انا شاب وعندي سوال
عادي اني اساعد اهلي في البيت انظف معاهم واروق معاهم وووووو لية لما حد يعرف يقوال علي بنوتي
يا ابنى يا حبيبي انتا حد.جميل اؤى ومحترم جدا والله لو بتعمل كده فعلا فانتا يترفعلك القُبعه ..اما قصة ال بيتكلم عليك بقى ف بص النبى محمد صل الله عليه وسلم كان بيساعد اهله فى البيت فى كل حاجه ..شوف بقى انتا كده بال بتعمله بتتبع سيد الخلق محمد صل الله عليه وسلم +ان الناس مش بتسيب حد فى حالها لو ساعدتهم هايقولو عليك بنت .ولو مش ساعدهم هايقولو شوفو الولد صابع ومش بيساعد اهله .فسيبك من الناس يا سيد الرجال 💚💚
( وَأَسَرُّوهُ بِضَاعَةً ) ، شافوا سيدنا يوسف عليه السلام بضاعة وهو عند ربنا نبي ، فانت ما يهمكش الصورة اللي الناس شيفاك بيها ، ما يهمكش كلامهم ولا نظراتهم ، ما يهمكش في الدنيا دي غير مكانتك عند ربنا واللي بينك وبينه ، لا تسعى لرضى حد في الدنيا ، ولا تسعى لتصحيح وجهة نظرهم فيك ، الحاجة الوحيدة اللي تستاهل تسعى ليها هي رضى ربنا عليك وراحتك وبس .
أنا مش عايز ييجي يوم والشخص اللي إختارته بكامل إرادتي يخذلني قُدام نفسي وقُدام الجميع، مش حابب أعيش اللحظة اللي هبقى واقف فيها وسط الناس وباصص في الأرض وشايفهم بيشاوروا عليا ويقولوا: (ما إحنا حذرناك كتير ولو كُنت سمعت كلامنا ما كانش حصل فيك كُل دا) أنا حقيقي مش هتحمّل بشاعة اللحظة دي ولا هقدر أصلًا أعيش الشُعور دا.
مَفيش حاجة اسمها دا ما شافش منّي غير كُل خير فمش هيأذيني، بالعكس إحنا ما اتأذيناش غير من اللي عملنا عشانُهم كُل خير.مَفيش حاجة اسمها دا عِشرة عُمر ومش هيتغيّر معايا، لأ والله اتغيّروا وبقو أكتر ناس حاقدة علينا.مَفيش حاجة اسمها بينكو عيش وملح ومُستحيل يطلع أسرارك برّا، لأ طلعوها ونهشو فينا زيّهُم زي الغُرب.مَفيش حاجة اسمها دي زي أختك، ودا زي أخوك، والخال والد، ودا عايز مصلحتك، ودي يهمها راحتك، كُل دي جُمل مُعلّبة بتتقال وخلاص لكن الواقع طلع حاجة تانية خالص .. والناس طلعت بشعة بشكل ما يتوصفش إلا من رحم ربي طبعًا.
لو فاكر إن الشخص الساكت مرتاح تبقى ما تعرفش حاجة؛ أغلب الساكتين فقدو الأمل من الكلام، ولما اتكلمو ما حدّش فهمهُم، ولما سكتو ما حدّش استغرب سكوتهُم وفكّر يتطمن عليهُم، وفي اللحظة اللي إنتَ شايفهُم ساكتين وهاديين بتكون في خِناقة كبيرة جوّاهُم، في لوم وعِتاب وحُزن وزعل وحاجات تانية كتير ما حدّش فاهمها ولا حاسسها غيرهُم .. فما تحسدش الساكت على سكوته لإن الهموم اللي جوّا القلوب لا يعلمها إلا الله.
تخيل تلاقي شخص على مقاس أمنياتك بالظبط، هدوءه، صوته، مواساته اللي بتخليك تنسى همومك، طريقة سماعه ليك، أخلاقه وطريقة كلامه معاك، صبره على مزاجك المتقلب، إمتصاصه لغضبك، ذوقه في الأكل واللبس، كل حاجة بتصدر منه شبه مطابقة ومناسبة ليك. شخص تقاسمهُ خوفك، فيقاسمك الطمأنينة. تخيل شخص على مقاس قلبك!
اخر مره حلمت فيها وتخيلت .صابع رجلى الصغير خبط فى الشباك قومت من النوم
الحقيقة إحنا تايهين وما بقيناش فاهمين نفسنا خالص؛ هل إحنا مبسوطين ولا زعلانين؟ طيب مرغوب فينا ولا وجودنا تقيل؟ الناس اللي في حياتنا بتحبّنا لشخصنا ولا بيحبّونا عشان إحنا كويّسين معاهُم؟ طيب حاسين بالسعادة فعلًا زي ما بنبيّن للناس ولا الحُزن مسيّطر علينا زي ما بنحس كُل ليلة وإحنا لوحدنا؟ طيب هو اللي إحنا فيه دا مؤقت ولا خلاص دي بقت حياتنا وهنفضل طول عُمرنا تايهين بالشكل دا!
الحقيقة إحنا تايهين وما بقيناش فاهمين نفسنا خالص؛ هل إحنا مبسوطين ولا زعلانين؟ طيب مرغوب فينا ولا وجودنا تقيل؟ الناس اللي في حياتنا بتحبّنا لشخصنا ولا بيحبّونا عشان إحنا كويّسين معاهُم؟ طيب حاسين بالسعادة فعلًا زي ما بنبيّن للناس ولا الحُزن مسيّطر علينا زي ما بنحس كُل ليلة وإحنا لوحدنا؟ طيب هو اللي إحنا فيه دا مؤقت ولا خلاص دي بقت حياتنا وهنفضل طول عُمرنا تايهين بالشكل دا!
Space ❤️
ما وضعك اللّٰه في كل تلك المحن الا ليزيدك قوه ،حاشاه ان يظلمك ويضعك ف اختبار يضعفك😊