آسف دكتوره طفشناك بأسئلتنا عن المدسن كأننا أول دفعه تدرس بالجامعه :) بس حبيت اسألك كيف كان نظامك ايام المدسن للمذاكره خصوصاً مع زود اللخبطه باقي مافتحت ولاشي لحد هاللحظه :( اسعفيني بتوجيهاتك ولك مني كل الشكر

خذ راحتك , الصفحة لكم !
على أيامنـا لاحظت إن الدنـيا ملخبطة , فيه محاضرات تنشرح أكثر من مرة من أكثر من دكتور , في دكاترة يستغربون إنا ما نعرف موضوع معين ! محاضرات دخلت في الامتحان و احنا ما عندنا خبر ..و هذا يدخل يشرح في وقت الثاني و يتضاربون على مواعيد العملي ... الخ أما العملي فكان حكاية ثانية .. اللي يدخل يقول خذوا حالة و نتقابل بعد دقايق , و اللي يشرح فحص مو من تخصصه, فيجي اللي من تخصصه يشرح نفس الفحص! ... الخ .
المهـم , قررت أألف منهج لي خاص هههههههههه بما إن الساحة مفتوحة للتأليف .
مسكت كتاب العملي و قرأته من أول كلمة انكتبت إلى أن اتضحت الصورة ماذا يجب أن يعرف طالب الطب و المقدمات اللي محد كلمنا عنها ! بعدين رميته , أتكلم عن Talley . , . فأخذت كتاب Macleod's و أغرمت به إلى أن انتهيت منه , ظهرت مذكرة جامعة الملك سعود فكانت شيء جميل في الحياة ساعدني على المراجعة فنشرتها بين زملائي ..أتكلم عن مذكرة سايلنت guide to history taking...
و مسكت كتاب النظري كومـار الصغير عذبني و ما لقيت فيه كـل شي , تهورت و أخذت كتاب كبير جداً اسمه Davidson
و نفس الشي قرأت المقدمات و فهمت الحكاية !
جلست أسبوعين تقريباً أقرأ الأساسيات في العملي و النظري و أرتب أفكاري .
بعدها صار العملي أسهل ما يكون و أفرفش في وقت العملي و أعتبره سياحة !
النظري كان كثير جداً و اللي ناخذه في المحاضرات رؤوس أقلام و بالقوة ! دكتور يعطينا أوراقه و الثاني يرفض و الثالث يقول اقروا هاريسون O_o !
استلمت كتاب Davidson و حطيت علامة على كل عناوين المحاضرات اللي أخذناها , كل محاضرة أقرأ الأساسيات حقتها حتى لو ما انشرحت .. لقيت الدنيا صارت سهلة و خفت الكميات جداً جداً ..
ما أحاول ألاحق المحاضرات و لا أمشي على جدول المنهج الملخبط أساساً , ممكن جداً تلاقيني حاضرة محاضرة و أنا قد ذاكرتها , أو دخلت امتحان و ما في راسي إلا الشرح اللي سمعته ..
يعني على حسب الوضع اللي أمامك . عندكم جدول واضح و وصف المنهج جميل و الجميع يمشي عليه , التزم بالموجود. إذا وجدت أن الدنيا ملخبطة فشوف لك طريقة مثل اللي ذكرتها .
بالتوفيق .

The answer hasn’t got any rewards yet.