دخيل قلبك انت و حكيك مأحلاه بتشكرك من كل قلبي .. قدرتي تفهميني و تحسي فيي بدون ما تعرفيني و بعتذر اني اخدت من وقتك او دايقتك
الله يكتبلنا الخير و السعادة بالدنيا و الاخرة♡
~~
هلأ فيما يخص كيف تديري حياتك هالشي موقّف عليكِ ، أكيد أنتي بتعرفي ذاتك منيح و بتعرفي شو الأشياء يلي بتريحك و بتزعجك. و ثانياً طريقة التعامل مع هيك شخص أو أي شخص هي إنك ما تجعليه محور الكون تبعك ، بمعنى لا تقولي بدي أعمل أو بدي ما أعمل ، تصرفي بشكل عفوي و رح تلاقي مع الوقت أنتِ لحالك ما بقا يهمك الموضوع و ما بقا ياخد هالحيّز الكبير بتفكيرك. أما موضوع أنتي شو بتعنيلو فأكيد حسب حكيك في إلو شي تجاهك بس حتى هو مالو متأكد منو بما فيه الكفاية و لحتى يتأكد ما رح تقدري تجزمي إذا بحبك أو لأ. بعتذر إني تأخرت للرّد بس حاولت ألاقيلك جواب يريحك و يقنعك و يخفّف عنك قليلاً. موفقة بدراستك و بحياتك و بحكيلك متل ما بقلي أحد أصدقائي "طفّي قلبك شوي" ?
لو سمحتي جلسات تمخ شقد بدهم وقت و من وين الدراسه؟
بلتوفيق☺
يعني بدها كحدّ أقصى يوم و نص ما أكتر.. و المحضّرات كانت واضحة كتير كتير ما تاكلي همها. درست من الشامل و صور أنا كنت آخدهن بكل جلسة. بالتوفيق إلك كمان ?
بيبقى هيك أنتي في علاقة مفتوحة ، و هي أسوأ الأنواع. هلأ أنا فهمانة إنك بتحبيه و هو "بحبك" ، بس شو الفائدة من علاقة مالك مستقرّة فيها! بتصوّر قدامك حلّ و هو إنك تواجهي ، يا بتنهي كل شي و يا بيصحى هو عحالو و بيعرف أنو يلي بينكن (إذا كان موجود عنجد) ممكن يختفي للأبد و بتصرّف وقتا. يعني ما بدي أحبطك أنا بس لو محلك مستحيل أكمل بشي عم يتعبني لهي الدرجة!
مسا الخير آريا ?
لفت نظري آخر سؤال حبيت أبدي رأيي فيه.
الطرف التاني بهالحالة سارق أرض وبده يلغي وجود شعب وعم يعمل بحقه جرائم حرب و قتل وأسر من 70 سنة أكيد رح يكون في ردة فعل من الشعب ولو كانت بأبسط وسيلة متاحة إله.
وبأكد انه أكيد ما حدا فينا بحب العنف ولا بشجع عليه بس القضية هون صارت قضية وجود.
لهيك أنا قلت إني ضد الممارسة و ليس ضد يلي عم يمارسها.. بالعكس كتير شي منيح أنو عم يدافعو أخوتنا الفلسطينين عن وجودن بأقل شي بيقدرو عليه و كتير شي بيحرق القلب لما نشوف الممارسات ضدّن كشعب مالو ذنب. بس فكرتي إني العنف بجرّ عنف ما أكتر. و شكراً كتير لرأيك و بحترمو عنجد ?