السوشيال ميديا لهتني عنها ..
و حقيقي انا بشكر ربنا ان النت قطع و ان المشكلة دي حصلت عشان ينبهني و يوعيني للحاجات دي اللي انا كنت نفسيا مفتقداها ..
فنصيحة غالية محدش هيحس بقيمتها غير اللي هيطبقها .. النت مجرد جزء لا يتجزء من حياتكوا .. متخلهوش كل حياتكوا و شاغل يومكوا .. صدقوني فيه ايام هتتمنوا ترجعوها و مش هطولوها بعدين .. و في لحظات جميلة النت معكرها و مضيعها اصلا ...
الحياة من غير نت فعلا جميلة و هادية و جوها حلو و مختلف و مميز مش ممل خالص ..
مجرد نصيحة و انا اول من يطبق بإذن الله ❤
حبيت اشارككوا تجربتي كشخصية كنت بعاني من اكتئاب و بدور ع اسبابه و اكتشفت بعضها 🌸

View more

+3 answers Read more

أنا أعرف كتير عنها هيا تعتبر من بلدي بس المشكلة اننا ف نفس السن وأنا قدامي سنتين أنا الحمد لله قادر اتقدم بس لما يسألوني شغال اي هقولهم اي لسا بدرس!!

امممم طيب بلاش تتقدم انت ممكن تكلم اخوها او والدها بينكم و بين بعض و تعرفه ظروفك و تديله خبر و لما ربنا يريد اذا ليكو نصيب ف بعض هتبقوا لبعض

View more

+2 answers in: “يا ريت محدش يتجاهل الكيو.. أنا دلوقت أعجبت بوحدة أنا أول مرة شوفتها قلت لا يمكن اعجب بيها بعد كدة لقيت نفسي بتجرلها وحبيتها بجد وصلت لدرجة العشق والله دورت ع اكونتها هنا كنت ببعتلها هنا وفعلاً كانت بترد عادي بس لما صارحتها اصرت تعرف مين وانا مقلتش بس حاسس انها عرفت ومن ساعتها وهيا مفتحتش.. إنصحوني !”

77

انسان محترم جدا وروحگ نقية و جميلة .. و يمكن دا سبب ان ربنا يسخرگ للمجال الإنساني دا لانگ أجدر سَخص بيه و هتسيب اثر حلو 🙊 .. بتمنالگ التوفيق و السداد وراحة البال و السعادة الدايمة لقلبگ و لكل اللي بتحبهم 🌸🌸

View more

+3 answers in: “Number game 🔥💙”

❤❤

آﭜﮧة
بصوا خلينا صرحاء كدة 😂😂
اولا فلانتاين و مش هفلتن للمرة الـ19 بكل فخر و ابتزاز .. قصدي اعتزاز 😂❤
و بما إني مش هفلتن ( هو حرام أصلا 😂😝 )
فانا عايزة كل شخص يفتكر موقف ليا معاه او حاجة حلوة عملتها او ايه رأيه فيا او انطباعه عني .. كدة يعني 😂 معلش اختكوا الصغيرة و زهقانة هعتبرها هديتي السنة دي ( ملهاش علاقة بالفلانتاين ملناش دعوة بالهطل دا اعتبروها هدية عيد ميلادي اللي محدش بيعبرني فيه ) 😂 مش معقولة اكون بومة كمان و مليش مواقف مع حد ( ربنا يستر 💔😂)
ممكن تسيبوه ف انسر عادي او تكتبوا ف صراحة للناس الكسوفة 😂
اهنيه 😂👇
https://ayaaahmeed12.sarahah.com/
و اللي عايز يسأل ف اي حاجة ماشي ( دا ان حد عبرني 😹 )
و اللي عايز لايك بردو يقول .. ( اكيد عند دي و كله هيطلب 😹😹 ) ....

View more

+5 answers Read more

ان شاء الله .. شكراً🌸

العفو 😄

View more

+2 answers in: “يا ريت محدش يتجاهل الكيو.. أنا دلوقت أعجبت بوحدة أنا أول مرة شوفتها قلت لا يمكن اعجب بيها بعد كدة لقيت نفسي بتجرلها وحبيتها بجد وصلت لدرجة العشق والله دورت ع اكونتها هنا كنت ببعتلها هنا وفعلاً كانت بترد عادي بس لما صارحتها اصرت تعرف مين وانا مقلتش بس حاسس انها عرفت ومن ساعتها وهيا مفتحتش.. إنصحوني !”

