What do you do if you’re alone on Valentine’s day?

كنت لسه بفكر إنه العلماء زمان كانو مستحقين مكانتهم اكتر من دلوأتي.. دارسين العلوم زي الفيزياء، الرياضيات، الفلك، المنطق، الطب،.. زمان كانو اكشلي بيحاربوا عشان يستحقوا ألقابهم دي، يعني عشان يبقي راجل عالم فيزياء وبيولوجي ف نفس الوقت كان لازم يبذل جهد فكري ف كلا العلمين، وبقدر كبير، بمعنى إنه ساعتها كانت العلوم مش مكدسه زي دلوأتي، لسه حجات كتير غامضه ومحتاجه اوبسرفيشن من حد بيتأمل ال حواليه عشان يحاول يفسره، ويزود أو يعدل عال درسه، يعني حد درس بعدين، ١-تأمل ٢- أدرك إن ال شافه محتاج تفسير ٣- حاول يوصل لتفسير بطريقه عمليه علميه ٤- غالباً حد قبله حط تفسير عبيط الكل مصدقه بس هو شايفه محتاج يتراجع، زي مثلاً دوران الأرض حوالين الشمس، فكرة جاليليو جاليلي -العظيم- ال اتقتل عشانها، لأنه الناس كانو مصدقين ساعتها إن الأرض مركز الكون -البشر دايما مغرورين-، الراجل درس فيزياء، فلك، هندسة، طب، وبرع فيهم كلهم!.. أو مثلاً، نيوتن، الراجل ال *أسس* علم التفاضل والتكامل وتقريبا الميكانيكا كمان، الناس دي مكانش عندها أي هاي-تيك مال متوفرلنا حالياً، يعني دول وصلو لل وصلوله باستخدام عقلهم، عشان يحطو لناس زينا نظريات تسهل فهمنا للكون، عشان نيجي احنا وبكل انعدام مسؤولية، نحط ال اكتشفوه ف كتب، نجيب دكاترة مبتفهمش أي حاجه فالحياة غير إنها تبراج ابوت سفرها برا واد ايه هما متقدمين هناك واحنا يع، أو يقرو كلام مكتوب -والطلبه يعملو نفسهم مبيعرفوش يقروا فمحتاجينهم-، أو ميقدروش يردو ع أبسط سؤال من طالب ركز خمس دقايق وأدرك تناقض كلامهم.. كل ده نديه لطلبه تحفظه، نمتحنهم ع قدرتهم ع استرجاع حفظهم وتكديس معلومات مش مفهومه، وبانج، نسميهم *دكاترة *مهندسين *فيزيائين،.. ريل كول تايتلز؟ ويل ميستحقوهاش. مش دايماً العيب عال بيُلقي المعلومة بس كثرة المُلقيين الجهلة، الأغبيا، بقت مريبه. كتير بسأل نفسي لو عشت أيام زمان هكون مال كانو بيقولو ع أصحاب الأفكار المجنونه، مجانين، ولا هكون معاهم؟
*واو ده كله ولسه مرحتش الجامعة امال لما اروح واكتشف ان لسه في هول نيو ترم تاني بدأ اوردي.. هعمل ايه هه

بس احنا نواكب المنظومه الفشله عشان لازم نوكبها وناخد منها باب يفتح المجال لحاجات تانيه يعني انتي مجبره تسمعي الدكتور الي بيشرح ومجبره تحلي امتحانه بس مش مجبره ابدا تفضلي طول عمرك تحفظي بس وتوقفي مخك ماحدش قالك ماتدوريش علي المعلومه بالعكس لو هما زمان بيواجوه قله امكانيات فاحنا بنواجه منظومه فاشله

صح كلامك.. الفكره بس ان الواحد بيستنزف نفسياً وجسدياً من الضغط..امتحانات وبروجكتات وبلا بلا.. ف فين الوقت ال هدور فيه على كل معلومه مش مقتنعه بيها او مش فاهماها؟ احنا بنحاول بس الموضوع صعب..