Ask @arwaalhajeri:

أعتذر كثير كثييير كثيير اذا طولت كثيراً في الوصف لكن لأني أبغى أوضح الصورة كاملة لك وتعرفين وضعي ، إي شيء أي شيء بتقولينه ممكن يفيديني من إي جانب أكرميني به تجربة صعبة أحتاج توجيهاتك ، وشكراً شكرا جزيلا لك شكري

تجربة الغربة أكثر شيء يصقلك ويطورك ويعلمك. كثير راحوا ورجعوا والحمدلله ما تغيّروا.. بالعكس ممكن تتغير مبادءك للأفضل!
بالنسبة للحجاب المناسب، صراحة مدري ش تفضلين! 😅
عن نفسي: أفضل العباية تكون قصيرة نوعًا ما حتى ما تترطب مع المطر والثلج، والحجاب نفسه قطن وأتلثم لثمة قطن نفس الشيء! وأخذ اللثمة بنفس لون الحجاب او القبعة اللي تحت الحجاب! حاولي تاخذين ألوان فاتحة وزاهية 🙈 غلطتي أغلب ألوان حجاباتي وعباياتي غوامق :/
العبايات والحجابات واللثامات آخر شيء أخذتها من محل اعتقد اسمه (الجناح الاسود) في رويال مول في الرياض، محل كبير في الزاوية. أو ممكن تفصلين بعد ..
وطبعًا في الشتاء والبرد نلبس بالطو على العباية لأن المباني كلها دااااافية!
أعتذر أني تأخرت بالرد على تساؤلك، بس كنت أبغى أروق عليه 🙈
وبالتوفيق 🌹

View more

ممكن ما تظهرالكلام السابق كله،وتفيدني بنصائح دينية عاطفية عائلية إي نصيحة لمستجدة مبتعثة لاتعلم أين تقف أوتتمركز،دعوت ربي واستخرت وسبحانه يسر الأمور أحسن تيسيرللآن،لكن فيما بعد الوصول لازالت تائهة كيف ممكن أتهيأ وأتأقلم وكمل مشواري كيف ممكن أنجح وأثبت وأتغلب كيف ممكن أتحمل فراق أهلي؟مع فارق الوقت

خلينا نبدأ حبة حبة!
أول شيء، حياة الغربة راح تورّيك زين أن الوطن (ما قصّر) معك بشيء أبدًا .. يكفيك الدراسة المجانية اللي أُتيحت لنا من الصغر وحتى الحصول على البكالوريوس أقل شيء! مسألة أن الوطن قصّر مع أحد في وظيفة! هو غير مُلزم صراحة بهالشيء! يعتمد على اجتهاد الشخص بالإضافة إلى شروطه اللي يحطها! مسألة أننا كلنا نبي وظائف حكومية، هذي أكثر دولة متطورة ما سوتها لمواطنينها..
ثاني شيء، حياة الغربة:
إذا أنتِ إنسانة بيتوتية، تطمني الغربة راح تزيد هالشعور فيك! عمري ما كنت بيتوتية ولا أحب البيت، لكني أُجبرت على أني أتعود على حياة البيت :/ وهالجلسة راح تساعدك في ممارسة هواياتك وأنشطتك وحياتك، وإذا بغيتِ تختلطين بالمجتمع في الأندية السعودية في الجامعات 😍 والسعوديين في كل مكان يالله من فضلك 🙏🏽 وإذا على الموسيقى، مو لازم تروحين مطاعم ولا مقاهي كثير 😅 والسوق، كل شيء أون لاين الحمدلله.
فراق الأهل أكثر شيء يتعب، مو أنت لحالك تعانين من هالشيء.. كلنـا! وأنا قدامك! أقدر الجلسات والجمعات العائلية، ولا أترك أهلي أبدًا، ولا أغيب عنهم.. لكن الواحد يتأقلم ويتعايش! التنازل عن الحجاب، فكري بكل الناس اللي راحوا ورجعوا وحققوا اللي يبون بدون أي تنازلات دينية يقدمونها .. مرات أحس الغربة تعطي القوة أكثر والعزيمة الأكبر للتمسك! واسألي الله الثبات 💕
كل ولاية تختلف، وكل شخص يختلف التعامل معه! كل ما كنتِ ثابتة تقدرين تثبتين نفسك عندهم. عادي بيني واشرحي! الناس هنا ما عندهم الا اللي يشوفونه في الإعلام، حنا السفراء الحقيقيين لدينا وَ وطننا .. لازم نبين كيف الدين عازنا كمسلمين والوطن داعمنا دائمًا.

View more

Next