Ask @ashrafbahaa06:

Related users

ازاي الشخص يقدر يقاوم فكره الإنتحار اللي مسيطرة دايما عليه في كل وقته حتي في عز ضحكته ، مع العلم اني الحمد لله قريبه من ربنا و مؤمنه بيه و برحمته بس حقيقي طاقتي خلصت و مش لاقيه سبب واحد لكل اللي بيحصل

الانتحار عمره ماكان سبب راحة لو انتي متخيلة إن بمجرد الانتحار كل حاجة خلصت وانتهت!..
أيا كان اللي بيحصل واللي بتمري بيه دا كله لأن انتي اد الاختبار والبلاء دا.. كنت ف فترة من فترات حياتي زيك كدا وقعدت مع اتنين اعرفهم واحد بيشتكي بردو من حياته و و و التاني رد عليه قاله اللي انت فيه مهواش زيادة ولا تقيل عليك وعلى اللي تقدر تستحمله لأن ربنا قال "لا يكلف الله نفسًا إلا وسعها".. فانتي مستوعبة ان كل اللي انتي فيه دا تقدري تتحمليه! بس احنا بقينا دلوقتي مابنواجهش ولا بنصبر بقينا نستسلم ونقول هننتحر اسهل.. مع انه لو صبر على البلاء دا هيلاقي الثواب عظيم ف الآخرة وهيشوف أثر دا ف الدنيا.

View more

جاوب هنا 🌼

بصي آخر حاجة تشغلي بيها نفسك هي رأي حد فيكي ماتلتفتيش لكلام أو آراء حد طول ما انتي واثقة ف نفسك في ناس بتعمل كدا عشان تستفزك عشان مش عارفين يوصلولك او يكلموكي صدقيني اللي يرمي ودنه للناس هيتعب وهيعاني

View more

متقدملى شخص اصغر منى ب٤ سنين و كل مواصفاته كويسة اوى اوى فوق الوصف سواء اخلاق أو شغل أو اهل أو حتى فلوس انا شوية بخاف و شوية برتاح و مش عارفة اقرر ممكن نصيحة

اركني السن على جنب مش فارقة اكبر او اصغر الفارق الوحيد هو عدد السنين و4 سنين فرق كويسة جدا وطالما فيه كل الصفات دي فأنا شايف انك تديله وتدي نفسك فرصة

View more

محتاجة تدعي لي جامد انا بدأت اهو افك شوية من الي بيدايقني والي بفكر فيه طول الوقت فادعي لي تكمل ع خير وادعي لي يرزقني بالزوج الصالح

ربنا يثبتك ويقويكي ويعينك.. انتي على الطريق الصحيح كملي وماتبصيش وراكي ولا تلتفي لأي شيء حوليكي يعطلك وربنا يرزقك انتي وبنات المسلمين بالزوج الصالح

View more

أنا صاحبة السؤال اللي فات، بالله قولي اعمل ايه و اوافق ولا لا، ملحوظة* كنت بحب مهندس بس من محافظة تانية وقولتله ان في حد متقدملي ف جاب ورا وقال انه لسة قدامة جيش ومش جاهز يتقدم ف خرجته من حياتي عشان حسيته بيلعب، ف قولي والنبي اتصرف ازاي ؟؟

بصي أنا أختي اتقدملها حد معاه دبلوم سنتين بردو وهي كلية ومش طب ولا حاجة من دي بس رفضت لكذا سبب من ضمنهم انها لو حبت تقدم لولادها ف مدرسة كويسة هيترفضوا لأن لازم يكون الأب والأم تعليم عالي

View more

عوديني واحده واحده انا هحكيلك من نفسي لكن انا اساله بيتخنق نفسي يجي يحكيلي يومه ابقي انا كل حاجه عندو هو باباه مسيطر جدا وبيتخنق جدا من اساله بقول بسبب باباه بقي حابب يبقي حر اساله زي فينك هتعمل ايه كده يعني اعمل ايه عشان اقربو مني بقالنا سنه وشهرين وهتجوز

بصي ماتطلبيش منه يحكيلك طالما هو مابيحبش كدا حاولي تعوديه يحكي بإنك تحكيله تفاصيل يومك انتي وتفتحي معاه حوارات ومواقف حصلت ف حياتك ممكن يكون في مواقف مشابهه حصلت ف حياته ويبدأ يحكي هو من نفسه

View more

احكي يلا 🐣

أحيانًا مش كل الخسائر هزائم..
أحيانًا خسارتنا لبعض الناس مكسب.. بتكسب نفسك اللي ربما كنت مفتقدها أو مهمشها وبتيجي على حساب نفسك علشان غيرك..
خسارتك للأشخاص بتعلمك إن لما حد يمشي تقدر تستغنى عنه بسهولة ومايبقاش فارق معاك.. ودي يمكن أكتر حاجة اتعلمتها وبقيت حاسسها ومابقاش فارق معايا الشخص اللي مشي دا كان مين ولا كان ف يوم بالنسبالي ايه..
المهم إن أنا بالي رايق وعايش حياتي.

View more

Next