💛

آﭜﮧة
سلامٌ أيها الحائر 💛
تعليق صوتي : مي حافظ
تصميم : أمل حسن
گلمات واختيار اللحن : me 🙈❤
يمكن اجمل حاجة حصلتلي لحد دلوقتي .. ان ناس عمرنا ما اتقابلنا و لا نعرف بعض اصلا يعجبهم حاجة من كتابتي و يخلوها صوت حي .. دي فعلا من أكتر الحاجات اللي اسعدتني 💛
رأيگم يهمني فعلا .. و ياريت تحطوا الهاند فري 🙈🙊
https://youtu.be/3FjUID2rvwY

View more

+4 answers Read more

بقلم شاعر👲 وفرشة فنان🎨 أسبق الأنس👮والطير🐤والجان👿وأطير عالي بسما⛅ الأكوان أمر على براري وجبال🌋 ووديان وأبارك لكم قرب شهر رمضان🌙 واهديك (سمبوستين✌)الحرفين الأولين لعدوك😉 والباقي على خدودك😜 الله يزيد هالوجه المنور نور🌞 ويعطيه من حلا الحور ويبلغه رمضان🌙 وهو مسرور😉😊😜😋 كل عام و انتم بخير🌺

Mohamed.G.M
أضحک الله سنک 😂❤
كل سنة و حضرتگ طيب و بخير و سعادة 🙊🌸

View more

ŠpäÇë..💛🌻

آيه سامى❤
گلمتين گدة نعتبرهم إعتراف بسيط ..
من بِنت زيي زيگوا " يعني مش منفسنة و لا حاجة 🙊"
كلنا حلوين و قمرات .. و كلنا كبنات بطبيعتنا الفطرية عايزين نكون حلوين دايما دا شئ لو متوجدش فينا يبقي فيه حاجة غلط !! متفقين ..
بس مش معنى گدة .. إني أبالغ !!
معايير الجمال اللي گل شوية نفضل نعدل و نغير فيها دي .. و گل سنة نفتگس إفتكاسة ملهاش لازمة ..
من العود الفرنساوي مرة للگيرڤي مرة .. من العيون العسلي للخضرا للزرقا ..
وكله كوم و الصراعات الرهيبة بين الطويلة و القصيرة .. وصاحبة البشرة البيضاء و السمراء .. Wait !!!
مبدأيا گدة .. مين سمح تحطوا و تعدلوا ف معايير الجمال !! مين دا اللي اقنعكوا ان العيون السودة وحشة گخ و البسي لينسز براند عشان تبان طبيعية و اعملي فيلر لشفايفك عشان صغيرة اوفر !! متنسيش البوتوكس عشان يخرابي ع وشک !!
حقيقي الموضوع دا گارثي ومش بالبساطة دي .. اه انتي بترمي كلام حتي لو مش مأثر ع نفسيتك .. غيرگ بيسمعه و بيتأذى ..
گام بنت اتأذت بسبب انها لقت معندهاش بعض من المعايير اللي حضراتكوا حطينها فبدأت تلجأ لعمليات التجميل اللي هي أصلا محرمة ! و ابتدت تحط ميكب و لينسز و اتخلت عن طبيعتها بسبب كام سطر ف لستة ملهاش اي تلاتين لازمة !
ليه احنا كبنات بقينا عنصريين و تفگيرنا بقي ف حاجات تافهه و مخنا بقي صغير اوي كدة اننا نقصر نفسنا ع اننا "جسم وبس !"
ليه نبص للبنت اللي مش حاطة ميكب بصة وضيعة ! مفيش بنت مبتحبش الميكب كلنا بنحب الميكب .. بس فيه بنات عارفة الميكب دا بيتحط فين و لمين ....
فيه بنات عارفة ان مش لازم تظهر جمالها بالميكب و اللبس الضيق و صور الانستا عشان تبقي اوبن مايندد و گيوت ..
ثم إن معلش يعني عود فرنساوي ايه و كيرڤي ايه اللي بتتخانقوا و تعايروا بعضكوا بيه دا !!
و مين سمحلك تقولي ع واحدة يا عصاية او تخينة او الهبل بتاع البنات دا !
يا جماعة دي خلقة ربنا .. ربنا خلقنا مختلفين عشان نكون مميزين .. عشان يكون لكل واحدة مننا جمالها الخاص بيها وحدها بس !! و حطي تحت اخر جملة دي مليون خط
انتي حلوة بلونك بعودك بملامحك بطبيعتك اللي ربنا خلقك بيها .. و الله ربنا ما بيخلق حد وحش ..
و الميگب .. گلنا والله حلوين بالميگب .. بس متخليهوش يمحيگي .. متخليهوش شكلك الاساسي .. الميكب اتعمل لتوضيح الملامح .. مش محوها خالص !
و اللينسز .. بالله ملوش لازمة .. انتي ربنا خلق لون عنيكي كدة حكمته بقا .. انتي حلوة والله باللون اللي اتخلقتي بيه ..
و والله ما فيه بنت مبتتجوزش 😂 كل واحدة بيجيلها المناسب اللي شايف فيها حاجة مميزة غيره مش شايفها ❤ فمش لازم والله الجو اللي انا و انتو عارفينه دا .. خلينا مستورين بقا 🙊😹
حبي نفسك .. و اقتنعي بنفسك .. و متخليش حد يأثر فيكي .. و بلاش جو المعايير العامة دي .. انتي ليكي معاييرك الخاصة .. متسمحيش لحد مهما كان يهز ثقتك و حبك لنفسك .. والله العظيم انتي حلوة .. ربنا خلقك جميلة و حلوة بكل تفاصيلگ .. فبلاش نعقدها كدة ! ❤

View more

+3 answers Read more
Next